BIESOZY 25
25
Sawlawmaw bieso hropazy
1Hezy he Sawlawmaw biesozy châ hra ei ta, Zudâh bei Hezekia chyhsazy ta ama ro pachhuahpazy a châ.
2Bie nyupa cha Khazohpa rônahna châ ta,
Abei rônahna deikua cha bie tluapapuapa a châ.
3Avâzy â sâhpa nata alei â thupa hawhta,
Abeizy palôh chhao a laichadai theipa châ vei.
4Tâkâ tawhta a saiiepazy la ha la,
Syudaihpa ta hmobaoh tao nawpa chhaichhi phapa hnei aw ta;
5Abei mohmô tawhta moleipazy la ha la,
A beidyuchhai cha siana ta paduapa a châ aw.
6 #
Lka 14.8-10
Abei hmiakô liata nâmasasyh ta a chhaodaolaoh leipa la,
Chyhsa rônahpazy su liata a duah khah y.
7Nôpawpazy mohmô ta â hnai lâ patyusapa hlâta,
“He lâ a khy teh,” ama cha tahpa a pha via.
8Ryureina liata chyhsa leih awpa a para khah y,
A chhâna lâta na vaih ta maoh cha paphyuh aw ta,
Tao awpa pahno leipa ta na y pathlei aw na.
9Biepeipa na hneipa cha na vaih nata reih khoh u la,
Mohropa bieru phuah khah y.
10Chataleipatala a theituhpa ta maophyuhpa ta cha tao aw ta,
Na moh chhiena chhâ thai khao leipa ta a y pathlei aw na.
11A daihtita ta bie reipa cha,
Tâkâ byh liata ngôh epuh hawhta a châ.
12Ngôh rahy nata ngôh suapa atobina kho â chhihpa hawhta,
Chyhsa sopa chhoreina chhao,
Reingiahpa nakhaoh liata kho â chhih.
13A tuahtuhpa châta lyuhchâpa ngâchhihpa cha,
Sâh hria daihti liata dâhaw chakuapa hawhta châ ta,
A zibeipazy hro a palysa tyh.
14Hmo a pie leipa tlai ta piepa hawhta â reihpa cha,
Vâsua ti a hnei leipa meihdo nata thlih hawhta a châ.
15Palôh pasina ta ryureituhpa pahnie theipa châ ta,
Paleih naipa ta ru a pakei thei.
16Kheihti na hmô khiahta cha,
 daihpa rakha ta nie mah y;
Na nie hluh tu khiahta cha,
Na pali pathlei aw na.
17Na vaih o tlykiah tu khah y,
Cha ai aw ta a châ hao pathlei aw na.
18A vaih chô liata pahnokheituhpa pakheipa ta a ypa chyhsa cha,
Byuthô, zaozi nata châtai tiahpa hawhta a châ.
19Tymâna daihti liata chyhsa ngâchhih leipa chô liata a pahniehpa cha,
Hâh a charuapa nata phei a pahleihpa hawhta a châ.
20Palôh rietheipa châta hla sapa cha,
Chasi noh ta chysia pahluhpa hawhta châ ta,
Lôiah liata sahma thaopa baopa hawhta a châ.
21 #
Rma 12.20
Na chariahpa a no a di khiahta cha nie awpa pie la,
A dâh a phi khiahta cha ti do awpa pie mah y.
22A luh chô liata meihei iapa a pathlupa châ aw chi ta,
Abeipa ta lymâ a cha pie aw.
23Maw thlih ta vâsua vaw tlôkhei ta,
Kyh rei a hmâhpa paleih ta hiehâhna hmia a tlôkhei.
24A hryu nawpa sai a tlua thlâh hapa lapinô nata o laipa liata y khohpa hlâta la,
Vâphuh chaki liata ypa a pha via.
25Râh hlapi tawhta thâtih phapa cha,
Dâhphipa châta ti chakuapa hawhta a châ.
26Chyhsa siapa moleipa hmiakô liata a paopa cha,
Vahtie panôpa nata tihnawh puapa hawhta a châ.
27Kheihti nie hluh tupa pha leipa ta,
Rônahna tluapa chhao rônah hlei vei.
28Anosasyh â pahnie leipa chyhsa cha,
Khihpi chopa thokhy a hnei leipa hawhta a châ.
Currently Selected:
BIESOZY 25: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
