ISAI 25
25
Abeipa khokheina reithaina hla
1Hy Abeipa, nâ cha ei Khazohpa na châ;
Cha cheihchalo aw na ta,
Na moh ei reithai aw.
Hmonoâhpazy a tao chi ta,
Hlâno tawhta na pachhuapanohpazy cha,
Ngâ a chhih ei ta amâ do.
2Khihpi cha alô pathluna ta tao chi ta,
Thokhy khihpi cha khih rypa ta na tao haw;
Chihropazy thokhy khihpi chhao,
Khihpi châ khao leipa ta,
Khatita hmah paduapathipa châ khao aw vei.
3Chavâta phopi thatlôpazy ta cha parônahsa aw ei ta,
Râh chichhihpa khihpizy ta ama cha chi aw.
4Sipasapa châta thokhy châ chi ta,
Dyhchhiepa nôpo daihti liata a thokhy na châ;
Thlihpipa tawhta abohna châ chi ta,
Noh lopa châta nohdi na châ.
Nôchhiepa hu deikua cha,
Thlihpipa ta pâhchhô a vawhpa hawhta châ ta;
5Râh raohpa liata noh lopa hawhta a châ.
Chihropazy palopasahna pyu padia chi ta,
Meihdo nohpahli ta noh lopa a padiapa hawhta,
Nôchhiepa hla cha chalihsapa a châ.
6He tlâh liana heta,
Pheisaihzy Abeipa ta phopi zydua châta kyhchhi a tao aw;
Pati pahâhpa to niena kyhchhi châ aw ta,
Kresawhti hlôpa dona kyhchhi a châ aw;
Sa rupa lathli bawna kyhchhi châ aw ta,
Kresawhti suapa dona kyhchhi a châ aw.
7He tlâh liana heta,
Phopi zydua hmiakhuna parao aw ta,
Râh zydua khuna poh a parao aw.
8 #
1 Kaw 15.54;
Biep 7.17; 21.4 Thina cha tlyzaw ta pahlei aw ta,
Abeipa Zehôvâh ta
Chyhsa zydua hmia tawhta mothlihzy hru khai aw ta;
A phopi nohzaona chhao,
Khizaw zydua liata a pachhâsa aw;
Cha bie a reihpa cha Abeipa a châ.
9Cha noh liata hetana heta ama tah aw:
“Moh teh u, he he eima Khazohpa cha châ ta,
Miah pachha awpa ta eima hâpa Khazohpa cha a châ hih.
He he Abeipa cha châ ta,
Ano tlai he eima hâpa a châ hih.
A pachhana liata a ly ei sih la,
Thaphapa ta y ei suh u.”
10 #
Isai 15.1—16.14; Zer 48.1-47; Ezk 25.8-11; Ams 2.1-3; Zep 2.8-11 He tlâhpi liata Abeipa ku a pahâ aw ta,
Viahchao ie liata sawphao tlypâpa hawhta,#25.10 Viahchao ie liata sawphao tlypâpa he, alei nata sawphao nata viahchao iezy pahlaopa ta, o sa nawpa ta leiraopa ama taopa reina a châ.
Môabâ cha ano su liata tlypâpa a châ aw.
11Tithaipa ta ti a zaw awpa ta a ku a pazawhpa hawhta,
Môabâ cha a râh liata a ku pazawh aw ta,
Châhrasala Abeipa ta â palaina cha panawh aw ta,
A kuzôthaina a panawh aw.
12A thokhy a sâhpazy pacho aw ta,
Pahnai aw ta alei dohlei liata a papao aw.
Currently Selected:
ISAI 25: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.
