KAOLAOSÂ 4
4
Pachunazy
1 #
Eph 6.9
Zibeipa saih u, nâmo chhao avâ liata Zibeipa nama hnei tahpa pahnopa ta, nama seizy chô liata â do kawpa nata â raohâh kawpa ta tao muh vy.
2Thlahchhâ lylia u la, nama thlahchhâna liana chata alynabie reih u la, a hrohrua teh u. 3Bâlia ei kyna chhâpa Krista bienyupa chho awpa ta, Khazohpa ta a bie châta ochhi miah a pahypa thei nawpa ta, thlah miah chhâpa u la, 4ei rei awpa hawhta ei reih thei nawpa ta thlah na chhâpa teh u.
5 #
Eph 5.16
Rypaohna patu thai lymâpa ta, khôtho#4.5 Khôtho chyhsa he ngiapâleipazy reina a châ. chyhsazy liata so ngaitapa ta y teh u. 6Chyhsa to hnohta namâ chhyzie awpa nama pahno thei nawpa ta, nama reikah a puapa cha, khatino rai ta ngiachhiena ta bie sala, alôh hawhta iahpa châ lymâ mawh sy.
Anaohna nata byhnâ awna
7 #
Hmt 20.4; 2 Tim 4.12 #
Eph 6.21,22 Abeipa liata unawh kho ngaitapa, chakaotuhpa ngâchhihpa nata chakaolâhpa Tykiku ta ei thâtih zydua a cha chho aw ei. 8Eima duahmo vaw pahnopa ta, thlah a cha palôh thei nawpa ei ta, Tykiku cha nâmo lâ ei vaw tuah. 9#Philm 1.10-12Ano hnohta nama chyhsa Ônesimâ, eima unawh ngâchhihpa nata kho ngaitapa ei vaw tuah hra. Âmo ta eima yna liata hmo yzie zydua ama cha chho khai aw.
10 #
Hmt 19.29; 27.2; Philm 1.24;
Hmt 12.12,25; 13.13; 15.37-39 Ei tâlâhpa Aristaku ta a châ naoh ei. Bânabâ tupapa Mâka chhao ta a châ naoh ei. Ano kyh liata pahnosana vaw dao ha ei chi ta, nâmo lâ â vy khiahta cha, a vaw ly muh vy. 11Zisu, Zustâ ama tahpa chhao ta a châ naoh ei. Âmo deita he chopawtaipazy hry liata Khazohpa khinarâh châta ei hrialâhpazy châ ei ta, thlah nâ palôhtuhpazy ama châ. 12#Kao 1.7; Philm 1.23Nama chyhsa Epâpharâ, Krista Zisu chakaotuhpa ta a châ naoh ei. Khazohpa khozie zydua liata pitlohpa nata tlokhuh a lôhpa ta, namâ duah thei nawpa ta, phahnai ngiah ngaitapa ta thlah a cha chhâpa tyh ei. 13Nâmo châta nata Laodisi khih liata a ypazy châta nata Hirâpôli khih liata a ypazy châta hriapasa ngaitapa a châzie ei pahnokhei. 14#2 Tim 4.11; Philm 1.24; 2 Tim 4.10; Philm 1.24Dawhty kho ngaitapa Luka ta châ naoh ei ta, Demâ chhao ta a châ naoh ei. 15Laodisi khih liata unawhzy kha nâ naohpa u la, Nypha nata a o liata a pakhypa Awnanopa chhao kha nâ naohpa muh vy. 16He châpaphaopa he nama hry liata rei khaipa a châ tawhta, Laodisi Awnanopa chhao pareisa hra u la, nâmo chhao Laodisi mo hnohta ei châpaphaopa kha vaw reih hra muh vy. 17#Philm 1.2Akhipâ kha, “Abeipa liata chakaona na hmôpa kha patlô a chhuah mah y,” tahpa ta vaw chho muh vy. 18Kei, Pawla ta, he anaohna he keima ku tlai ta ei ropa a châ. Ei bâlia a kypa he a thei thlâh ha teh u. Ngiachhiena nama hnohta y mawh sy.
Currently Selected:
KAOLAOSÂ 4: MARVBSI
Highlight
Copy
Compare
Share
Want to have your highlights saved across all your devices? Sign up or sign in
The Bible Society of India
© 2025, Used by permission. All rights reserved.
