BIESOZY 8
8
Sona byhnâzy
1 #
Bies 1.20,21 Sona ta awh ta,
Novâhna ta a ao ki a pasâh.
2Lâthlôh kiah su a sâhpa liata zy,
Lâpi atyhna su liata zy,
3Khih thokhy chhikao kiah liata zy,
Hawka liata zy a duah ta,
Hetana heta ao paro ngaitapa ta a awh tyh:
4“Hy nâmo, chyhsazy saih u, ei cha aw ei hih,
Ei awna he chyhsa sawzy lâta a châ.
5Hy nâmo, sona a phahlapazy saih u,
Sona a chu u la;
Nâmo, ahrupazy saih u,
Pahnona a chu teh u.
6Nathlie teh u, bie phapazy reih aw na ta,
Ei hmao tawhta bie dopa a vaw pua aw.
7Ei pakah ta biehmeiseihpa reih aw ta,
Paraona cha ei hmao châta pasichhihpa a châ.
8Ei pakah bie zydua asiapa châ khai ta,
Bie akopa tlyma, bie hloh hneipa tlyma y tlâ vei.
9Chyhsa novâhpa châta cha sia khai ei ta,
Pahnona a hmôpazy châta chhao amâ do khai.
10Tâkâ vyuhpa ta ei pachuna a la u la,
Ngôh phapa vyuhpa ta pahnona tlao a la teh u.
11Sona cha lôsôhpazy hlâta pha via ta,
Na tlaichhai kawpa khâpa nata hmah
Pakhopâ theipa châ vei.
12“Sona ta hetana heta a tah:
Kei, sona he pahnona nata pahrâ khoh na ta,
Novâhna nata pachâhpady thaina ei hnei.
13 Abeipa china cha moleina a haopa a châ.
Apalaina nata apasâhsana a hao na ta,
Moleina hro zy ei hao;
Phichhyhpa bie chhao ei hao.
14Ryhrao thaina nata sona dopa zy cha kei eih châ ta,
Novâhna hnei na ta, thatlôna ei hnei.
15Keima baona ta beizy ryureih ei ta,
Ryureituhpazy ta ryureina dopa ama siekhei.
16Keima baona ta beimachâzy ryureih ei ta,
Nôpawpa zydua ta â dopa ta ryu ama reih tyh.
17Kyh nâ pachâtuhpazy cha ama kyh pachâ na ta,
Palôh hmeiseihpa ta nâ tluapazy ta eina hmô ei.
18Hneirôna nata zachhihna zy ei hnohta y ta,
Hneirôna nata siana tlyuhpa chhao ei hnohta a y.
19Keima thei cha ngôh hlâta pha via ta,
Ngôh suapa hlâ chhao ta a pha via;
Ei kôvei chhao tâkâ suapa hlâta a pha via.
20Siana lâpi a chhih na ta,
Adona lâthlôh ei chhih.
21Kyh nâ pachâtuhpazy hnohta ryuto pie ei na ta,
Ama ryubyhzy ei pabiepa ei.
22 #
Biep 3.14
“Abeipa ta hmo a tao tua nota na tao ta,
Hlâno ta a tao tuachaipa ei châ.
23Tlyzaw ta a ypa châ na ta,
Leilô y hlâta taopa châ na ta,
Tao tuachaipa ei châ.
24Ti athupa y hlâta y ha na ta,
Ti hluhpi a palipa tihnawhzy y hlâta ei y haw.
25Tlâhpizy yzie a hnei hlâta pih ha na ta,
Tlâhthlôhzy ama y hlâta ei pih haw.
26Leilô nata lyurâhpazy a tao hlâta pih ha na ta,
Khizaw dohlei hmiatuachaipa a y hlâta ei pih haw.
27Avâzy a padua nota y ha na ta,
Ti athupa chô liata vâphuh#8.27 He liata “Vâphuh” he avâ nata alei likawh liata vâphuh ahlôpa hawhta a ypa aruapa he â nua. Kaokih tah theipa chhao a châ hra. a chhôh nota ei y haw.
28Chô lâ avâzy a pa-i nota y ha na ta,
Ti athupa tihnawhzy a tao nota ei y haw.
29Tizy ta a biepiepa ama parao lei nawpa ta,
Tilaipi râhrizy taopa ta leilô abôna a tao no khata ei y haw.
30Rai a thaipa hawhta Abeipa kiapâh liata y na ta,
A noh chareih ta â lyna châ na ta,
A hmiakô liata khâ ei ly tyh.
31A pahrâna khizaw liata thaphapa ta y na ta,
Chyhsa sawzy chô liata ei ly kaw tyh.
32“Chavâta sawchapawzy saih u,
Tahmâ na nathlie teh u:
Ei lâpi a chhihpazy cha ama hu â hieh aw.
33Pachuna nathliepa ta so u la,
Dytha khuh vy.
34Noh chareih ta ei chhikaozy lâ a vypa ta,
Ei dôhpachhôh ochhizy liata hâ tyh ta,
Ei bie a nathlie tyhpa cha a nohlao na.
35Nâ hmôpa maih hrona a hmôpa châ ei ta,
Abeipa khokheina ama to aw.
36Nâ hmô leipa deikua cha anosasyh ta hmah a paphao ta,
Nâ haopa zydua chhao thina kyh a pachâpa ama châ.”
Currently Selected:
BIESOZY 8: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
