Gurim 9
9
1Maleka kalo na ye banu tu wom to laam ma wu ka nabɔnɔ kom. Amo ma na chalechoa na kwori wɛyuu ne ka ba ka to logo baŋa ne. Ba ma kwei bwor-bu ba pa-ka se ka ma pore gwoŋ-chanluŋu kom ni dem. 2Ka na pore gwoŋo kom ni dem to, nyoa maa yɔɔre ka pi ka nwoŋi ko wone, ne mini delo na daga ye de jege nyoa tei to. Nyoa kam ma nwoŋi ka li wea kam de wɛyuu kom maama. 3Kayere laam ma nwoŋi nyoa kam wone se tu tega baŋa. Se ma jwoŋi dam se se donem taa wɔe, ne nɔŋɔ donem na ye tei to. 4Ba ma kaane-se se se yé chɔge logo baŋa gaaro de teeni, naa vɔɔro dwi maama. Se ma jwoŋi chwoŋa se se chɔge nɔɔna balo yerane na wo lage Wɛ gwona yam ba tira ne to.#Gurim 7:3 5Ba maa wo pɛ kayere sem chwoŋa se se go nɔɔna bam konto. Se nam nɛ chwoŋa se se pa nɔɔna bam yera mo taa wiira, se ko vo ko yi chane senu. Ba yera yam wó taa wiira ne nɔŋɔ donem na ye tei to mo. 6Maŋa kam konto ne, nɔɔna bam wó taa lage se ba te, ye toone bá ja-ba, de ba ná maŋe ba beeri toone tei maama de.
7Kayere sem maa nye de sisei mo ba na vɔga se se vo jara jei to. Kayere sem yuni nye de se pugi sabu-seŋa yipwi mo tei. Se yibia maa ye nenɛɛne nabiina yibia na ye tei to. 8Se yu-ywei maa nye de kaana yu-ywei tei. Se yeila maa nye de nywonnu yeila. 9Kayere sem nyɔɔna maa nye de lu-polwaro mo kwoli-ya tei. Se vɔna yam wuurim dem maa ke sɔɔ dedɛ, nenɛɛne sisein-kɔgɔ mo vaŋe torokooro se duri se maa vei jara jei tei. 10Se maa jege nabila ye ya nye de nwanno nabila tei. Se mae nabila yam konto se done nabiina ne nɔŋɔ na done tei to. Se nabila yam mo pae se jege dam se se wane se chɔge nɔɔna, se ba yera taa weera taa se ko vo ko yi chane senu. 11Se maa jege pɛ se o taa nii se baŋa ne. Wonto mo ye maleka kam na nii gwoŋ-chanluŋu kom baŋa ne to. Ka yere de Juu tiina taane mo ye ‘Abadon’. Ka yere dem de Girisi tiina taane maa ye ‘Apolua’.#9:11 Apolua kuri mo ye Chɔgeno.
12Mo lɛɛro telo na bobo se te ba to. Ko nam ta daare lɛɛro kuni belei mo.
13Malese seredo tu wom laam ma wu o nabɔnɔ kom. Amo ma ni kwora na nwoŋi sabu-seŋa bimbini dem na zege Wɛ yiga ne to nyea yana yam seeni. 14Kwora kam ma ta de malese seredo tu wom na zei nabɔnɔ kom to ka we, “Véi n bwoli malese sena sem ba na leiga ba zege Yuferata bu-zaŋa kam ni ne to n yage.”
15Maleka kam laam ma vo ka bwoli malese sena sem ka yage. Sento maŋe se wora mo se pɔe maŋa kam konto nɔɔ se ka ba ka yi. Se laam ma zaŋe se se vo se go nabiina pɔɔrem kuni betɔ wone kuri bedwe. 16Amo ma lɔre malese sena sem jara tiina bam kɔro tem ni na mae tei to. Ko ye moro kuni morro bia yalei (200,000,000) mo, ye ba maama dɔge sisei. 17Wɛ ma pa se a na sisei sem de se dira bam na ye tei to. Nɔɔna bam maa jege lu-polwaro telo ba na maa kwoli ba nyɔɔna ba ke jara to. Luuru tem konto maa tiini te seene, ne mini na ye tei to. Tedaara maa ye nazwom-pupweeru. Tedwonna de maa ye nasonno, ne su-muni tei. Sisei sem yuni tem nam nye de nywonnu yuni mo tei. Mini de nyoa maa nwoŋa se nia ne. Chilibugu kolo lwom na dana to de maa nwoŋa. 18Wonnu tem konto tetɔ ma to logo baŋa nabiina wone, ye te go ba pɔɔrem kuni betɔ wone kuri bedwe. Ko nam ye mini dem, de nyoa kam, de chilibugu kom na nwoŋi sisei sem nia ne to mo go-ba. 19Sisei sem nia yam mo pae se jege dam, de se nabila yam de. Se nabila yam nye de basankwe mo, ye ya jege yuni ya maa yaare nɔɔna.
20Nabiina balo na daare ye wonnu tem konto dam wo go-ba to maama nam wo sɛ se ba leiri ba wo de ba keim-balwaaro tem. Ba yɔɔre ba zuli wonnu telo ba tete jea na ke to mo. Ba ta zuli setaana, dedaane jwona yalo ba na mɛ sabu-seŋa, naa lu-nyenno, naa channa, naa kandwa, naa dɛ ba ma ke to mo. Jwona yam konto dwoŋi nam ba nae, ye ya kwori ya ba ni, ye ya ware ya vo de. 21Nɔɔna bam konto maa wo sɛ se ba leiri ba wo de ba nɔn-gora kam, de ba liri kikia yam. Ba ta maa wo yage ba bwoorim kikia yam de ba ŋweene dem.
Currently Selected:
Gurim 9: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Gurim 9
9
1Maleka kalo na ye banu tu wom to laam ma wu ka nabɔnɔ kom. Amo ma na chalechoa na kwori wɛyuu ne ka ba ka to logo baŋa ne. Ba ma kwei bwor-bu ba pa-ka se ka ma pore gwoŋ-chanluŋu kom ni dem. 2Ka na pore gwoŋo kom ni dem to, nyoa maa yɔɔre ka pi ka nwoŋi ko wone, ne mini delo na daga ye de jege nyoa tei to. Nyoa kam ma nwoŋi ka li wea kam de wɛyuu kom maama. 3Kayere laam ma nwoŋi nyoa kam wone se tu tega baŋa. Se ma jwoŋi dam se se donem taa wɔe, ne nɔŋɔ donem na ye tei to. 4Ba ma kaane-se se se yé chɔge logo baŋa gaaro de teeni, naa vɔɔro dwi maama. Se ma jwoŋi chwoŋa se se chɔge nɔɔna balo yerane na wo lage Wɛ gwona yam ba tira ne to.#Gurim 7:3 5Ba maa wo pɛ kayere sem chwoŋa se se go nɔɔna bam konto. Se nam nɛ chwoŋa se se pa nɔɔna bam yera mo taa wiira, se ko vo ko yi chane senu. Ba yera yam wó taa wiira ne nɔŋɔ donem na ye tei to mo. 6Maŋa kam konto ne, nɔɔna bam wó taa lage se ba te, ye toone bá ja-ba, de ba ná maŋe ba beeri toone tei maama de.
7Kayere sem maa nye de sisei mo ba na vɔga se se vo jara jei to. Kayere sem yuni nye de se pugi sabu-seŋa yipwi mo tei. Se yibia maa ye nenɛɛne nabiina yibia na ye tei to. 8Se yu-ywei maa nye de kaana yu-ywei tei. Se yeila maa nye de nywonnu yeila. 9Kayere sem nyɔɔna maa nye de lu-polwaro mo kwoli-ya tei. Se vɔna yam wuurim dem maa ke sɔɔ dedɛ, nenɛɛne sisein-kɔgɔ mo vaŋe torokooro se duri se maa vei jara jei tei. 10Se maa jege nabila ye ya nye de nwanno nabila tei. Se mae nabila yam konto se done nabiina ne nɔŋɔ na done tei to. Se nabila yam mo pae se jege dam se se wane se chɔge nɔɔna, se ba yera taa weera taa se ko vo ko yi chane senu. 11Se maa jege pɛ se o taa nii se baŋa ne. Wonto mo ye maleka kam na nii gwoŋ-chanluŋu kom baŋa ne to. Ka yere de Juu tiina taane mo ye ‘Abadon’. Ka yere dem de Girisi tiina taane maa ye ‘Apolua’.#9:11 Apolua kuri mo ye Chɔgeno.
12Mo lɛɛro telo na bobo se te ba to. Ko nam ta daare lɛɛro kuni belei mo.
13Malese seredo tu wom laam ma wu o nabɔnɔ kom. Amo ma ni kwora na nwoŋi sabu-seŋa bimbini dem na zege Wɛ yiga ne to nyea yana yam seeni. 14Kwora kam ma ta de malese seredo tu wom na zei nabɔnɔ kom to ka we, “Véi n bwoli malese sena sem ba na leiga ba zege Yuferata bu-zaŋa kam ni ne to n yage.”
15Maleka kam laam ma vo ka bwoli malese sena sem ka yage. Sento maŋe se wora mo se pɔe maŋa kam konto nɔɔ se ka ba ka yi. Se laam ma zaŋe se se vo se go nabiina pɔɔrem kuni betɔ wone kuri bedwe. 16Amo ma lɔre malese sena sem jara tiina bam kɔro tem ni na mae tei to. Ko ye moro kuni morro bia yalei (200,000,000) mo, ye ba maama dɔge sisei. 17Wɛ ma pa se a na sisei sem de se dira bam na ye tei to. Nɔɔna bam maa jege lu-polwaro telo ba na maa kwoli ba nyɔɔna ba ke jara to. Luuru tem konto maa tiini te seene, ne mini na ye tei to. Tedaara maa ye nazwom-pupweeru. Tedwonna de maa ye nasonno, ne su-muni tei. Sisei sem yuni tem nam nye de nywonnu yuni mo tei. Mini de nyoa maa nwoŋa se nia ne. Chilibugu kolo lwom na dana to de maa nwoŋa. 18Wonnu tem konto tetɔ ma to logo baŋa nabiina wone, ye te go ba pɔɔrem kuni betɔ wone kuri bedwe. Ko nam ye mini dem, de nyoa kam, de chilibugu kom na nwoŋi sisei sem nia ne to mo go-ba. 19Sisei sem nia yam mo pae se jege dam, de se nabila yam de. Se nabila yam nye de basankwe mo, ye ya jege yuni ya maa yaare nɔɔna.
20Nabiina balo na daare ye wonnu tem konto dam wo go-ba to maama nam wo sɛ se ba leiri ba wo de ba keim-balwaaro tem. Ba yɔɔre ba zuli wonnu telo ba tete jea na ke to mo. Ba ta zuli setaana, dedaane jwona yalo ba na mɛ sabu-seŋa, naa lu-nyenno, naa channa, naa kandwa, naa dɛ ba ma ke to mo. Jwona yam konto dwoŋi nam ba nae, ye ya kwori ya ba ni, ye ya ware ya vo de. 21Nɔɔna bam konto maa wo sɛ se ba leiri ba wo de ba nɔn-gora kam, de ba liri kikia yam. Ba ta maa wo yage ba bwoorim kikia yam de ba ŋweene dem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)