Rom 3
3
Juu tu dwoi dwi-gɛ tu na?
1Juu tu nam nɛ nyɔɔre se ko dwoni dwi-gɛ tu na? Ba ná gwoni Juu tu peini, ko jege wolim ko pa‑o na? 2Ɛɛ, ko tiini ko jege kuri. Yiga to, Juu tiina bam mo ye balo Wɛ na kwei o ni-botare sem o ke ba jeŋa ne to. 3Ba badaara nam wo ke ba wo-dedoa de Wɛ. Konto nam bá wane ko pa Wɛ taa ye wolo na nwoŋi o chega kam kwaga ne to. 4Kɔtaa. Nɔɔna maama ná maŋe ba ye vwa-nyena, Wɛ jege se o ta taa ye chega tu mo. Ko popone Wɛ tɔnɔ kom ne we:
“Nmo jege chega de nmo na ŋɔɔne taane delo to.
Nmo ná bore nɔɔna taane,
n ta jege chega mo.”#Lei 51:4
5Konto ŋwaane, dé ná maŋe dé tɔge tusim kikia, ko ta bere jaja we Wɛ tiini o jege chega. Konto maa pae se nɔɔna wae ba tɛ we, Wɛ ná waare-ba ba tusim kikia ŋwaane, o wo ke lanyerane. 6Konto nam ba jege kuri. Wɛ ya ná ba jege chega, o ya bá wane o di nabiina bora. 7Nɔɔna ta wae ba tɛ we, “Amo ná yeini a fɔ vwa, konto wae ko pa nɔɔna lɔre jaja we Wɛ tiini o ye chega tu mo, pa se o jwoŋi yere lanyerane. Ko na ye konto to, bɛ mo ye a jege se a na chɔgem a keim-balwaaro ŋwaane?” 8Konto ya ná ye chega, dé ya wó wane dé ta we, “Pa-na se dé taa toŋe lwarem, se ko wane ko ja lanyerane ko ba.” Nɔɔna badwonna bere we amo yeini a tɛ konto dwoŋi. Ba nam lage se ba chɔge amo yere mo. Ba tete wó na chɔgem se ko maŋe de ba kikia.
Wɔ mo jege chega Wɛ yiga ne?
9Ko bere we debam Juu tiina bam gare dwi-gɛ tiina bam na? Aawo, kɔtaa. Amo ya maŋe a ta jaja we nɔɔna maama wo wɛleera jeŋa ne mo, ko ná ye Juu tiina naa dwi-gɛ tiina bam de. 10Ko popone Wɛ tɔnɔ kom ne we:
“Nɔɔn-nɔɔno tera o na jege chega Wɛ tei ne,
de nɔɔno dedoa de.
11Nɔɔn-nɔɔno tera o na lɔre swa chekke.
Nɔɔn-nɔɔno tera o na lage Wɛ se o zuli‑o.
12Nɔɔna maama mɛ ba kwaga ba ya Wɛ,
ye ba maama tusi.
Nɔɔn-nɔɔno tera o na ke lanyerane,
de nɔɔno dedoa de.
13Ba nia maa ŋɔɔre,
ne yibeeli na puri to.
Ba maa mae ba dindeilima
ba gane nɔɔna.
Ba ni taane goe nɔɔna,
ne kapaa vea na ke tei to.#Lei 5:9; 140:3
14Ba maa sɔɔle wo-balwaaro ba pa nɔɔna.
15Ba tiini ba lage lela de nɔɔna gom.#Memaŋa 1:16; Izaya 59:7-8
16Ba yeini ba chɔge nɔɔna pa ba na yaara dedɛ.
17Ba maa yeiri ywoni chwoŋa se ba tɔge-ka.
18Ba maa bere ba ba kɔre Wɛ.”#Lei 36:1
19Dé yei we kolo maama Wɛ nia tɔnɔ kom na bere to, ko popone ko pa balo ni-kaana yam na tei-ba to mo. Konto ŋwaane, nabiina maama wó ba ba zege Wɛ yiga ne se o bwei-ba, ye ba wolowolo bá wane o pore o ni se o jwoŋi o tete. 20Wɛ ni-kaana yam pae se nabiina lɔre we ba ke ba tusi. Nɔɔno ná maŋe o yɔɔre o tɔge-ya tei, konto bá wane ko pa o na chega Wɛ yiga ne.
Dé na wó na chega Wɛ tei ne tei to
21Leile konto dé laam lɔre Wɛ na tɔge chwoŋa kalo o pae se nɔɔna jege chega o tei ne to, ye ko ba zege o nia yam tɔgem baŋa ne. Moses de Wɛ sampwori sem de na bere tei faŋa faŋa to nam maŋe ko bere ko na wó taa ye tei to. 22Ko nam ye nɔɔna na ke ba wo-dedoa de Yezu Krista tei to ŋwaane mo Wɛ pae ba jege chega o tei ne. Balo maama na ke ba wo-dedoa ba sɛ Yezu Krista to wó na chega Wɛ yiga ne, kolo ŋwaane nɔɔna maama ye bedwe mo o tei ne.#Galatia 2:16 23Nabiina maama tusi ye ba ware ba maŋe de Wɛ paare dem. 24Wɛ nam tɔge o zaane dem baŋa ne mo o pae se nɔɔna na chega o tei ne, Yezu Krista na ŋwe ba wɛleera jene o ma jwoŋi-ba to ŋwaane. Wɛ pae nɔɔna o zaane dem zɛɛra mo. 25O ma pa se Yezu ba o ji kaanem. O jana bam na nwoŋi konto to, o wane o saare nɔɔna wɛleera Wɛ yiga ne, ba na jege wo-dedoa ded‑o to ŋwaane. Wɛ ke konto mo se ko bere we o ye chega tu. Faŋa faŋa to o déem jege o tete mo ye o ba ke nɔɔna wɛleera o boboŋa ne se o chɔge-ba ya ŋwaane. 26Ko daare leile konto mo Wɛ bere we o ye chega tu de o na jwoŋi nɔɔna ba wɛleera wone ye o pa ba na chega o tei ne to. Konto maa bere we Wɛ jege chega ye o ta pae se balo maama na ke ba wo-dedoa de Yezu to de jege chega o tei ne.
27Ko na ye konto to, dé wó wane dé mage dé nyɔɔna bɛ baŋa ne mo? Kolokolo tera. Kolo ŋwaane ko dae dé na tɔge Wɛ ni-kaana yam to mo wó pa dé na chega. Ko nam ye dé na jege wo-dedoa to ŋwaane mo. 28Kokuri dé yei we nɔɔna wó na chega Wɛ tei ne ba wo-dedoa kam ŋwaane mo, ye ko dae ni-kaana yam tɔgem ŋwaane. 29Wɛ yiga wo Juu tiina bam yerane wone mo na? O yiga tera de dwi-gɛ tiina na? Aawo. O nii nabiina maama baŋa ne mo. 30Wɛ ye dedoa mo. Juu tiina ná ke ba wo-dedoa ded‑o, o wó pa ba na chega o yiga ne. Dwi-gɛ tiina de ná ke konto, o wó ke-ba bedwe mo. 31Konto nam ba bere we Wɛ ni-kaana yam daa ba jege kuri. Dé wo-dedoa kam bá wane ka leiri Wɛ ni-kaana yam yuu ne. Dé nam na jege wo-dedoa de Wɛ tei to pae se o nia yam tiini ya jege kuri mo.
Currently Selected:
Rom 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Rom 3
3
Juu tu dwoi dwi-gɛ tu na?
1Juu tu nam nɛ nyɔɔre se ko dwoni dwi-gɛ tu na? Ba ná gwoni Juu tu peini, ko jege wolim ko pa‑o na? 2Ɛɛ, ko tiini ko jege kuri. Yiga to, Juu tiina bam mo ye balo Wɛ na kwei o ni-botare sem o ke ba jeŋa ne to. 3Ba badaara nam wo ke ba wo-dedoa de Wɛ. Konto nam bá wane ko pa Wɛ taa ye wolo na nwoŋi o chega kam kwaga ne to. 4Kɔtaa. Nɔɔna maama ná maŋe ba ye vwa-nyena, Wɛ jege se o ta taa ye chega tu mo. Ko popone Wɛ tɔnɔ kom ne we:
“Nmo jege chega de nmo na ŋɔɔne taane delo to.
Nmo ná bore nɔɔna taane,
n ta jege chega mo.”#Lei 51:4
5Konto ŋwaane, dé ná maŋe dé tɔge tusim kikia, ko ta bere jaja we Wɛ tiini o jege chega. Konto maa pae se nɔɔna wae ba tɛ we, Wɛ ná waare-ba ba tusim kikia ŋwaane, o wo ke lanyerane. 6Konto nam ba jege kuri. Wɛ ya ná ba jege chega, o ya bá wane o di nabiina bora. 7Nɔɔna ta wae ba tɛ we, “Amo ná yeini a fɔ vwa, konto wae ko pa nɔɔna lɔre jaja we Wɛ tiini o ye chega tu mo, pa se o jwoŋi yere lanyerane. Ko na ye konto to, bɛ mo ye a jege se a na chɔgem a keim-balwaaro ŋwaane?” 8Konto ya ná ye chega, dé ya wó wane dé ta we, “Pa-na se dé taa toŋe lwarem, se ko wane ko ja lanyerane ko ba.” Nɔɔna badwonna bere we amo yeini a tɛ konto dwoŋi. Ba nam lage se ba chɔge amo yere mo. Ba tete wó na chɔgem se ko maŋe de ba kikia.
Wɔ mo jege chega Wɛ yiga ne?
9Ko bere we debam Juu tiina bam gare dwi-gɛ tiina bam na? Aawo, kɔtaa. Amo ya maŋe a ta jaja we nɔɔna maama wo wɛleera jeŋa ne mo, ko ná ye Juu tiina naa dwi-gɛ tiina bam de. 10Ko popone Wɛ tɔnɔ kom ne we:
“Nɔɔn-nɔɔno tera o na jege chega Wɛ tei ne,
de nɔɔno dedoa de.
11Nɔɔn-nɔɔno tera o na lɔre swa chekke.
Nɔɔn-nɔɔno tera o na lage Wɛ se o zuli‑o.
12Nɔɔna maama mɛ ba kwaga ba ya Wɛ,
ye ba maama tusi.
Nɔɔn-nɔɔno tera o na ke lanyerane,
de nɔɔno dedoa de.
13Ba nia maa ŋɔɔre,
ne yibeeli na puri to.
Ba maa mae ba dindeilima
ba gane nɔɔna.
Ba ni taane goe nɔɔna,
ne kapaa vea na ke tei to.#Lei 5:9; 140:3
14Ba maa sɔɔle wo-balwaaro ba pa nɔɔna.
15Ba tiini ba lage lela de nɔɔna gom.#Memaŋa 1:16; Izaya 59:7-8
16Ba yeini ba chɔge nɔɔna pa ba na yaara dedɛ.
17Ba maa yeiri ywoni chwoŋa se ba tɔge-ka.
18Ba maa bere ba ba kɔre Wɛ.”#Lei 36:1
19Dé yei we kolo maama Wɛ nia tɔnɔ kom na bere to, ko popone ko pa balo ni-kaana yam na tei-ba to mo. Konto ŋwaane, nabiina maama wó ba ba zege Wɛ yiga ne se o bwei-ba, ye ba wolowolo bá wane o pore o ni se o jwoŋi o tete. 20Wɛ ni-kaana yam pae se nabiina lɔre we ba ke ba tusi. Nɔɔno ná maŋe o yɔɔre o tɔge-ya tei, konto bá wane ko pa o na chega Wɛ yiga ne.
Dé na wó na chega Wɛ tei ne tei to
21Leile konto dé laam lɔre Wɛ na tɔge chwoŋa kalo o pae se nɔɔna jege chega o tei ne to, ye ko ba zege o nia yam tɔgem baŋa ne. Moses de Wɛ sampwori sem de na bere tei faŋa faŋa to nam maŋe ko bere ko na wó taa ye tei to. 22Ko nam ye nɔɔna na ke ba wo-dedoa de Yezu Krista tei to ŋwaane mo Wɛ pae ba jege chega o tei ne. Balo maama na ke ba wo-dedoa ba sɛ Yezu Krista to wó na chega Wɛ yiga ne, kolo ŋwaane nɔɔna maama ye bedwe mo o tei ne.#Galatia 2:16 23Nabiina maama tusi ye ba ware ba maŋe de Wɛ paare dem. 24Wɛ nam tɔge o zaane dem baŋa ne mo o pae se nɔɔna na chega o tei ne, Yezu Krista na ŋwe ba wɛleera jene o ma jwoŋi-ba to ŋwaane. Wɛ pae nɔɔna o zaane dem zɛɛra mo. 25O ma pa se Yezu ba o ji kaanem. O jana bam na nwoŋi konto to, o wane o saare nɔɔna wɛleera Wɛ yiga ne, ba na jege wo-dedoa ded‑o to ŋwaane. Wɛ ke konto mo se ko bere we o ye chega tu. Faŋa faŋa to o déem jege o tete mo ye o ba ke nɔɔna wɛleera o boboŋa ne se o chɔge-ba ya ŋwaane. 26Ko daare leile konto mo Wɛ bere we o ye chega tu de o na jwoŋi nɔɔna ba wɛleera wone ye o pa ba na chega o tei ne to. Konto maa bere we Wɛ jege chega ye o ta pae se balo maama na ke ba wo-dedoa de Yezu to de jege chega o tei ne.
27Ko na ye konto to, dé wó wane dé mage dé nyɔɔna bɛ baŋa ne mo? Kolokolo tera. Kolo ŋwaane ko dae dé na tɔge Wɛ ni-kaana yam to mo wó pa dé na chega. Ko nam ye dé na jege wo-dedoa to ŋwaane mo. 28Kokuri dé yei we nɔɔna wó na chega Wɛ tei ne ba wo-dedoa kam ŋwaane mo, ye ko dae ni-kaana yam tɔgem ŋwaane. 29Wɛ yiga wo Juu tiina bam yerane wone mo na? O yiga tera de dwi-gɛ tiina na? Aawo. O nii nabiina maama baŋa ne mo. 30Wɛ ye dedoa mo. Juu tiina ná ke ba wo-dedoa ded‑o, o wó pa ba na chega o yiga ne. Dwi-gɛ tiina de ná ke konto, o wó ke-ba bedwe mo. 31Konto nam ba bere we Wɛ ni-kaana yam daa ba jege kuri. Dé wo-dedoa kam bá wane ka leiri Wɛ ni-kaana yam yuu ne. Dé nam na jege wo-dedoa de Wɛ tei to pae se o nia yam tiini ya jege kuri mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)