Jeelim 25
25
Moaba tiina soge Isarele tiina boboŋa
1Isarele tiina bam déem ma vo ba zoore Sitim ne. Ba baara bam badaara ma vo ba lage Moaba tiina bukwa se ba ke kabwoŋa de-ba. 2Moaba tiina bukwa bam konto laam ma soge Isarele tiina bam ba de ba jwona yam kaanem wone. Ko ma pa se Isarele tiina bam lɛɛre ba zuli Moaba tiina jwona yam, ye ba daare ba di ya wodiiru. 3Konto baŋa ne mo Isarele tiina bam déem tɔge ba zuli Moaba tiina jwoni Baal-Peora. Baŋa Wɛ bane ma zaŋe de-ba, 4ye o ta de Moses o we, “Nam zaŋe n ja nɔɔna banto yiga tiina bam n yɔɔre n go amo yere zula ŋwaane. Ke konto pwooni yiga ne jaja se nɔɔna maama taa zega ba nia. Konto wó pa se amo Baŋa Wɛ bane to de Isarele tiina bam.” 5Moses ma ta de Isarele tiina dedɛɛra bam o we, “Go-na baara balo maama na wo abam wone ye ba tɔge ba zuli Baal-Peora jwoni dem to.”#Hosea 9:10
6Ko na ke fee to, mo Isarele tu wodwoŋi jaane Midian tiina bukɔ o zo o chorro tem vwei wone. Konto maama de Moses dedaane Isarele nɔn-kɔgɔ kom maama wo Baŋa Wɛ wara-jei sem ni ne mo ba keera. Ba maama ma na nɔɔno wom na ke tei to. 7Kaanem tu Finehase de ma na-ba. O déem ye Eleaza bu mo, ye o kwo-nakwe ye Aron. O ma nwoŋi kɔ-fɔrɔ kom na wo mɛ to ne, ye o daare o kwei chichwei 8o ja o vo o tɔge nɔɔno wom kwaga o zo o vwei dem wone. Finehase na yi da to, mo o yɔɔre o moore chichwei dem ba maama yera ne o vo o ja bukɔ wom puga. Baŋa Wɛ ma da o keim dem ŋwaane o pa se jawe-chɛɔ kolo na wora ko goe Isarele tiina bam laam ti. 9De ko de, balo na maŋe ba te de jaweo kom to ye nɔɔna morro finlei-tena (24,000) mo.
10 Baŋa Wɛ ma ta de Moses o we, 11“Ko ná dae kaanem tu Finehase ŋwaane, amo ya wó go Isarele tiina bam maama a ti a ban-zɔŋɔ kom ŋwaane. Wonto nam jege chega lanyerane o pa-ne, ye o seene o yia amo ŋwaane se nɔɔna taa zuli amo yerane. 12Konto ŋwaane nam ta ded‑o we, amo gwoni ni a pa‑o se yazura taa wo o tei ne. 13Wonto de o kwaga kam wó taa ye amo kaanem tiina mo se ko taa vei wuu. O na seene o yia amo zula ŋwaane pa se o le Isarele tiina tusim dem amo yiga ne to ŋwaane mo tei a gwoni ni a pa‑o konto dwoŋi.”
14Isarele tu wolo ba déem na jaane‑o de bukɔ wom ye ba go-ba to ye Salu bu Zimiri mo. O déem ye Simeon dwi dem sɔ-yuu kodwoŋi yiga tu mo. 15Midian tiina bukɔ wom yere maa ye Kozibi. O kwo Zura déem ye Midian tiina sɔ-yuu-kamunu yiga tu mo.
16 Baŋa Wɛ ma ta de Moses o we, 17“Zaŋe-na Midian tiina bam baŋa ne se á wane-ba á di. 18Ba déem dwoni de abam mo de ba na soge abam se á zuli ba jwoni Baal-Peora to. Ba ta pɛ se á ke á tusi ba bukɔ Kozibi ŋwaane. Wonto maa ye Midian tiina dedɛɛro bukɔ ye o ba o te jaweo kolo na puri Baal-Peora zulim ŋwaane to baŋa ne.”
Currently Selected:
Jeelim 25: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 25
25
Moaba tiina soge Isarele tiina boboŋa
1Isarele tiina bam déem ma vo ba zoore Sitim ne. Ba baara bam badaara ma vo ba lage Moaba tiina bukwa se ba ke kabwoŋa de-ba. 2Moaba tiina bukwa bam konto laam ma soge Isarele tiina bam ba de ba jwona yam kaanem wone. Ko ma pa se Isarele tiina bam lɛɛre ba zuli Moaba tiina jwona yam, ye ba daare ba di ya wodiiru. 3Konto baŋa ne mo Isarele tiina bam déem tɔge ba zuli Moaba tiina jwoni Baal-Peora. Baŋa Wɛ bane ma zaŋe de-ba, 4ye o ta de Moses o we, “Nam zaŋe n ja nɔɔna banto yiga tiina bam n yɔɔre n go amo yere zula ŋwaane. Ke konto pwooni yiga ne jaja se nɔɔna maama taa zega ba nia. Konto wó pa se amo Baŋa Wɛ bane to de Isarele tiina bam.” 5Moses ma ta de Isarele tiina dedɛɛra bam o we, “Go-na baara balo maama na wo abam wone ye ba tɔge ba zuli Baal-Peora jwoni dem to.”#Hosea 9:10
6Ko na ke fee to, mo Isarele tu wodwoŋi jaane Midian tiina bukɔ o zo o chorro tem vwei wone. Konto maama de Moses dedaane Isarele nɔn-kɔgɔ kom maama wo Baŋa Wɛ wara-jei sem ni ne mo ba keera. Ba maama ma na nɔɔno wom na ke tei to. 7Kaanem tu Finehase de ma na-ba. O déem ye Eleaza bu mo, ye o kwo-nakwe ye Aron. O ma nwoŋi kɔ-fɔrɔ kom na wo mɛ to ne, ye o daare o kwei chichwei 8o ja o vo o tɔge nɔɔno wom kwaga o zo o vwei dem wone. Finehase na yi da to, mo o yɔɔre o moore chichwei dem ba maama yera ne o vo o ja bukɔ wom puga. Baŋa Wɛ ma da o keim dem ŋwaane o pa se jawe-chɛɔ kolo na wora ko goe Isarele tiina bam laam ti. 9De ko de, balo na maŋe ba te de jaweo kom to ye nɔɔna morro finlei-tena (24,000) mo.
10 Baŋa Wɛ ma ta de Moses o we, 11“Ko ná dae kaanem tu Finehase ŋwaane, amo ya wó go Isarele tiina bam maama a ti a ban-zɔŋɔ kom ŋwaane. Wonto nam jege chega lanyerane o pa-ne, ye o seene o yia amo ŋwaane se nɔɔna taa zuli amo yerane. 12Konto ŋwaane nam ta ded‑o we, amo gwoni ni a pa‑o se yazura taa wo o tei ne. 13Wonto de o kwaga kam wó taa ye amo kaanem tiina mo se ko taa vei wuu. O na seene o yia amo zula ŋwaane pa se o le Isarele tiina tusim dem amo yiga ne to ŋwaane mo tei a gwoni ni a pa‑o konto dwoŋi.”
14Isarele tu wolo ba déem na jaane‑o de bukɔ wom ye ba go-ba to ye Salu bu Zimiri mo. O déem ye Simeon dwi dem sɔ-yuu kodwoŋi yiga tu mo. 15Midian tiina bukɔ wom yere maa ye Kozibi. O kwo Zura déem ye Midian tiina sɔ-yuu-kamunu yiga tu mo.
16 Baŋa Wɛ ma ta de Moses o we, 17“Zaŋe-na Midian tiina bam baŋa ne se á wane-ba á di. 18Ba déem dwoni de abam mo de ba na soge abam se á zuli ba jwoni Baal-Peora to. Ba ta pɛ se á ke á tusi ba bukɔ Kozibi ŋwaane. Wonto maa ye Midian tiina dedɛɛro bukɔ ye o ba o te jaweo kolo na puri Baal-Peora zulim ŋwaane to baŋa ne.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)