Jeelim 34
34
Kanaan tega kam siseina
1 Baŋa Wɛ déem ma ta de Moses o we:
2“Pa Isarele tiina bam ni se n daare n bere-ba we: Kanaan tega kam ye tega kalo ba na wó pɔɔre ba pa abam se á ta‑á tei to mo. Á ná tu á zo tega kam konto, se á ta‑á yei we ka siseini mo tento:
3Tega-kuri seeni siseini dem wó tɔge Zin kagoa kam, Edom laŋa kam siseini na wo mɛ to. Wɛ-puli daa kam seeni, siseini dem wó bobo Yɛ naneo kom#34:3 Yɛ naneo kom = The Dead Sea ne mo. 4Ka ta ma vo ka lɛɛne Nɔŋɔ zwonnu chwoŋa kam tega-kuri seeni ka kɛ ka yi Zin se ka daare ka tɔge Kadese-Baranea kuri seeni ka vo ka yi Hazare-Adara de Azemon. 5Ka laam wó pipiri ka taa tɔge Ejipti bu-nɔgɔ kom se ka vo ka kweeli Mediterania naneo kom ni ne.
6Ko ná ye á tega kam wɛ-zoore seeni siseini dem, de ye Mediterania naneo kom mo.
7Á baŋa seeni siseini dem wó zege Mediterania naneo kom ni ne mo de tole de yi Hora peo kom. 8Ka wó zege dáane ka vo ka yi Lebo-Hamafa, de Zedadi, 9de Ziforon, se ka laam kweeli Hazara-Enan ne.
10Ko nam ná ye á wɛ-puli seeni siseini dem, ka wó zege Hazara-Enan ne mo ka tole ka yi Sefam. 11Ka ta wó tu kuri ka vo Ribila na wo Ayin wɛ-puli seeni to. Ka ná zege dáane ka wó vo ka yi zwonnu telo na wo Galili naneo kom bubɛ delo na jeeri wɛ-puli seeni to mo, 12se ka laam tu ka tɔge Jɔdan buga kam ka vo ka kweeli Yɛ naneo kom ne.
Abam tega kam siseina yana yam mo konto.”#Josua 15:2-12
13Moses déem ma ta de Isarele tiina bam o we, “Tega kanto mo abam jege se á ta jɔrɔ se á pɔɔre-ka á ta‑á tei. Baŋa Wɛ pɛ ni se á kwei-ka á pɔɔre á pa á dwia nogo de chichworo kom mo. 14Kokuri to, Ruben dwi dem, de Gad dwi dem, dedaane Manasɛ dwi chichworo kom maŋe ba na ba tega kam. 15Tega kalo ba na lage ba jwoŋi ba taa tei to wo Jɔdan buga kam wɛ-puli seeni, mɛ na jeeri Jeriko bubɛ dedwoŋi dem seeni to mo.”
16 Baŋa Wɛ daa ma ta de Moses o we, 17“Nɔɔna balo na wó pɔɔre tega kam ba pa abam to yera mo tento: Wɛ kaanem tu Eleaza, de Nun bu Josua. 18Nam le nɔɔno dedoa dedoa Isarele dwi maama wone n woli da. Nɔɔna bam konto mo wó woli-ba se ba pɔɔre tega kam.” 19-28Baara bam yera mo tento:
| Dwi dem | Yiga tu wom |
|---|---|
| Judah | Jefunɛ bu Kaleb |
| Simeon | Amihuda bu Semuwel |
| Benjamin | Chisilon bu Elidad |
| Dan | Jogili bu Buki |
| Manasɛ | Efodi bu Hanneli |
| Efrayim | Sifitan bu Kemweli |
| Zebulun | Paranaki bu Elizafan |
| Isakara | Azan bu Paliteli |
| Asere | Selomi bu Ahihuda |
| Nafitali | Amihuda bu Pedaheli |
29Nɔɔna bam konto déem ye balo Baŋa Wɛ na pɛ-ba ni se ba tɔge ba pɔɔre Kanaan tega kam ba pa Isarele tiina bam se ba taa tei to mo.
Currently Selected:
Jeelim 34: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 34
34
Kanaan tega kam siseina
1 Baŋa Wɛ déem ma ta de Moses o we:
2“Pa Isarele tiina bam ni se n daare n bere-ba we: Kanaan tega kam ye tega kalo ba na wó pɔɔre ba pa abam se á ta‑á tei to mo. Á ná tu á zo tega kam konto, se á ta‑á yei we ka siseini mo tento:
3Tega-kuri seeni siseini dem wó tɔge Zin kagoa kam, Edom laŋa kam siseini na wo mɛ to. Wɛ-puli daa kam seeni, siseini dem wó bobo Yɛ naneo kom#34:3 Yɛ naneo kom = The Dead Sea ne mo. 4Ka ta ma vo ka lɛɛne Nɔŋɔ zwonnu chwoŋa kam tega-kuri seeni ka kɛ ka yi Zin se ka daare ka tɔge Kadese-Baranea kuri seeni ka vo ka yi Hazare-Adara de Azemon. 5Ka laam wó pipiri ka taa tɔge Ejipti bu-nɔgɔ kom se ka vo ka kweeli Mediterania naneo kom ni ne.
6Ko ná ye á tega kam wɛ-zoore seeni siseini dem, de ye Mediterania naneo kom mo.
7Á baŋa seeni siseini dem wó zege Mediterania naneo kom ni ne mo de tole de yi Hora peo kom. 8Ka wó zege dáane ka vo ka yi Lebo-Hamafa, de Zedadi, 9de Ziforon, se ka laam kweeli Hazara-Enan ne.
10Ko nam ná ye á wɛ-puli seeni siseini dem, ka wó zege Hazara-Enan ne mo ka tole ka yi Sefam. 11Ka ta wó tu kuri ka vo Ribila na wo Ayin wɛ-puli seeni to. Ka ná zege dáane ka wó vo ka yi zwonnu telo na wo Galili naneo kom bubɛ delo na jeeri wɛ-puli seeni to mo, 12se ka laam tu ka tɔge Jɔdan buga kam ka vo ka kweeli Yɛ naneo kom ne.
Abam tega kam siseina yana yam mo konto.”#Josua 15:2-12
13Moses déem ma ta de Isarele tiina bam o we, “Tega kanto mo abam jege se á ta jɔrɔ se á pɔɔre-ka á ta‑á tei. Baŋa Wɛ pɛ ni se á kwei-ka á pɔɔre á pa á dwia nogo de chichworo kom mo. 14Kokuri to, Ruben dwi dem, de Gad dwi dem, dedaane Manasɛ dwi chichworo kom maŋe ba na ba tega kam. 15Tega kalo ba na lage ba jwoŋi ba taa tei to wo Jɔdan buga kam wɛ-puli seeni, mɛ na jeeri Jeriko bubɛ dedwoŋi dem seeni to mo.”
16 Baŋa Wɛ daa ma ta de Moses o we, 17“Nɔɔna balo na wó pɔɔre tega kam ba pa abam to yera mo tento: Wɛ kaanem tu Eleaza, de Nun bu Josua. 18Nam le nɔɔno dedoa dedoa Isarele dwi maama wone n woli da. Nɔɔna bam konto mo wó woli-ba se ba pɔɔre tega kam.” 19-28Baara bam yera mo tento:
| Dwi dem | Yiga tu wom |
|---|---|
| Judah | Jefunɛ bu Kaleb |
| Simeon | Amihuda bu Semuwel |
| Benjamin | Chisilon bu Elidad |
| Dan | Jogili bu Buki |
| Manasɛ | Efodi bu Hanneli |
| Efrayim | Sifitan bu Kemweli |
| Zebulun | Paranaki bu Elizafan |
| Isakara | Azan bu Paliteli |
| Asere | Selomi bu Ahihuda |
| Nafitali | Amihuda bu Pedaheli |
29Nɔɔna bam konto déem ye balo Baŋa Wɛ na pɛ-ba ni se ba tɔge ba pɔɔre Kanaan tega kam ba pa Isarele tiina bam se ba taa tei to mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)