ISAI 35
35
Khazohpa chyhsa kua heihna
1Râhchawhpa nata râh raohpa zy a ly aw ei ta,
Sadi su chhao thaphapa ta y aw ta,
Rôspaw hawhta a pawh aw.
2Râhchawhpa ta a paw pakai aw ta,
Thaphapa nata hla sapa ta â ly aw.
Lebanaw rônahna a hnohta piepa châ aw ta,
Kâmel nata Saraw angiana chhao,
A hnohta piepa a châ aw.
Abeipa rônahna hmô aw ei ta,
Eima Khazohpa angiana ama hmô aw.
3 #
Heb 12.12
Ku chiehleipazy cha thapatlô u la,
Pakhu chalyupazy pa-i teh u.
4Palôh duapazy hnohta hetana heta tah teh u:
“Chi leipa u la, thatlôpa ta y teh u!
Pachâ teh u, nama Khazohpa cha,
Phuh lana chhaota a vy aw ta,
Khazohpa viarithôna chhaota â vy aw.
A vy aw ta a cha pachha aw ei.”
5 #
Mat 11.5; Lka 7.22 Cha tita cha,
mochaopazy mo pavâsapa châ aw ta,
Nahpâpazy nah pavâsapa a châ aw.
6Pheisypa sakhih hawhta a chapie aw ta,
Reih pathlie thai leipa paleih chhao,
Thaphapa ta hla a sa aw.
Râhchawhpa liata tizy pua aw ei ta,
Sadi bypizy liata vahtie tizy ama loh aw.
7Sadi sahpa su cha tipo lâta a lie awh ta,
Chhaohlei chawhkaraipa su chhao,
Tihnawhzy yna lâta â lie aw.
Savaizy tlaihna liata amâ byu tyhna suzy liata,
Sibiepa nata lohthi zy pyuh aw ei ta,
Maitanô zy ama pyuh aw.
8Cha liata lâlai y aw ta,
Pathaihna Lâpi tahpa a châ aw;
Pathaihna lâpi a chhihtuhpazy châta châ aw ta,
Pathaih leipazy ta a chhih aw veih ei;
Moleipa ahrupazy chhao,
Cha liata sie aw veih ei.
9Cha lâpi liata cha,
Chakeibarôhneipa y leipa aw ta,
Sahrâhpa a vy aw vei;
Chazy cha, cha liata hmô awpa y leipa aw ta,
Chatlaipazy ta, cha lâpi cha amâ chhih aw.
10 Abeipa chatlaipazy cha kua heih aw ei ta,
Hla sana chôta Zaio ama pangai aw.
Chhâzaw alyna ama luh chô liata y aw ta,
Thaphana nata alyna hmô aw ei ta,
Pachârôhna nata ahrôna y khao aw vei.
Currently Selected:
ISAI 35: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
