Gurim 3
3
Sadisa tiina kɔgɔ kom tɔnɔ
1Daa‑n popone tɔnɔ n pa Wɛ tontoŋeno wolo na nii Yezu kɔgɔ kom na wo Sadisa ne to. Popone we:
Taane dento nwoŋi wolo na tei Wɛ dedɛɛra barepɛ bam ye o kwori o jege chalechwe serepɛ sem o jeŋa ne to tei mo.
Amo maŋe a yei abam na ke tei to. Abam yere zaŋe pa se nɔɔna boŋe we á jege ŋwea mo Wɛ tei ne, ye á nam nye de twa mo tei. 2Zaŋe-na á che á tete se á ta‑á tɔge kikia yalo na maŋe to, se kolo fenfee á ta na ke to yé chɔge ko ti. Kokuri, amo na nɛ tei to, abam kikia yam ta wo yi amo Kwo Wɛ boboŋa. 3Nam fɔge-na á guli ba na bere abam Wɛ chwoŋa ye á ni kolo to, se á kwaane á ta‑á tɔge-ka. Leiri-na á wo de á keim-balwaaro tem. Á ta ná tigi á dɔa, ta‑á yei-na we, amo wó ba a dare abam ne ŋweeno tei, ye á bá lɔre maŋa kam amo na wó ba to.#Matiyu 24:42-44
4Ko daare, abam fenfee na wo Sadisa kɔgɔ kom wone to ke lanyerane, de ba na chege ba tete de wo-digiru to. Amo wó pa ba zo gare-pwonnu ye ba taa tɔge de amo ba via, ba na maŋe se ba taa ye konto to ŋwaane.
5Wolo maama na wane wo-balwaaro dam to wó zo gare-pwonnu tento dwoŋi. Amo daa bá saare konto tu yere Wɛ ŋwe-doŋa tɔnɔ kom wone. Amo nam wó sɛ o yere dem a bere a Kwo Wɛ de o malese sem.#Lei 69:28; Gurim 13:8
6Nɔɔno maama kwaane o pore o zwa se o cheigi Wɛ Sin-laao kom na tɛ kolo de wɛ-di sem nɔɔna bam to.
Filafia tiina kɔgɔ kom tɔnɔ
7Daa‑n popone tɔnɔ n pa Wɛ tontoŋeno wolo na nii Yezu kɔgɔ kolo na wo Filafia ne to. Popone we:
Taane dento nwoŋi wolo na ye wo-pwoŋo tu de chega tu to tei mo. Wonto mo zei Pɛ David bwor-bu. Diga kalo maama o ná pore, nɔɔn-nɔɔno bá wane o pe-ka. O nam ná pe diga kalo, nɔɔn-nɔɔno bá wane o pore-ka.#Izaya 22:22
8Amo maŋe a yei abam na ke tei to. Nii-na! Amo pore chwoŋa a pa abam ye nɔɔn-nɔɔno bá wane-ka o che. Amo yei we abam dam ba tiini de daga, ye á ta kwaane á ke amo berem dem á bochare ne. Á ta maa wo seigi amo yere dem. 9Ko ná ye balo na pae ba ye Juu tiina ye ba ba tɔge chwoŋa to, ba wo setaana pɛ chwoŋa wone mo ye ba fɔ vwa. Amo wó pa se ba ba ba kuni dwoona abam yiga ne. Ba maa wó maane we amo swoi abam. 10Abam na tɔge amo ni dem ye á vɔ á wo cham wone to ŋwaane, lɛɛro maŋa kam ná yia, amo wó che abam de yaara yalo na wó ba ya maŋe nabiina maama logo baŋa ne to.
11Amo bá dáane ye a ba. Abam nam fɔge á ta‑á jege á na maŋe á tɔge tei to, se nɔɔn-nɔɔno yé wane o che abam pɛɛre delo á na lage á jwoŋi Wɛ tei ne to.
12Wolo maama ná wane wo-balwaaro dam, amo wó pa konto tu na kugu jei amo Kwo Wɛ sɔŋɔ kom ne, ye o daa bá nwoŋi da maŋa de maŋa. Amo wó daare a popone amo Kwo Wɛ yere dem de o teo kom yere dem konto tu yera ne. Wɛ teo kom konto mo ye Jerusalem kolo na fɔge ko kwɛ to, ye amo Kwo Wɛ wó pa ko nwoŋi wɛyuu ne ko tu ko ba to.#Gurim 21:2 Amo ta wó popone amo yere-doore dem konto tu yera ne.
13Nɔɔno maama kwaane o pore o zwa se o cheigi Wɛ Sin-laao kom na tɛ kolo de wɛ-di sem nɔɔna bam to.
Ladika tiina kɔgɔ kom tɔnɔ
14Daa‑n popone tɔnɔ n pa Wɛ tontoŋeno wolo na nii Yezu kɔgɔ kolo na wo Ladika ne to. Popone we:
Taane dento nwoŋi wolo yere na ye ‘Ameena’ ye o yɔɔre o zege Wɛ chega kam kwaga ne de o wo maama to tei mo. Wɛ na naane kolo maama to dɛ wonto jeŋa mo.#Memaŋa 8:22-31
15Amo maŋe a yei abam na ke tei to. A yei we abam ba chuli Wɛ, ye á nam ba swoi‑o de á wo maama de. Amo boŋe we, á ya ná tɔge chwoŋa dedoa, ko wó taa lana ko gare á ná tɔge se maama. 16Abam nam na ba jege boboŋe dedwe to, a lage a ve abam, nenɛɛne nɔɔno na twe wodi-baywoŋo o ni ne o yage tei to mo. 17Abam yeini á tɛ we, á ye naduna mo ye kolokolo wo muri abam. Á nam wo lɔre we yini-gwia mo jege abam. Á nye de lwoona mo, ye á yia ba nae. Á ta ye kalambwolo mo de. 18Abam nam jege se á ba amo tei mo, se á yeigi sabu-seŋa kalo ba na tiini ba wɔ mini ne pa ka be to. Konto mo wó pa se á seene á ta‑á ye naduna Wɛ yiga ne. Ba-na á yeigi gare-pwonnu de amo tei ne á zo se te kwoli á chaveera yam. Nam yeigi-na yia nuga amo tei ne se á ke á yia ne se ya taa nae.
19Ko ná ye balo amo na swoi to, a yeini a kaane-ba mo ye a daare a korese-ba.#Hiburu 12:5-6 Nam seene-na á yia Wɛ chwoŋa tɔgem seeni se á leiri á wo de á tusim kikia yam. 20Nii-na! Amo zege manchwo-peena ne mo a dɔne dɛ sem. Wolo nam ná nigi amo kwora kam ye o ba o pore chwoŋa o zaane-ne, amo wó zo konto tu tei, ye a pa dé jeini daane dé di wodiu.
21Wolo maama na wane wo-balwaaro dam to, amo wó pa konto tu chwoŋa se o tɔge o jeini amo paare jeiŋa kam jei ne, nenɛɛne amo de na tɔge a jeini a Kwo Wɛ paare jeiŋa kam jei ne tei, amo na wane wo-balwaaro dam to ŋwaane.
22Nɔɔno maama kwaane o pore o zwa se o cheigi Wɛ Sin-laao kom na tɛ kolo de wɛ-di sem nɔɔna bam to.”
Currently Selected:
Gurim 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Gurim 3
3
Sadisa tiina kɔgɔ kom tɔnɔ
1Daa‑n popone tɔnɔ n pa Wɛ tontoŋeno wolo na nii Yezu kɔgɔ kom na wo Sadisa ne to. Popone we:
Taane dento nwoŋi wolo na tei Wɛ dedɛɛra barepɛ bam ye o kwori o jege chalechwe serepɛ sem o jeŋa ne to tei mo.
Amo maŋe a yei abam na ke tei to. Abam yere zaŋe pa se nɔɔna boŋe we á jege ŋwea mo Wɛ tei ne, ye á nam nye de twa mo tei. 2Zaŋe-na á che á tete se á ta‑á tɔge kikia yalo na maŋe to, se kolo fenfee á ta na ke to yé chɔge ko ti. Kokuri, amo na nɛ tei to, abam kikia yam ta wo yi amo Kwo Wɛ boboŋa. 3Nam fɔge-na á guli ba na bere abam Wɛ chwoŋa ye á ni kolo to, se á kwaane á ta‑á tɔge-ka. Leiri-na á wo de á keim-balwaaro tem. Á ta ná tigi á dɔa, ta‑á yei-na we, amo wó ba a dare abam ne ŋweeno tei, ye á bá lɔre maŋa kam amo na wó ba to.#Matiyu 24:42-44
4Ko daare, abam fenfee na wo Sadisa kɔgɔ kom wone to ke lanyerane, de ba na chege ba tete de wo-digiru to. Amo wó pa ba zo gare-pwonnu ye ba taa tɔge de amo ba via, ba na maŋe se ba taa ye konto to ŋwaane.
5Wolo maama na wane wo-balwaaro dam to wó zo gare-pwonnu tento dwoŋi. Amo daa bá saare konto tu yere Wɛ ŋwe-doŋa tɔnɔ kom wone. Amo nam wó sɛ o yere dem a bere a Kwo Wɛ de o malese sem.#Lei 69:28; Gurim 13:8
6Nɔɔno maama kwaane o pore o zwa se o cheigi Wɛ Sin-laao kom na tɛ kolo de wɛ-di sem nɔɔna bam to.
Filafia tiina kɔgɔ kom tɔnɔ
7Daa‑n popone tɔnɔ n pa Wɛ tontoŋeno wolo na nii Yezu kɔgɔ kolo na wo Filafia ne to. Popone we:
Taane dento nwoŋi wolo na ye wo-pwoŋo tu de chega tu to tei mo. Wonto mo zei Pɛ David bwor-bu. Diga kalo maama o ná pore, nɔɔn-nɔɔno bá wane o pe-ka. O nam ná pe diga kalo, nɔɔn-nɔɔno bá wane o pore-ka.#Izaya 22:22
8Amo maŋe a yei abam na ke tei to. Nii-na! Amo pore chwoŋa a pa abam ye nɔɔn-nɔɔno bá wane-ka o che. Amo yei we abam dam ba tiini de daga, ye á ta kwaane á ke amo berem dem á bochare ne. Á ta maa wo seigi amo yere dem. 9Ko ná ye balo na pae ba ye Juu tiina ye ba ba tɔge chwoŋa to, ba wo setaana pɛ chwoŋa wone mo ye ba fɔ vwa. Amo wó pa se ba ba ba kuni dwoona abam yiga ne. Ba maa wó maane we amo swoi abam. 10Abam na tɔge amo ni dem ye á vɔ á wo cham wone to ŋwaane, lɛɛro maŋa kam ná yia, amo wó che abam de yaara yalo na wó ba ya maŋe nabiina maama logo baŋa ne to.
11Amo bá dáane ye a ba. Abam nam fɔge á ta‑á jege á na maŋe á tɔge tei to, se nɔɔn-nɔɔno yé wane o che abam pɛɛre delo á na lage á jwoŋi Wɛ tei ne to.
12Wolo maama ná wane wo-balwaaro dam, amo wó pa konto tu na kugu jei amo Kwo Wɛ sɔŋɔ kom ne, ye o daa bá nwoŋi da maŋa de maŋa. Amo wó daare a popone amo Kwo Wɛ yere dem de o teo kom yere dem konto tu yera ne. Wɛ teo kom konto mo ye Jerusalem kolo na fɔge ko kwɛ to, ye amo Kwo Wɛ wó pa ko nwoŋi wɛyuu ne ko tu ko ba to.#Gurim 21:2 Amo ta wó popone amo yere-doore dem konto tu yera ne.
13Nɔɔno maama kwaane o pore o zwa se o cheigi Wɛ Sin-laao kom na tɛ kolo de wɛ-di sem nɔɔna bam to.
Ladika tiina kɔgɔ kom tɔnɔ
14Daa‑n popone tɔnɔ n pa Wɛ tontoŋeno wolo na nii Yezu kɔgɔ kolo na wo Ladika ne to. Popone we:
Taane dento nwoŋi wolo yere na ye ‘Ameena’ ye o yɔɔre o zege Wɛ chega kam kwaga ne de o wo maama to tei mo. Wɛ na naane kolo maama to dɛ wonto jeŋa mo.#Memaŋa 8:22-31
15Amo maŋe a yei abam na ke tei to. A yei we abam ba chuli Wɛ, ye á nam ba swoi‑o de á wo maama de. Amo boŋe we, á ya ná tɔge chwoŋa dedoa, ko wó taa lana ko gare á ná tɔge se maama. 16Abam nam na ba jege boboŋe dedwe to, a lage a ve abam, nenɛɛne nɔɔno na twe wodi-baywoŋo o ni ne o yage tei to mo. 17Abam yeini á tɛ we, á ye naduna mo ye kolokolo wo muri abam. Á nam wo lɔre we yini-gwia mo jege abam. Á nye de lwoona mo, ye á yia ba nae. Á ta ye kalambwolo mo de. 18Abam nam jege se á ba amo tei mo, se á yeigi sabu-seŋa kalo ba na tiini ba wɔ mini ne pa ka be to. Konto mo wó pa se á seene á ta‑á ye naduna Wɛ yiga ne. Ba-na á yeigi gare-pwonnu de amo tei ne á zo se te kwoli á chaveera yam. Nam yeigi-na yia nuga amo tei ne se á ke á yia ne se ya taa nae.
19Ko ná ye balo amo na swoi to, a yeini a kaane-ba mo ye a daare a korese-ba.#Hiburu 12:5-6 Nam seene-na á yia Wɛ chwoŋa tɔgem seeni se á leiri á wo de á tusim kikia yam. 20Nii-na! Amo zege manchwo-peena ne mo a dɔne dɛ sem. Wolo nam ná nigi amo kwora kam ye o ba o pore chwoŋa o zaane-ne, amo wó zo konto tu tei, ye a pa dé jeini daane dé di wodiu.
21Wolo maama na wane wo-balwaaro dam to, amo wó pa konto tu chwoŋa se o tɔge o jeini amo paare jeiŋa kam jei ne, nenɛɛne amo de na tɔge a jeini a Kwo Wɛ paare jeiŋa kam jei ne tei, amo na wane wo-balwaaro dam to ŋwaane.
22Nɔɔno maama kwaane o pore o zwa se o cheigi Wɛ Sin-laao kom na tɛ kolo de wɛ-di sem nɔɔna bam to.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)