Jeelim 7
7
Wara-jei sem fɔgem pɛɛra
1Moses déem na yɔɔre o chwi wara-vwei dem o ti to, mo o kwei nuga o ma taare wara-jei sem de se wo zela yam maama se o pɔɔre-ya o pa Wɛ. O ta ma daare o taare kaanem dakaa kam, dedaane ka yera zela yam, ye o pɔɔre-te o pa Wɛ. 2Sɔ-yuni tem yiga tiina balo na nwoŋi Isarele dwia yam maama wone to laam ma ja pɛɛra ba vo wara-jei sem. Nɔɔna bam konto ye balo déem ya na jeeli nɔɔna bam ni to mo. 3Ba déem maa jege ba pɛɛra se ba ke-ya Baŋa Wɛ jeŋa ne. Ba ma ja torokooro teredo, dedaane nabɛ fuga-selei ba vo. Yiga tu maama déem jege o nabea mo, ye ba balei ke daane ba lage toroko dedoa. Ba ma ja-te ba vo ba yi wara-jei sem ni.
4 Baŋa Wɛ ma ta de Moses o we, 5“Jwoŋi pɛɛra yam nɔɔna bam tei ne, se Levi tiina taa ma-te ba toŋe wara-jei sem totoŋa. Kwei-te n pa Levi tiina bam se ko maŋe de nɔɔno maama totoŋe na ye tei to.”
6Moses ma seene o jwoŋi torokooro tem de nabɛ sem ye o kwei-te o pa Levi tiina bam. 7O déem kwei torokooro tem telei mo de nabɛ sena o pa Gereson tiina bam, se ko maŋe de ba totoŋa yam. 8O ma daare o kwei torokooro tena de nabɛ nana o pa Merari tiina bam, se te maŋe de banto de totoŋa yam. Wɛ kaanem tu Aron bu Itamara mo nii ba maama totoŋa yam baŋa ne. 9Se ko ná ye Kohafe tiina bam, Moses déem wo pɛ-ba torokooro naa nabɛ. Kokuri to, banto totoŋe dem ye se ba taa zeŋe wara-jei sem yera zela yalo na tiini te ye wose to mo ba bakale baŋa ne.
10Ba déem na kwei nuga ba ma taare kaanem dakaa kam se ba pɔɔre-ka ba pa Baŋa Wɛ ba ti to, mo yiga tiina bam ta jaane pɛɛra yadwonna ba woli da ba vo dakaa kam seeni se ba ke-ya Wɛ jeŋa ne. 11Baŋa Wɛ déem tage de Moses o we, “Dɛ maama wone yiga tiina bam dedoa mo wó ja o pɛɛra o ba se o ma fɔge o kwɛ dakaa kam o pa Wɛ.”
12-83Ba déem na tu ba pa ba pɛɛra yam tei to tɔge chwoŋa kanto mo:
| Dɛ dem | Dwi dem | Yiga tu wom |
|---|---|---|
| 1 | Judah | Aminadabi bu Naason |
| 2 | Isakara | Zuwara bu Netaneli |
| 3 | Zebulun | Helon bu Eliabi |
| 4 | Ruben | Sedura bu Elizura |
| 5 | Simeon | Zurisadayi bu Selumeli |
| 6 | Gad | Deweli bu Eliasafe |
| 7 | Efrayim | Amihuda bu Elisama |
| 8 | Manasɛ | Pedazura bu Gamaleli |
| 9 | Benjamin | Gideoni bu Abidan |
| 10 | Dan | Amisadayi bu Ahiyezera |
| 11 | Asere | Ocharan bu Pageli |
| 12 | Nafitali | Enan bu Ahira |
Yiga tiina bam konto maama dedoa dedoa déem na jaane pɛɛra yalo ba vo to nam ye bedwe mo. Ba dedoa dedoa pɛɛra yam déem ye:
Lu-nyenno zon-tanlaŋa dedoa, ka dunni na ye sɛkɛle bi de fintɔ (130) to.#7:12-83 sɛkɛle 130 = 1.5 kilo
Lu-nyenno ware-zoŋa dedoa, ka de dunni na ye sɛkɛle fuserepɛ (70) to.#7:12-83 sɛkɛle 70 = 800 gram
(Lu-nyenno wonnu tem konto dunni déem tɔge wara-jei sem maŋem chekke na ye tei to mo.)
Zwe sem konto maama su dedaane mun-bwei delo na viiri de nuga se ba ma ba ke wodiu pɛɛre kaanem dem to mo.
Sabu-seŋa zoŋa kadwoŋi, ka dunni na ye sɛkɛle fuga#7:12-83 sɛkɛle 10 = 110 gram ye ka su de talwoŋ-ywoŋa to.
Na-bala dedoa, de pi-bea dedoa, de pi-bala na ye bene to, se ba kwei-te ba ma ba ke zwɛɛm pɛɛre kaanem.
Bo-bala dedoa se ba ma ba ke wɛleera saarem kaanem.
Nabɛ selei, de pi-bɛ senu, de bo-bwaalo tenu, de pi-bale senu na ye bene to se ba ma ba ke yazura kaanem.
84-88Yiga tiina bam na jaane pɛɛra yalo se ba ma kwɛ kaanem dakaa kam ba pa Wɛ to ná ke daane, ya maama ye tento mo:
Lu-nyenno zon-tanlɛ fuga-selei, dedaane lu-nyenno ware-zwe fuga-selei, se maama dunni na ye sɛkɛle morro telei de bia yana (2,400)#7:84-88 sɛkɛle 2,400 = 28 kilo to, se ko tɔge wara-jei sem maŋem chekke na ye tei to.
Sabu-seŋa zwe fuga-selei, se maama dunni na ye sɛkɛle bi de finlei (120) to,#7:84-88 sɛkɛle 120 = 1.4 kilo se ko tɔge wara-jei sem maŋem chekke na ye tei to. Zwe sem maama déem su dedaane talwoŋ-ywoŋa mo.
Na-bale fuga-selei, de pi-bɛ fuga-selei, de pi-bale fuga-selei se dedoa dedoa na ye bene bene to, dedaane wodiu pɛɛra se ya tɔge ya woli da se ba kwei te maama ba ma ba ke zwɛɛm pɛɛra kaanem.
Bo-bale fuga-selei se ba kwei-se ba ma ke wɛleera saarem kaanem.
Nabɛ finlei-sena, de pi-bɛ fuseredo, de bo-bwaalo fuseredo, de pi-bale fuseredo se na ye bene dedoa dedoa to, se ba ma ba ke yazura kaanem.
89Moses déem ná yeini o zo wara-vwei dem wone se o ŋɔɔne de Baŋa Wɛ, o yeini o ni Wɛ kwora kam mo na ŋɔɔne ka nwoŋi Wɛ ni-gwonim dakaa kam baŋa seeni. Ko déem ye cherubi selei sem na zege dakaa kam ni-pugu kom baŋa ne to tetare ne mo Baŋa Wɛ yeini o ŋɔɔne de Moses.#Nwoŋim 25:18-22
Currently Selected:
Jeelim 7: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
