ISAI 21

Tilaipi kiah râhchawhpa kyh chhochhieliena

1He he tilaipi kiah râhchawhpa kyh chhochhieliena bie a châ:

Khisô ta Neke#21.1 Neke he chho lâ râh reina a châ. a chanaohpa hawhta,

Chariahpa cha râhchawhpa tawhta a vy ta,

Râh chichhihpa tawhta â vy.

2Aluahna rarôh ypa ei hnohta phuahpa a châ;

Paphasaituhpa ta a paphasai ta,

Paraotuhpa ta a parao.

Hy Elâmi, khy la,

Hy Media, dôh teh.

Chyhsa a pahrôsa tyhpa zydua kha

Ei pachhâsa haw.

3Chavâta ei chai nata ei zôhzy pasana ta bie ta,

Chanô sawzeihpa pasana hawhpa

Pasana ta eina patu haw.

Pasa ei tao tupa vâta,

Ei nah ta thei thei khao leipa ta;

Ei pachârôh tupa vâta,

Ei mo ta hmô thei khao vei.

4Ei palôh a tymâ ta,

Chichhihna ta eina pahlaw.

Zâ vaw tlô awpa ei ngiatiah tyh leipa kha,

Kei châta achalyuna lâta a tao haw.

5Tlâhkhai a chhuahdypa ta,

Vaituhpazy soh ei ta,

Niepa ta, doh ei ta.

Hy beimachâzy saih u, thyu u la,

Vyhphao kha sathaw thu teh u!

6Abeipa ta ei hnohta hetana heta a tah:

“Sie la, riahvaituhpa kei soh la,

A hmôpa phuah mawh sy.

7Arâ a kiahpazy hmô aw ta,

Arâ pheisaihzy a bao bao ta a hmô aw;

Alâ a kiahpazy hmô aw ta,

Râraoseihpa a kiahpazy a hmô aw;

Ama bie reipazy pakhâta ta nathlie sala,

A pha ngaitapa ta nathlie mawh sy.”

8Riahvaituhpa cha chakeibarôhneipa hawhta awh ta,

“Hy Abeipa, riahvaina o sâhpa liata,

Noh y ta a duah na ta;

Ei vaina su liata,

Zâ khihdei ta ei y.

9 # Biep 14.8; 18.2 Pachâ teh, arâ a kiahpazy a vy ei ta,

Arâ pheisaihzy a bao bao ta amâ vy,” tah ta.

Riahvaituhpa lilaw chata,

“A pao haw, Babylaw cha a pao haw,

A khazoh nothlahpa zydua cha,

Alei liata a taichheih khai haw,”

Tahpa ta a chhy ta.

10Hy sawhri sâh, ei sâh chakhy chiehpa y,

Pheisaihzy Abeipa tawhta ei theipa cha chho na ta,

Izarei Khazohpa tawhta ei theipa ei cha chho.

Dumâ kyh chhochhieliena

11He he Dumâ kyh chhochhieliena bie a châ:

Chyhsa ta Seirâ tlâh tawhta na vaw aw ta,

“Riahvaituhpa y, zâ he khati ta a chhâ aw?

Riahvaituhpa y, zâ he khati ta a chhâ aw?” tah ta.

12Riahvaituhpa ta,

“My vaw châ daihmâ ta,

Zâ a vaw châ heih aw.

Nama hiahri khoh khiahta cha,

Hiahri u la;

A vy u la,

Hiahri heih teh u,” tah ta.

Arabia kyh chhochhieliena

13He he Arabia kyh chhochhieliena bie a châ:

Hy Dedâ sôhpaliepa khitlyhpazy saih u,

Arabia râhmâhpa liata a rie u la,

14Nâmo, Temâ râh liata a pahrâpazy saih u,

Dâhphipazy cha ti ta dy u la;

Arâpazy viahchhâ ta dy muh vy.

15Zaozizy tawhta a râpazy châ ei ta,

Zaozi phia hapa tawhta a râpazy ama châ khawh.

Libaw a kei chiehpa tawhta a râpazy châ ei ta,

Adyuhna rupa tawhta a râpazy ama châ khawh.

16Abeipa ta ei hnohta hetana heta a tah: “Hria hlaopa kô reizie ta reipa ta, kô kha chhôh ta, Kedâ mo rônahna zydua cha a chhâ khai aw. 17Kedâ pathlazy hry liata likathaipa pasaipha laibâhpazy cha a chyhta ama châ aw. Abeipa, Izarei Khazohpa ta, cha cha a reih haw.”

Currently Selected:

ISAI 21: MARVBSI

Highlight

Copy

Compare