ISAI 23
23
Tyre nata Sidaw kyh chhochhieliena
1 #
Ezk 26.1—28.19; Zôe 3.4-8; Ams 1.9,10; Zkr 9.1-4; Mat 11.21,22; Lka 10.13,14 He he Tyre kyh chhochhieliena bie a châ:
Hy Tâsi balyhzy saih u,
Thata cha teh u;
Tyre cha paraopa châ ha ta,
Olyu nata balyh apahâna zy chhao y khao vei.
Cha cha Kiti râh tawhta ama vaw siena lâta
Ama hnohta palâsapa a châ.
2Hy tilaipi kiah liata a pahrâpazy saih u,
A thlih thlâh ha u la;
Tilaipi balyhzy ta ama pahneirôhsapa,
Nâmo, Sidaw sôhdaohpazy saih u,
A thlih thlâh ha teh u.
3Ti lai ngaitapazy chô liata Sihaw sâh vaw sie ta,
Nile kôvei cha Tyre sôh hmôna châ ta,
Tyre cha râhzy sôhpaliena supipa a châ tyh.
4Hy Sidaw, nozapa ta y teh,
Tilaipi ta bie reih ha ta,
Tilaipi thokhy ta hetana heta a tah:
“Saw a zeih beih leipa na ta,
Saw sa beih hra va na;
Satliazy mohôh beih leipa na ta,
Laihsazy chhy beih hra va na.”
5Bie pathâhpa cha Izi râh a tlô tita,
Tyre kyh vâta thata ama palôh a pasa aw.
6Hy tilaipi kiah liata a ypazy saih u,
Tâsi lâ haosâ kiah u la thata cha teh u!
7He he haosai a pha kaw tyhpa nama khihpi kha châ vei ma?
Hlâno tawhta a vaw duahpa khihpi hlôpa,
Lâhlapi lâ taihta a phei ta siepa ta,
Pahrâna su a tao laihpa khihpi kha châ vei ma?
8Ahy ma beilakhozy a pakhosatuhpa Tyre chô liata
He hmo he tao a chhuah tly?
Tyre sôdaohpazy cha beimachâzy châ ei ta,
Cha liata sôhpalietuhpazy chhao,
Lei chyhsa zachhihpazy mah ama châ tâh.
9He hmo he Pheisaihzy Abeipa hmochhuahpa a châ.
Amâ palaikheipa rônahna zydua papuapalei ta,
Lei chyhsa zachhihpazy noh pazao nawpa ta,
Pheisaihzy Abeipa ta tao â chhuahpa hmo a châ.
10Hy Tâsi zuah#23.10 Hebrai Biehrai liata “Sawchanô” tahpa he a hmâna rei ta Mara reih ta “Zuah” tah theipa châ hra ta, chavâta he liata chhao “Tâsi sawchanô” tahpa cha “Tâsi zuah” tahpa ta sopa a châ. Hlaphôh liata cha khihpi he laihsa hawhta rei tyhpa châ ta, chavâta Tâsi zuah tahpa cha Tâsi khihpi reina a châ hra. y,
Nile chavah kiahzy liata ama taopa hawhta,
Na râh liata leipalie bâ mah y;
Balyh apahâna hnei khao va chi hih.
11 Abeipa ta tilaipi chô liata a ku pazawhpa ta,
Abeinarâhzy chalyu ta;
Kâna thokhyzy parao awpa ta,
Bie a pie haw.
12“Hy Sidaw laihsa kôpa y,
Tlybaipa ta y ha chi ta,
Na haosai pha khao aw vei;
Thyu la, Kiti lâ haosâ kei zoh teh,
Cha liata chhao apahâna hnei hlei aw va chi,”
Abeipa ta a tah.
13Moh tua u, Kaldia mo râh hih! Phopi a lei hapa râh châ ta, Asuria ta râhsazy pahrâ nawpa ta a tao haw. Khihpi dôhna o sâhpazy padua thlupa ta, thokhyzy parao ei ta, khih rypa ta ama tao haw.
14Hy Tâsi balyhzy saih u,
Thata cha teh u,
Nama thokhy a rao ha hih.
15Chatawhcha cha noh liata hetana heta a vaw châ aw: Tyre cha bei pakha hro chhôh kô ziepa tlu ta, kô sysari chhôh mypa ta y aw ta, kô sysari a lei tita, âzuahnô hla ta a reipa hawhta, Tyre chô liata a vaw tlô aw:
16“Hy âzuahnô my hapa y,
A thei thlâhpa na châ heih thei nawpa ta,
Totâ la la, khihpi chahlô mah y!
Ao ngiapa papua la,
Hla hluhpi sa mah y!”
17Kô sysari a chhâ nahta, Abeipa ta Tyre cha vaw tly aw ta, a hria hlao rai parohpa lâ kha kua heih aw ta, alei chô liata khinarâh zydua liata â zuah heih aw. 18Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEIPA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.
Currently Selected:
ISAI 23: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved.