Rom 4
4
Abaraham na nɛ chega tei to
1Á pa dé nii dé nabaaro Abaraham déem na ye tei ye o jege chega Wɛ tei ne to. Dé wó ta we o nɛ kɔ mo? 2Wɛ ya ná pɛ‑o chega o na ke keim-laaro to ŋwaane, o ya wó taa jege woŋo se o mage o nyɔɔne ko baŋa ne, se ko dae Wɛ yiga ne mo o wae o ke konto. 3Wɛ tɔnɔ kom nam bere debam we, “Abaraham sɛ Wɛ de wo-dedoa, ye Wɛ pa o na chega ko ŋwaane.”#Pulim 15:6; Galatia 3:6 4Ko nam ná ye nɔɔno ná toŋe totoŋa, o wó jwoŋi o ŋweero o totoŋa yam baŋa ne, ye ko dae pɛɛre mo o jwoŋi. 5Ko daare nɔɔno wolo ná maŋe o ba tɔge keim-laaro ŋwaane se o na chega Wɛ tei ne, ye o ta ke o wo-dedoa de Wɛ, Wɛ wó pa konto tu na chega o wo-dedoa kam ŋwaane. Wɛ mo ye wolo na pae se wɛ-lwɛɛna na chega o yiga ne. 6Pɛ David de maŋe o ŋɔɔne taane dento dwoŋi. O déem tage we, nɔɔno wolo Wɛ na pɛ se o na chega ye ko dae o keim-laaro ŋwaane to ye wopwolo tu mo. 7David maa we:
“Balo Wɛ na yage ba wo-balwaaro tem o ma chɛ-ba to jege yu-ywoŋo,
o na saare ba wɛleera to ŋwaane.
8Nɔɔno wolo na jege wɛleera
ye Wɛ ba ke-ya o bochare ne to jege yu-ywoŋo.”#Lei 32:1-2
9David na ŋɔɔne wopwolo kom taane to, o ŋɔɔne o pa balo peina na gwoni to yerane mo na? O nam ŋɔɔne o pa balo peina na wo gwoni to de mo. Dé maŋe dé lɔre we, “Abaraham ke o wo-dedoa o sɛ Wɛ, ye Wɛ pa o na chega ko ŋwaane.” 10Wɛ na pɛ o jege chega o tei ne konto to, ko ye o peini na maŋe de gwoni to mo na? Aawo, o peini ya ta wo gwoni mo. 11Ko ye ko kwaga ne mo ba gwoni o peini se ko taa ye maana we Wɛ maŋe o pa o jege chega o wo-dedoa kam ŋwaane ye ba ta wo gwoni o peini. Konto to, balo maama peina na wo gwoni ye ba ke ba wo-dedoa de Wɛ pa se ba na chega o tei ne to ye Abaraham dwi tiina chekke mo. 12Balo maama na ke ba wo-dedoa de Wɛ ye ba maŋe ba gwoni ba peina to de ye Abaraham dwi tiina mo, de ba na tɔge Abaraham déem na jege wo-dedoa ye ba ta wo gwoni o peini tei to.
13Ko dae Abaraham na tɔge Wɛ ni-kaana yam tei to ŋwaane mo pɛ se Wɛ pwooli se o zeini Abaraham de o dwi tiina bam. Ko nam ye Abaraham na jege wo-dedoa de Wɛ ye o na chega o tei ne to ŋwaane mo pɛ Wɛ pwooli we, o wó pa o ba o taa tei logo kom. 14Ko ya ná ye balo na boŋe se ba na chega Wɛ tei ne de ba ni-kaana tɔgem to mo wó ba ba taa tei logo kom, ko ya wó pa se wo-dedoa tɔgem daa ta ba jege kuri, ye Wɛ kampwola kam de wó ji kafɛ mo. 15Wɛ ni-kaana yam mo pae o bane zaŋe de nɔɔna de ba na chɔge-ya to ŋwaane. Ni-kaana nam ná tera, nɔɔna bá wane ba lɔre we ba chɔge-ya.
16Dé lɔre we ko ye Abaraham wo-dedoa kam ŋwaane mo pɛ se Wɛ pwooli kampwola ded‑o, se o wane o pa-ka zɛɛra. Konto to, Abaraham dwi tiina bam maama wó seene ba na wo-laaro telo Wɛ na tiŋi o ni se o pa-ba to. Ko dae balo na jege Wɛ ni-kaana yam ba tɔge to yerane mo wó na-te, se ko ye balo de na jege wo-dedoa de Wɛ ne Abaraham de na jege tei to mo. Konto ŋwaane, debam maama wó wane dé bwoŋi Abaraham we dé nabaaro. 17Wɛ déem tage de Abaraham o we, “Amo gwoni a ni se a pa n ji dwi tiina dedɛ nabaaro.” Abaraham na ke o wo-dedoa de Wɛ to, o seene o ye dé nabaaro Wɛ yiga ne. Wɛ nam mo bi nɔɔna toone wone o pa-ba ŋwea, ye o ŋɔɔne wonnu telo ta na tera to, ne te na maŋe te wora tei to. 18Wɛ déem na tage de Abaraham we, o dwi tiina wó puli to, Abaraham maa yeiri Wɛ na wó ke tei o ke konto. De konto de, o jege teena lanyerane, ye o ke o wo-dedoa o sɛ Wɛ ni dem. Konto ma pa se o seene o ji dwi tiina dedɛ nabaaro, nenɛɛne Wɛ na tage we o dwi dem wó puli tei to.#Pulim 17:4 19Abaraham déem na yi bena bi to, o ma na we o yera tiini ya bugi ye o ga fee se o te. O ma daare o na o kaane Sara de na kwe dedɛ ye o kɛ lora to. De konto maama o déem wo pɛ se o wo-dedoa kam chɔge. 20O maa ba jege boboŋa yalei de Wɛ na pwooli se o pa‑o kolo to. O nam tiini o zege lanyerane de o wo-dedoa kam mo, ye o zeiŋi Wɛ yere. 21O maa seene o yei lanyerane we, Wɛ wó wane o ke kolo o na pwooli se o ke to. 22Ko ye konto ŋwaane mo ko popone we, “Wɛ ma pa o na chega o wo-dedoa kam ŋwaane.”#Pulim 15:2-6 23Ko nam na popone we, “Wɛ ma pa o na chega” to, ko dae Abaraham yerane ŋwaane mo ko popone konto. 24Ko nam popone debam de ŋwaane mo. Kokuri, Wɛ wó pa debam de na chega o tei ne, dé na ye balo na ke dé wo-dedoa dé sɛ‑o to ŋwaane. Wonto nam mo ye wolo na bi dé Teiru Yezu toone wone to. 25Wɛ nam mo ke Yezu nabiina jeŋa ne pa se o te debam wɛleera ŋwaane. O ma daare o bi‑o toone wone pa se o jwoori o na ŋwea, se ko pa dé na chega o tei ne.#Izaya 53:4-5
Currently Selected:
Rom 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Rom 4
4
Abaraham na nɛ chega tei to
1Á pa dé nii dé nabaaro Abaraham déem na ye tei ye o jege chega Wɛ tei ne to. Dé wó ta we o nɛ kɔ mo? 2Wɛ ya ná pɛ‑o chega o na ke keim-laaro to ŋwaane, o ya wó taa jege woŋo se o mage o nyɔɔne ko baŋa ne, se ko dae Wɛ yiga ne mo o wae o ke konto. 3Wɛ tɔnɔ kom nam bere debam we, “Abaraham sɛ Wɛ de wo-dedoa, ye Wɛ pa o na chega ko ŋwaane.”#Pulim 15:6; Galatia 3:6 4Ko nam ná ye nɔɔno ná toŋe totoŋa, o wó jwoŋi o ŋweero o totoŋa yam baŋa ne, ye ko dae pɛɛre mo o jwoŋi. 5Ko daare nɔɔno wolo ná maŋe o ba tɔge keim-laaro ŋwaane se o na chega Wɛ tei ne, ye o ta ke o wo-dedoa de Wɛ, Wɛ wó pa konto tu na chega o wo-dedoa kam ŋwaane. Wɛ mo ye wolo na pae se wɛ-lwɛɛna na chega o yiga ne. 6Pɛ David de maŋe o ŋɔɔne taane dento dwoŋi. O déem tage we, nɔɔno wolo Wɛ na pɛ se o na chega ye ko dae o keim-laaro ŋwaane to ye wopwolo tu mo. 7David maa we:
“Balo Wɛ na yage ba wo-balwaaro tem o ma chɛ-ba to jege yu-ywoŋo,
o na saare ba wɛleera to ŋwaane.
8Nɔɔno wolo na jege wɛleera
ye Wɛ ba ke-ya o bochare ne to jege yu-ywoŋo.”#Lei 32:1-2
9David na ŋɔɔne wopwolo kom taane to, o ŋɔɔne o pa balo peina na gwoni to yerane mo na? O nam ŋɔɔne o pa balo peina na wo gwoni to de mo. Dé maŋe dé lɔre we, “Abaraham ke o wo-dedoa o sɛ Wɛ, ye Wɛ pa o na chega ko ŋwaane.” 10Wɛ na pɛ o jege chega o tei ne konto to, ko ye o peini na maŋe de gwoni to mo na? Aawo, o peini ya ta wo gwoni mo. 11Ko ye ko kwaga ne mo ba gwoni o peini se ko taa ye maana we Wɛ maŋe o pa o jege chega o wo-dedoa kam ŋwaane ye ba ta wo gwoni o peini. Konto to, balo maama peina na wo gwoni ye ba ke ba wo-dedoa de Wɛ pa se ba na chega o tei ne to ye Abaraham dwi tiina chekke mo. 12Balo maama na ke ba wo-dedoa de Wɛ ye ba maŋe ba gwoni ba peina to de ye Abaraham dwi tiina mo, de ba na tɔge Abaraham déem na jege wo-dedoa ye ba ta wo gwoni o peini tei to.
13Ko dae Abaraham na tɔge Wɛ ni-kaana yam tei to ŋwaane mo pɛ se Wɛ pwooli se o zeini Abaraham de o dwi tiina bam. Ko nam ye Abaraham na jege wo-dedoa de Wɛ ye o na chega o tei ne to ŋwaane mo pɛ Wɛ pwooli we, o wó pa o ba o taa tei logo kom. 14Ko ya ná ye balo na boŋe se ba na chega Wɛ tei ne de ba ni-kaana tɔgem to mo wó ba ba taa tei logo kom, ko ya wó pa se wo-dedoa tɔgem daa ta ba jege kuri, ye Wɛ kampwola kam de wó ji kafɛ mo. 15Wɛ ni-kaana yam mo pae o bane zaŋe de nɔɔna de ba na chɔge-ya to ŋwaane. Ni-kaana nam ná tera, nɔɔna bá wane ba lɔre we ba chɔge-ya.
16Dé lɔre we ko ye Abaraham wo-dedoa kam ŋwaane mo pɛ se Wɛ pwooli kampwola ded‑o, se o wane o pa-ka zɛɛra. Konto to, Abaraham dwi tiina bam maama wó seene ba na wo-laaro telo Wɛ na tiŋi o ni se o pa-ba to. Ko dae balo na jege Wɛ ni-kaana yam ba tɔge to yerane mo wó na-te, se ko ye balo de na jege wo-dedoa de Wɛ ne Abaraham de na jege tei to mo. Konto ŋwaane, debam maama wó wane dé bwoŋi Abaraham we dé nabaaro. 17Wɛ déem tage de Abaraham o we, “Amo gwoni a ni se a pa n ji dwi tiina dedɛ nabaaro.” Abaraham na ke o wo-dedoa de Wɛ to, o seene o ye dé nabaaro Wɛ yiga ne. Wɛ nam mo bi nɔɔna toone wone o pa-ba ŋwea, ye o ŋɔɔne wonnu telo ta na tera to, ne te na maŋe te wora tei to. 18Wɛ déem na tage de Abaraham we, o dwi tiina wó puli to, Abaraham maa yeiri Wɛ na wó ke tei o ke konto. De konto de, o jege teena lanyerane, ye o ke o wo-dedoa o sɛ Wɛ ni dem. Konto ma pa se o seene o ji dwi tiina dedɛ nabaaro, nenɛɛne Wɛ na tage we o dwi dem wó puli tei to.#Pulim 17:4 19Abaraham déem na yi bena bi to, o ma na we o yera tiini ya bugi ye o ga fee se o te. O ma daare o na o kaane Sara de na kwe dedɛ ye o kɛ lora to. De konto maama o déem wo pɛ se o wo-dedoa kam chɔge. 20O maa ba jege boboŋa yalei de Wɛ na pwooli se o pa‑o kolo to. O nam tiini o zege lanyerane de o wo-dedoa kam mo, ye o zeiŋi Wɛ yere. 21O maa seene o yei lanyerane we, Wɛ wó wane o ke kolo o na pwooli se o ke to. 22Ko ye konto ŋwaane mo ko popone we, “Wɛ ma pa o na chega o wo-dedoa kam ŋwaane.”#Pulim 15:2-6 23Ko nam na popone we, “Wɛ ma pa o na chega” to, ko dae Abaraham yerane ŋwaane mo ko popone konto. 24Ko nam popone debam de ŋwaane mo. Kokuri, Wɛ wó pa debam de na chega o tei ne, dé na ye balo na ke dé wo-dedoa dé sɛ‑o to ŋwaane. Wonto nam mo ye wolo na bi dé Teiru Yezu toone wone to. 25Wɛ nam mo ke Yezu nabiina jeŋa ne pa se o te debam wɛleera ŋwaane. O ma daare o bi‑o toone wone pa se o jwoori o na ŋwea, se ko pa dé na chega o tei ne.#Izaya 53:4-5
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)