Rom 13
13
Dé na wó sɛ dé pa dedɛɛra tei to
1Abam maama jege se á sɛ á pa dedɛɛra balo na tei á teene dem to, kolo ŋwaane nɔɔn-nɔɔno ba jege dam se o taa tei nɔɔna ye Wɛ wo pɛ kotu chwoŋa. Dedɛɛra balo na wora to ye Wɛ mo tiŋi-ba. 2Wolo maama ná ve dedɛɛra bam konto, kotu boŋe se o chɔge Wɛ boboŋa yam mo. Balo na ke konto dwoŋi to wó na chɔgem. 3Dedɛɛra bam nam ba pae se foone jege balo na ke keim-laaro to. Foone nam wó ja balo na tɔge keim-balwaaro to mo. Nmo ná ba lage se foone taa jege‑m de dedɛɛra bam, n jege se n ta‑n ke keim-laaro mo se ko pa n na zula ba tei ne. 4Wɛ nam tiŋi dedɛɛra bam se ba taa toŋe ba pa‑o abam fɔgem ŋwaane mo. Abam nam ná ke wo-balwaaro, se á ta‑á kɔre foone, kolo ŋwaane dedɛɛra bam seene ba jege dam se ba taa maa chɔge nɔɔna. Banto mo ye balo Wɛ na tiŋi se ba tɔge o ban-zɔŋɔ kom ŋwaane ba ma waare balo na ke lwarem to. 5Konto ŋwaane mo á jege se á sɛ ba ni. Ko ye abam boboŋa na pae á lɔre we á tɔge chega chwoŋa to ŋwaane mo, se ko dae á na kɔre Wɛ ban-zɔŋɔ kom to yerane ŋwaane.
6Ko ta tɔge konto ŋwaane mo á wó ta‑á ŋwe lampwoo. Dedɛɛra bam toŋe ba pa Wɛ mo de ba na seene ba yia ba totoŋa yam baŋa ne to. 7Nam ta‑á ŋwe kolo maama ba na maŋe se ba jwoŋi á tei ne to á pa-ba. Ko ná ye wolo na jwoŋi á yuu lampwoo to, naa wolo de na jwoŋi á wonnu lampwoo to, se á ŋwe á lampwoo maama á pa-ba.#Matiyu 22:21; Maake 12:17 Ko ná ye wolo na maŋe se á ta‑á kɔre‑o to, se á ta‑á kɔre‑o. Ko ná ye wolo na maŋe de zula to, se á ta‑á zuli‑o.
Da-swono taane
8Abam nam yé ta‑á jege-na nɔɔn-nɔɔno jene, se jene delo á na wó ta‑á jege to mo ye á na wó ta‑á jege á dwonna swono tei to. Wolo maama na swoi o dwoŋi to seene o tɔge Wɛ nia yam mo. 9Wɛ nia yam bere we, “N yé ke kabwoŋa, n yé go nɔɔno, n yé ŋɔ, n yé pa n yi su n dwonna wonnu.” Nia yanto dedaane Wɛ nia yam maama nam tɔge ni dedwe mo. Dento dem nam mo we, “Ta‑n swoi n dwoŋi se ko maŋe de n na swoi n tete tei to.”#Nwoŋim 20:13-16; Chullu 19:18 10Nmo ná jege n dwoŋi swono, n daa‑n bá‑n wane n ke‑o n chɔge. Wɛ nia yam maama nam zege swono kom konto yera ne mo.
11Ta‑á ke-na konto, se abam yei we Wɛ maŋa kam yia. Ta‑á cho-na á tete se dɔɔm yé taa jege abam. Maŋa kalo Wɛ na wó ba o jwoŋi dé ŋwea to daare fee se ka yi, ye ko daa dae nenɛɛne maŋa kalo dé déem na bobo dé ke dé wo-dedoa ded‑o to. 12Maŋa kam laam daare fee se ka yi, ne tega na lage ka poore tei to. Tete dem lage de kɛ se wea pwooni taa wora. Konto ŋwaane, á pa dé de kikia yalo na ye lim nyem to dé yage, se dé daare dé ma Wɛ dam dé che dé tete se dé wane dé tɔge pwooni chwoŋa kam. 13Pa-na dé tɔge chwoŋa se ko maŋe de balo na wo wea pwooni ne to. Á nam pa-na dé yage paweeni, de sa-nyɔre, de bwoŋa, de wo-digiru kikia maama. Á yé ta‑á jaane daane naa á ta‑á ke wo-goo daane. 14Pa-na se abam ŋwea dedaane dé Teiru Yezu Krista ŋwea taa ye bedwe. Nam yé ta‑á boŋe á na wó ke tei se á ta‑á tɔge wo-zɔɔna yalo á fera na zoore to.
Currently Selected:
Rom 13: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Rom 13
13
Dé na wó sɛ dé pa dedɛɛra tei to
1Abam maama jege se á sɛ á pa dedɛɛra balo na tei á teene dem to, kolo ŋwaane nɔɔn-nɔɔno ba jege dam se o taa tei nɔɔna ye Wɛ wo pɛ kotu chwoŋa. Dedɛɛra balo na wora to ye Wɛ mo tiŋi-ba. 2Wolo maama ná ve dedɛɛra bam konto, kotu boŋe se o chɔge Wɛ boboŋa yam mo. Balo na ke konto dwoŋi to wó na chɔgem. 3Dedɛɛra bam nam ba pae se foone jege balo na ke keim-laaro to. Foone nam wó ja balo na tɔge keim-balwaaro to mo. Nmo ná ba lage se foone taa jege‑m de dedɛɛra bam, n jege se n ta‑n ke keim-laaro mo se ko pa n na zula ba tei ne. 4Wɛ nam tiŋi dedɛɛra bam se ba taa toŋe ba pa‑o abam fɔgem ŋwaane mo. Abam nam ná ke wo-balwaaro, se á ta‑á kɔre foone, kolo ŋwaane dedɛɛra bam seene ba jege dam se ba taa maa chɔge nɔɔna. Banto mo ye balo Wɛ na tiŋi se ba tɔge o ban-zɔŋɔ kom ŋwaane ba ma waare balo na ke lwarem to. 5Konto ŋwaane mo á jege se á sɛ ba ni. Ko ye abam boboŋa na pae á lɔre we á tɔge chega chwoŋa to ŋwaane mo, se ko dae á na kɔre Wɛ ban-zɔŋɔ kom to yerane ŋwaane.
6Ko ta tɔge konto ŋwaane mo á wó ta‑á ŋwe lampwoo. Dedɛɛra bam toŋe ba pa Wɛ mo de ba na seene ba yia ba totoŋa yam baŋa ne to. 7Nam ta‑á ŋwe kolo maama ba na maŋe se ba jwoŋi á tei ne to á pa-ba. Ko ná ye wolo na jwoŋi á yuu lampwoo to, naa wolo de na jwoŋi á wonnu lampwoo to, se á ŋwe á lampwoo maama á pa-ba.#Matiyu 22:21; Maake 12:17 Ko ná ye wolo na maŋe se á ta‑á kɔre‑o to, se á ta‑á kɔre‑o. Ko ná ye wolo na maŋe de zula to, se á ta‑á zuli‑o.
Da-swono taane
8Abam nam yé ta‑á jege-na nɔɔn-nɔɔno jene, se jene delo á na wó ta‑á jege to mo ye á na wó ta‑á jege á dwonna swono tei to. Wolo maama na swoi o dwoŋi to seene o tɔge Wɛ nia yam mo. 9Wɛ nia yam bere we, “N yé ke kabwoŋa, n yé go nɔɔno, n yé ŋɔ, n yé pa n yi su n dwonna wonnu.” Nia yanto dedaane Wɛ nia yam maama nam tɔge ni dedwe mo. Dento dem nam mo we, “Ta‑n swoi n dwoŋi se ko maŋe de n na swoi n tete tei to.”#Nwoŋim 20:13-16; Chullu 19:18 10Nmo ná jege n dwoŋi swono, n daa‑n bá‑n wane n ke‑o n chɔge. Wɛ nia yam maama nam zege swono kom konto yera ne mo.
11Ta‑á ke-na konto, se abam yei we Wɛ maŋa kam yia. Ta‑á cho-na á tete se dɔɔm yé taa jege abam. Maŋa kalo Wɛ na wó ba o jwoŋi dé ŋwea to daare fee se ka yi, ye ko daa dae nenɛɛne maŋa kalo dé déem na bobo dé ke dé wo-dedoa ded‑o to. 12Maŋa kam laam daare fee se ka yi, ne tega na lage ka poore tei to. Tete dem lage de kɛ se wea pwooni taa wora. Konto ŋwaane, á pa dé de kikia yalo na ye lim nyem to dé yage, se dé daare dé ma Wɛ dam dé che dé tete se dé wane dé tɔge pwooni chwoŋa kam. 13Pa-na dé tɔge chwoŋa se ko maŋe de balo na wo wea pwooni ne to. Á nam pa-na dé yage paweeni, de sa-nyɔre, de bwoŋa, de wo-digiru kikia maama. Á yé ta‑á jaane daane naa á ta‑á ke wo-goo daane. 14Pa-na se abam ŋwea dedaane dé Teiru Yezu Krista ŋwea taa ye bedwe. Nam yé ta‑á boŋe á na wó ke tei se á ta‑á tɔge wo-zɔɔna yalo á fera na zoore to.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)