Jeelim 33
33
Isarele tiina bam chwo-veili
1Isarele tiina bam na nwoŋi Ejipti teo kom ne ba kɛ to, Moses de Aron déem mo to ba yiga ne pa se ba via. 2Baŋa Wɛ ma pa Moses ni se o taa popone mɛ de mɛ maama ba na yeini ba yi se ba chwi ba vwoa yam to. Isarele tiina bam na tɔge jei selo ye Moses popone se yera o tiŋi to mo tento:
3Bene delo wone ba na nwoŋi Ejipti ne to, ko ye bene dem konto boboa chana kam da fuga-yanu dɛ ne mo ba zege Ramesesa ne ba nwoŋi se ba kɛ. Ko ye dɛ delo na saŋe Atɔgebabaŋa kuri dɛ dem to mo konto. Ba déem gwɛ de baare ba maa kɛa ye Ejipti tiina bam yɔɔre ba zege ba nii mo.#Nwoŋim 12:11-51 4Banto maa wora ba suli ba twa, Baŋa Wɛ na mage ba bakeiri-kwe sem maama o go to ŋwaane. Baŋa Wɛ dɛ keim dem konto baŋa ne mo o chɔge Ejipti tiina jwona yam dam.
5Isarele tiina bam déem nwoŋi Ramesesa teo ne, ba vo ba yi Sukofa mo ba chwi ba vwoa ba jeini. 6Ba ma zege dáane ba vo Etam. Ko maa wo kagoa kam ni ne.#Nwoŋim 13:20 7Ba daa ma pipiri ba vo Pi Hahirofa. Jei sem konto wo Baal-Zefon wɛ-puli seeni mo. Ba ma chwi ba vwoa Migidola seeni. 8Ba na yage Pi Hahirofa to, ba ma tɔge Nane-soŋo kom wone ba bɛ ba zo kagoa kam wone. Ba ma kwei da yatɔ ba beeri Etam kagoa kam wone ba vo ba yi Mara. Ba ma chwi ba vwoa dáane. 9Ba na yage Mara to, ba ma vo Elim. Buli-yia fuga-yalei, dedaane konkware fuserepɛ mo wo jei sem konto ne. Ba ma chwi ba vwoa ba jeini da.#Nwoŋim 15:27 10Ba daa na yage Elim to, ba ma jwoori Nane-soŋo kom ni ne ba jeini da. 11Ba na yage Nane-soŋo kom seeni to, ba ma vo ba chwi ba vwoa Sin kagoa kam wone. 12Ba ma zaŋe Sin kagoa kam ne ba vo ba chwi ba vwoa Dofeka ne. 13Ba ma zaŋe Dofeka ne ba vo ba chwi ba vwoa Alusi ne. 14Ba ma zaŋe Alusi ne ba vo ba chwi ba vwoa Refidim ne. Jei sem konto ne na déem tera se nɔɔna bam taa nyɔa. 15Ba na yage Refidim to, ba laam ma zo Sinayi kagoa kam ne.#Nwoŋim 19:1
16-36Isarele tiina bam déem na yage Sinayi kagoa kam to, ba ma beeri taa. Ba na vei ba zege jei selo ne ye ba chwi ba vwoa yam to mo tento:
Kiberof-Hataava,#33:16-36 Kiberof-Hataava kuri mo ye Fera Yibeela. de Hazerofa, de Ritama, de Rimon-Pɛreza, de Libina, de Risa, de Kehelata, de Sefere peo kom, de Harada, de Makelofa, de Tahafe, de Tera, de Mitika, de Hasemona, de Moserofa, de Bene-Jakan, de Hora-Hagidagadi, de Jotibafa, de Aberona, de Ezion-Gebera, de Kadese na wo Zin kagoa kam ne to.#Jeelim 11:34-35
37Ba déem na yage Kadese to, ba ma vo Hora peo kom na wo Edom laŋa kam siseini ni ne to. Ba ma chwi ba vwoa ba jeini da. 38Ba na wora to, mo Baŋa Wɛ pɛ Aron ni se o di peo kom yuu. Aron ma di ye o daare o te. Isarele tiina bam na nwoŋi Ejipti teo ne to bena finna bene dem, chane senu chana kam boboa dɛ ne mo o tega. 39O maa jege bena bi de finlei-yatɔ (123).#Jeelim 20:22-28
40Arada teo pɛ na zoore Kanaan kagoa kam na wo tega-kuri seeni to ma ni we Isarele tiina bam beene o jei sem seeni.#Jeelim 21:1 41-47Isarele tiina bam déem na yage Hora peo kom ba daare ba beeri ba zege jei selo ne ye ba chwi ba vwoa to mo tento:
Zalemona, de Punon, de Obofe, de Ye-Abarim na wo Moaba laŋa kam siseini ni ne to, de Dibon-Gad, de Alemon-Dibilafayim, de Abarim peero jei selo na bwola de Nebo peo kom to.
48Ba déem na yage Abarim peero tem to, ba ma vo Moaba laŋa kam te-kampare ba jeini. Jei sem konto wo Jɔdan buga kam ni ne mo ye Jeriko de wo bubɛ dedwoŋi dem seeni. 49Isarele tiina bam ma chwi ba vwoa Jɔdan buga kam ni ne, ko zege Bɛte-Jesimofa ne se ko taa vei Abel-Sitim.
50Ba na wo Moaba laŋa kam te-kampare ne konto to, mo Baŋa Wɛ tage de Moses o we:
51“Nam ta de Isarele tiina bam we: Abam ná bɛ Jɔdan buga kam se á zo Kanaan tega kam wone, 52se á kwaane á fe balo na zoore tega kam ne to á zeili-ba. Yɔɔre á chɔge-na ba jwona yalo ba na kwei kandwa de luuru ba ma ke to, dedaane ba wara-jei bimbina yam. 53Laam daare á jeini-na ba tega kam wone, se amo mo kwei-ka a pa abam se á ta‑á tei.#Jeelim 26:52-56 54Nam pɔɔre-na tega kam se á dwia yam maama jwoŋi ba nyem, sɔ-yuu de sɔ-yuu. Abam wó ta jɔrɔ mo, se á ma‑á pɔɔre-ka á pa-ba. Sɔ-yuu maama wó jwoŋi tega se ko maŋe de ba ni na mae tei to mo, ne ba ná maŋe ba ye kɔ-kamunu naa kɔ-balaŋa de.#Jeelim 26:53-56
55Abam nam ná ve se á zeili balo na zoore tega kam ne to, ba balo na daare to wó pa á yera chɛ, nenɛɛne da-chɔrɔ mo chugi á yia, naa sabare mo zɔ á yera yam. Á ná tu á jeini tega kam ne, ba lage ba taa daane abam mo taa. 56Amo Baŋa Wɛ laam maa wó chɔge abam de, nenɛɛne a na boŋe se a ke-ba tei to.”
Currently Selected:
Jeelim 33: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 33
33
Isarele tiina bam chwo-veili
1Isarele tiina bam na nwoŋi Ejipti teo kom ne ba kɛ to, Moses de Aron déem mo to ba yiga ne pa se ba via. 2Baŋa Wɛ ma pa Moses ni se o taa popone mɛ de mɛ maama ba na yeini ba yi se ba chwi ba vwoa yam to. Isarele tiina bam na tɔge jei selo ye Moses popone se yera o tiŋi to mo tento:
3Bene delo wone ba na nwoŋi Ejipti ne to, ko ye bene dem konto boboa chana kam da fuga-yanu dɛ ne mo ba zege Ramesesa ne ba nwoŋi se ba kɛ. Ko ye dɛ delo na saŋe Atɔgebabaŋa kuri dɛ dem to mo konto. Ba déem gwɛ de baare ba maa kɛa ye Ejipti tiina bam yɔɔre ba zege ba nii mo.#Nwoŋim 12:11-51 4Banto maa wora ba suli ba twa, Baŋa Wɛ na mage ba bakeiri-kwe sem maama o go to ŋwaane. Baŋa Wɛ dɛ keim dem konto baŋa ne mo o chɔge Ejipti tiina jwona yam dam.
5Isarele tiina bam déem nwoŋi Ramesesa teo ne, ba vo ba yi Sukofa mo ba chwi ba vwoa ba jeini. 6Ba ma zege dáane ba vo Etam. Ko maa wo kagoa kam ni ne.#Nwoŋim 13:20 7Ba daa ma pipiri ba vo Pi Hahirofa. Jei sem konto wo Baal-Zefon wɛ-puli seeni mo. Ba ma chwi ba vwoa Migidola seeni. 8Ba na yage Pi Hahirofa to, ba ma tɔge Nane-soŋo kom wone ba bɛ ba zo kagoa kam wone. Ba ma kwei da yatɔ ba beeri Etam kagoa kam wone ba vo ba yi Mara. Ba ma chwi ba vwoa dáane. 9Ba na yage Mara to, ba ma vo Elim. Buli-yia fuga-yalei, dedaane konkware fuserepɛ mo wo jei sem konto ne. Ba ma chwi ba vwoa ba jeini da.#Nwoŋim 15:27 10Ba daa na yage Elim to, ba ma jwoori Nane-soŋo kom ni ne ba jeini da. 11Ba na yage Nane-soŋo kom seeni to, ba ma vo ba chwi ba vwoa Sin kagoa kam wone. 12Ba ma zaŋe Sin kagoa kam ne ba vo ba chwi ba vwoa Dofeka ne. 13Ba ma zaŋe Dofeka ne ba vo ba chwi ba vwoa Alusi ne. 14Ba ma zaŋe Alusi ne ba vo ba chwi ba vwoa Refidim ne. Jei sem konto ne na déem tera se nɔɔna bam taa nyɔa. 15Ba na yage Refidim to, ba laam ma zo Sinayi kagoa kam ne.#Nwoŋim 19:1
16-36Isarele tiina bam déem na yage Sinayi kagoa kam to, ba ma beeri taa. Ba na vei ba zege jei selo ne ye ba chwi ba vwoa yam to mo tento:
Kiberof-Hataava,#33:16-36 Kiberof-Hataava kuri mo ye Fera Yibeela. de Hazerofa, de Ritama, de Rimon-Pɛreza, de Libina, de Risa, de Kehelata, de Sefere peo kom, de Harada, de Makelofa, de Tahafe, de Tera, de Mitika, de Hasemona, de Moserofa, de Bene-Jakan, de Hora-Hagidagadi, de Jotibafa, de Aberona, de Ezion-Gebera, de Kadese na wo Zin kagoa kam ne to.#Jeelim 11:34-35
37Ba déem na yage Kadese to, ba ma vo Hora peo kom na wo Edom laŋa kam siseini ni ne to. Ba ma chwi ba vwoa ba jeini da. 38Ba na wora to, mo Baŋa Wɛ pɛ Aron ni se o di peo kom yuu. Aron ma di ye o daare o te. Isarele tiina bam na nwoŋi Ejipti teo ne to bena finna bene dem, chane senu chana kam boboa dɛ ne mo o tega. 39O maa jege bena bi de finlei-yatɔ (123).#Jeelim 20:22-28
40Arada teo pɛ na zoore Kanaan kagoa kam na wo tega-kuri seeni to ma ni we Isarele tiina bam beene o jei sem seeni.#Jeelim 21:1 41-47Isarele tiina bam déem na yage Hora peo kom ba daare ba beeri ba zege jei selo ne ye ba chwi ba vwoa to mo tento:
Zalemona, de Punon, de Obofe, de Ye-Abarim na wo Moaba laŋa kam siseini ni ne to, de Dibon-Gad, de Alemon-Dibilafayim, de Abarim peero jei selo na bwola de Nebo peo kom to.
48Ba déem na yage Abarim peero tem to, ba ma vo Moaba laŋa kam te-kampare ba jeini. Jei sem konto wo Jɔdan buga kam ni ne mo ye Jeriko de wo bubɛ dedwoŋi dem seeni. 49Isarele tiina bam ma chwi ba vwoa Jɔdan buga kam ni ne, ko zege Bɛte-Jesimofa ne se ko taa vei Abel-Sitim.
50Ba na wo Moaba laŋa kam te-kampare ne konto to, mo Baŋa Wɛ tage de Moses o we:
51“Nam ta de Isarele tiina bam we: Abam ná bɛ Jɔdan buga kam se á zo Kanaan tega kam wone, 52se á kwaane á fe balo na zoore tega kam ne to á zeili-ba. Yɔɔre á chɔge-na ba jwona yalo ba na kwei kandwa de luuru ba ma ke to, dedaane ba wara-jei bimbina yam. 53Laam daare á jeini-na ba tega kam wone, se amo mo kwei-ka a pa abam se á ta‑á tei.#Jeelim 26:52-56 54Nam pɔɔre-na tega kam se á dwia yam maama jwoŋi ba nyem, sɔ-yuu de sɔ-yuu. Abam wó ta jɔrɔ mo, se á ma‑á pɔɔre-ka á pa-ba. Sɔ-yuu maama wó jwoŋi tega se ko maŋe de ba ni na mae tei to mo, ne ba ná maŋe ba ye kɔ-kamunu naa kɔ-balaŋa de.#Jeelim 26:53-56
55Abam nam ná ve se á zeili balo na zoore tega kam ne to, ba balo na daare to wó pa á yera chɛ, nenɛɛne da-chɔrɔ mo chugi á yia, naa sabare mo zɔ á yera yam. Á ná tu á jeini tega kam ne, ba lage ba taa daane abam mo taa. 56Amo Baŋa Wɛ laam maa wó chɔge abam de, nenɛɛne a na boŋe se a ke-ba tei to.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)