BIESOZY 5
5
Apheina kyh zikyurâna
1Ei sawchapawpa y, ei sona he nathlie la,
Ei novâhna lâ he na nah pachôh mah y.
2Chatanachata novâhna hnei aw chi ta,
Na hmaozy ta pahnona â vao aw.
3Chanô ngâchhih leipa hmao cha kheihti hawhta a thlaoh ta,
A pakah chhao sathaw hlâta a pahnia via.
4Achhâna lâ deikua cha hmo khapa hawhta kha ta,
Zaozi hâh nopa hawhta a châ.
5A pheizy thina lâ zu ei ta,
A pheizy ta Athihkhih lâpi amâ chhih.
6Hrona lâpi kyh pachâ leipa ta,
A lâthlôhzy pavia ta,
Khataih lâ ma a sie tahpa pahno vei.
7Chavâta ei sawchapawzy saih u,
Tahmâ na nathlie u la,
Ei pakah biezy he a heihsai khuh vy.
8Cha hawhpa chanô cha a heihsai u la,
A o chhikao chhao a hnia khuh vy.
9Chataleipatala na zachhihna mohropazy pie pathlei aw chi ta,
Na hro chhôh kôzy chhao nôchhiepazy na pie pathlei aw.
10Khichhaipazy ta na thatlôna hmâpa ta lôhrâ a patlô pathlei aw ei ta,
Na hriapasana chhao chihropa o lâ a sie pathlei aw.
11Na hro chhâna liata cha a hrô aw chi ta,
Na sapa nata na pôhpa a rao khai tita cha,
12“Kheihtazieta ma chhoreina a hao na ta,
Ei palôh ta rana kha a vaw papeisa vei tly!
13Nâ pachutuhpazy ao vaw nathlie leipa na ta,
Nâ chhihthatuhpazy lâ ei nah ei vaw pachôh vei tly?
14Zawpi ahmaohpakhyna liata,
Maophyuh chhie ta ei maophyuh daihmâ hih,” na tah aw.
15Nâma tikhaoh tawhta ti doh la,
Nâma tihnawh tawhta ti a lohpa doh mah y.
16Na tihnawhzy su to liata loh pathlahpa ta,
Lâlaizy liata chavah tizy a loh awpa a châ ma?
17Na tihnawhzy cha nâma châ dei châ sala,
Na hnohta a ypa khichhaipazy châta châ khah sy.
18Na tihnawh cha byhnâ to sala,
Na thyutlia no lapinô liata a ly mah y.
19Ano cha sakhi chanôpa khochhih ngaitapa châ ta,
Sathawh chanôpa pha ngaitapa a châ.
A sâhpizy ta lôhrâ khâ cha patlôsa sala,
A kyhpachâna iahzaipa ta khâ y mah y.
20Ei sawchapawpa y, khazia chanô ngâchhih leipa iahzaipa ta y aw chi ta,
Apheinô hnôbia cha nâ pyhpahly aw?
21Chyhsapa lâpizy cha Abeipa hmiakô liata y ta,
A siena lâ maih Abeipa ta a moh tyh.
22Hmoparaopa cha a paraona khoheih liata a ao aw ta,
A moleina chaori ta â ipa ta a chahry aw.
23Pachuna a phahlapa vâta thi aw ta,
A hru tupa vâta a leidia aw.
Currently Selected:
BIESOZY 5: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
