Jeelim 15
15
Kaanem chwoŋa na wó taa ye tei to
1 Baŋa Wɛ déem ma ta de Moses o we:
2“Ta n bere Isarele tiina bam we: Abam ná tu á zo tega kalo a na lage a pa abam se á ta‑á zoore da to wone, 3ye á ná lage á ke kaanem se á ma á pwoli Baŋa Wɛ wo, á wó le varem á naane dem, naa á pei sem, naa á bone dem wone se á kwei á zwɛ, se ko nyoa kam taa ywomma ka pae Baŋa Wɛ. Ko ná ye zwɛɛm pɛɛre kaanem, naa ni-gwonim pɛɛre kaanem, naa á tete wo-ywoŋo pɛɛre kaanem, naa kaanem delo á na ke kuri dedwoŋi ŋwaane to, á jege se á ke konto mo. 4Abam wolo maama ná jaane varem konto dwoŋi o ba se o ke kaanem o pa Baŋa Wɛ, kotu wó ja wodiu pɛɛre o ba o woli da. Pɛɛre dem konto wó taa ye mun-bwei bwɛ selei na viiri dedaane nuga bɔŋa dedoa to. 5O ta wó ja sa-sona bɔŋa dedoa se ka taa ye wo-nyɔɔro pɛɛre ka woli de pi-bala kalo maama o na lage o ma o ke zwɛɛm pɛɛre kaanem naa kaanem dedwoŋi to wone.
6Ko nam ná ye pi-bea mo kotu kwei se o ma o ke kaanem, se o ja mun-bwei bwɛ sena na viiri de nuga bɔŋa dedoa de chichworo to o ba o woli da. 7O ta wó ja sa-sona bɔŋa dedoa de chichworo o woli da se ka taa ye wo-nyɔɔro pɛɛre. Kaanem dem konto lwom wó taa ywomma de pae Baŋa Wɛ.
8Nmo nam ná kwei na-bala se n ma‑n ke zwɛɛm pɛɛre kaanem naa kaanem dedwoŋi mo, ko ná ye ni-gwonim pɛɛre, naa yazura pɛɛre kaanem mo n lage n ke na pa Baŋa Wɛ, 9se n kwei mun-bwei bwɛ seredo na viiri de nuga bwɛ selei to n woli da. 10Nmo ta wó woli sa-sona bwɛ selei se ko taa ye wo-nyɔɔro pɛɛre. Kaanem dem konto wó taa ye zwɛɛm pɛɛre mo. De nyoa kam wó taa ywomma ka pae Baŋa Wɛ.
11-12Á wó tɔge chwoŋa kam konto mo de varem wolo maama á na wó ja á ba á pa Wɛ to, ko ná maŋe ko ye na-bea, naa pi-bea, naa pi-bala, naa boŋo. 13Abam balo na ye tembia to jege se á ke konto dwoŋi de zwɛɛm pɛɛra yalo á na wó ja á ba se ya lwom dem taa ywomma de pae Baŋa Wɛ to mo. 14Ko ta ná ye veira balo na zoore abam wone maŋa kalo maama to, banto de jege se ba tɔge chwoŋa kalo á na tɔge to de zwɛɛm pɛɛre kaanem delo lwom na wó taa ywomma de pae Baŋa Wɛ to. 15Á kɔgɔ kom maama wó taa tɔge chwoŋa dedoa mo, ko ná maŋe ko ye tembia naa veira balo na zoore abam wone to de. Wɛ ni dem konto wó taa wora taa wuu mo. Kokuri to, Baŋa Wɛ yiga ne, Isarele tiina dedaane veira maama ye bedwe mo. 16Abam balo na ye tembia to dedaane veira balo na zoore abam wone to jege se á ta‑á tɔge Wɛ nia yam bedwe mo ye popɔra tera.”
17 Baŋa Wɛ daa ta ma ta de Moses o we:
18“Ta n bere Isarele tiina bam we: Abam ná tu á zo tega kalo a na lage a pa abam se á ta‑á zoore da to, 19ye á ná lage á di wodiu kolo tega kam na ke ka pa abam to, se á le ko wone á ma‑á ke pɛɛre se á zeiŋi-de wɛɛne á pa Baŋa Wɛ. 20Abam ná bobo á zage mena ye á kwei-ya á cho muni, se á ma-de á fɔge bworobworo se ko taa ye pɛɛre ko pae Baŋa Wɛ. Pɔɔre-na konto á pa Wɛ ne á na yeini á ke tei de mena yalo á na fere to. 21Abam de á dwi delo maama na saŋe se ko taa vei wuu to wó le mun-bwei delo á na bobo á cho to wone mo á ma á ke pɛɛre á pa Baŋa Wɛ.
22Abam nam ná wo wane nia yanto Baŋa Wɛ na pɛ Moses to se á tɔge, ye á ná wo paale á chɔge-ya, chwoŋa wora se á saare á tusim dem konto. 23Á ná maŋe á chɔge ni delo maama Baŋa Wɛ na bobo o tɔge Moses baŋa o pa abam to, naa ni delo maama na zege de pa á kwaga kam to, 24ye á wo paale á chɔge-de, ye abam maama ya ná yeiri ko ni ne, se á kɔgɔ kom ja na-bala á ma‑á ke zwɛɛm kaanem se de lwom dem taa ywomma de pae Baŋa Wɛ. Á ta wó ja wodiu pɛɛre de wo-nyɔɔro pɛɛre na maŋe to á woli da, ye á daare á ja bo-bala á ba á ma‑á ke wɛleera saarem kaanem. 25Kaanem tu wom laam maa wó tɔge ko chwoŋa ne se o le Isarele tiina bam maama tusim dem Wɛ yiga ne. Baŋa Wɛ wó yage ba wɛleera o ma chɛ-ba, ba na wo paale ba tusi ye ba daare ba ja zwɛɛm pɛɛre dem dedaane wɛleera saarem pɛɛre dem ba ba ba ke kaanem ba pa‑o to ŋwaane. 26Konto ná kea, Wɛ wó seene o kwei á maama wɛleera o ma chɛ abam, ko ná maŋe ko ye Isarele tiina de veira de, á kɔgɔ kom maama na tɔge daane á tusi to ŋwaane.
27Ko nam ná ye abam wone nɔɔno dedoa ná tusi ye o wo paale o ke, kotu wó ja bo-choa kalo na ye bene dedoa to o ba o ma o ke wɛleera saarem kaanem. 28Kaanem tu wom maa wó tɔge ko chwoŋa se o le konto tu tusim dem Baŋa Wɛ yiga ne. Konto ná kea, Wɛ wó yage o wɛleera o ma chɛ‑o. 29Ni dento zege de pae wolo maama na tusi ye o wo paale o ke to mo, kotu ná ye Isarele tu naa veiru de.
30Wolo maama nam ná zeiŋi o tete ye o paale o ke wɛleere, konto tu ná ye Isarele tu naa veiru mo de, ba jege se ba le‑o se o daa yé tɔge o woli Isarele dwi dem wone, o na yaale Baŋa Wɛ to ŋwaane. 31O na ke tei to bere we o gwooni Baŋa Wɛ kwora kam ye o ta daare o chɔge o nia yam. O wɛleera yam wó taa wo o yuu ne. Á jege se á yɔɔre á le‑o se o daa yé tɔge o woli a nɔɔna bam wone.”
Siu dɛ chullu tem chɔgem taane
32Isarele tiina bam déem ta na wo kagoa kam wone ba kare ba vei to, mo dɛ dedwe ba jaane nɔɔno na wora o puuri dɛ Wɛ siu dɛ dem ne. 33Ba ma ja‑o ba vo ba yi Moses de Aron de nɔn-kɔgɔ kom maama tei. 34Ba ma pe‑o se ba cheigi ba nii, ba na yeiri ko na wó maŋe se ba ke‑o tei to ŋwaane. 35Baŋa Wɛ ma ta de Moses o we, “O jege se o te mo. Ja-na nɔɔno wom á nwoŋi á vo dáa se Isarele kɔ-fɔrɔ kom dole‑o de kandwa ba go.” 36Ba ma seene ba ja‑o ba vo ba dole‑o ba go, nenɛɛne Baŋa Wɛ na pɛ Moses ni se ba ke tei to.
Ba gwaaro nia yam kuna taane
37 Baŋa Wɛ daa ma ta de Moses o we:
38“Ta n bere Isarele tiina bam we: Á wó seere á gare-dwanno tem se zɔla taa wo te nia yana yam maama ne, se á daare á nyaane ŋone selo nyenyego na ye nazwon-pupwia to á ke zɔle maama yera ne. Á jege se á ta‑á ke á gwaaro tem konto dwoŋi mo taa wuu. 39Á wó ta‑á nii á kuna yam konto, ye á guli Baŋa Wɛ nia yam maama se á ta‑á tɔge-ya. Ko ta wó pa se abam bá ywori Wɛ kwaga ne á daare á tɔge wo-yɔɔro telo á fera na zo to. 40Konto to, á wó toŋe á tɔge amo nia yam maama. Á ta wó pɔɔre á tete á pa á Tu Wɛ wom. 41Amo mo ye abam Tu Baŋa Wɛ wom. A nam jaane abam a nwoŋi Ejipti wone, se a taa ye abam Tu Wɛ wom mo. Chega to, amo mo ye abam Tu Baŋa Wɛ wom.”
Currently Selected:
Jeelim 15: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Jeelim 15
15
Kaanem chwoŋa na wó taa ye tei to
1 Baŋa Wɛ déem ma ta de Moses o we:
2“Ta n bere Isarele tiina bam we: Abam ná tu á zo tega kalo a na lage a pa abam se á ta‑á zoore da to wone, 3ye á ná lage á ke kaanem se á ma á pwoli Baŋa Wɛ wo, á wó le varem á naane dem, naa á pei sem, naa á bone dem wone se á kwei á zwɛ, se ko nyoa kam taa ywomma ka pae Baŋa Wɛ. Ko ná ye zwɛɛm pɛɛre kaanem, naa ni-gwonim pɛɛre kaanem, naa á tete wo-ywoŋo pɛɛre kaanem, naa kaanem delo á na ke kuri dedwoŋi ŋwaane to, á jege se á ke konto mo. 4Abam wolo maama ná jaane varem konto dwoŋi o ba se o ke kaanem o pa Baŋa Wɛ, kotu wó ja wodiu pɛɛre o ba o woli da. Pɛɛre dem konto wó taa ye mun-bwei bwɛ selei na viiri dedaane nuga bɔŋa dedoa to. 5O ta wó ja sa-sona bɔŋa dedoa se ka taa ye wo-nyɔɔro pɛɛre ka woli de pi-bala kalo maama o na lage o ma o ke zwɛɛm pɛɛre kaanem naa kaanem dedwoŋi to wone.
6Ko nam ná ye pi-bea mo kotu kwei se o ma o ke kaanem, se o ja mun-bwei bwɛ sena na viiri de nuga bɔŋa dedoa de chichworo to o ba o woli da. 7O ta wó ja sa-sona bɔŋa dedoa de chichworo o woli da se ka taa ye wo-nyɔɔro pɛɛre. Kaanem dem konto lwom wó taa ywomma de pae Baŋa Wɛ.
8Nmo nam ná kwei na-bala se n ma‑n ke zwɛɛm pɛɛre kaanem naa kaanem dedwoŋi mo, ko ná ye ni-gwonim pɛɛre, naa yazura pɛɛre kaanem mo n lage n ke na pa Baŋa Wɛ, 9se n kwei mun-bwei bwɛ seredo na viiri de nuga bwɛ selei to n woli da. 10Nmo ta wó woli sa-sona bwɛ selei se ko taa ye wo-nyɔɔro pɛɛre. Kaanem dem konto wó taa ye zwɛɛm pɛɛre mo. De nyoa kam wó taa ywomma ka pae Baŋa Wɛ.
11-12Á wó tɔge chwoŋa kam konto mo de varem wolo maama á na wó ja á ba á pa Wɛ to, ko ná maŋe ko ye na-bea, naa pi-bea, naa pi-bala, naa boŋo. 13Abam balo na ye tembia to jege se á ke konto dwoŋi de zwɛɛm pɛɛra yalo á na wó ja á ba se ya lwom dem taa ywomma de pae Baŋa Wɛ to mo. 14Ko ta ná ye veira balo na zoore abam wone maŋa kalo maama to, banto de jege se ba tɔge chwoŋa kalo á na tɔge to de zwɛɛm pɛɛre kaanem delo lwom na wó taa ywomma de pae Baŋa Wɛ to. 15Á kɔgɔ kom maama wó taa tɔge chwoŋa dedoa mo, ko ná maŋe ko ye tembia naa veira balo na zoore abam wone to de. Wɛ ni dem konto wó taa wora taa wuu mo. Kokuri to, Baŋa Wɛ yiga ne, Isarele tiina dedaane veira maama ye bedwe mo. 16Abam balo na ye tembia to dedaane veira balo na zoore abam wone to jege se á ta‑á tɔge Wɛ nia yam bedwe mo ye popɔra tera.”
17 Baŋa Wɛ daa ta ma ta de Moses o we:
18“Ta n bere Isarele tiina bam we: Abam ná tu á zo tega kalo a na lage a pa abam se á ta‑á zoore da to, 19ye á ná lage á di wodiu kolo tega kam na ke ka pa abam to, se á le ko wone á ma‑á ke pɛɛre se á zeiŋi-de wɛɛne á pa Baŋa Wɛ. 20Abam ná bobo á zage mena ye á kwei-ya á cho muni, se á ma-de á fɔge bworobworo se ko taa ye pɛɛre ko pae Baŋa Wɛ. Pɔɔre-na konto á pa Wɛ ne á na yeini á ke tei de mena yalo á na fere to. 21Abam de á dwi delo maama na saŋe se ko taa vei wuu to wó le mun-bwei delo á na bobo á cho to wone mo á ma á ke pɛɛre á pa Baŋa Wɛ.
22Abam nam ná wo wane nia yanto Baŋa Wɛ na pɛ Moses to se á tɔge, ye á ná wo paale á chɔge-ya, chwoŋa wora se á saare á tusim dem konto. 23Á ná maŋe á chɔge ni delo maama Baŋa Wɛ na bobo o tɔge Moses baŋa o pa abam to, naa ni delo maama na zege de pa á kwaga kam to, 24ye á wo paale á chɔge-de, ye abam maama ya ná yeiri ko ni ne, se á kɔgɔ kom ja na-bala á ma‑á ke zwɛɛm kaanem se de lwom dem taa ywomma de pae Baŋa Wɛ. Á ta wó ja wodiu pɛɛre de wo-nyɔɔro pɛɛre na maŋe to á woli da, ye á daare á ja bo-bala á ba á ma‑á ke wɛleera saarem kaanem. 25Kaanem tu wom laam maa wó tɔge ko chwoŋa ne se o le Isarele tiina bam maama tusim dem Wɛ yiga ne. Baŋa Wɛ wó yage ba wɛleera o ma chɛ-ba, ba na wo paale ba tusi ye ba daare ba ja zwɛɛm pɛɛre dem dedaane wɛleera saarem pɛɛre dem ba ba ba ke kaanem ba pa‑o to ŋwaane. 26Konto ná kea, Wɛ wó seene o kwei á maama wɛleera o ma chɛ abam, ko ná maŋe ko ye Isarele tiina de veira de, á kɔgɔ kom maama na tɔge daane á tusi to ŋwaane.
27Ko nam ná ye abam wone nɔɔno dedoa ná tusi ye o wo paale o ke, kotu wó ja bo-choa kalo na ye bene dedoa to o ba o ma o ke wɛleera saarem kaanem. 28Kaanem tu wom maa wó tɔge ko chwoŋa se o le konto tu tusim dem Baŋa Wɛ yiga ne. Konto ná kea, Wɛ wó yage o wɛleera o ma chɛ‑o. 29Ni dento zege de pae wolo maama na tusi ye o wo paale o ke to mo, kotu ná ye Isarele tu naa veiru de.
30Wolo maama nam ná zeiŋi o tete ye o paale o ke wɛleere, konto tu ná ye Isarele tu naa veiru mo de, ba jege se ba le‑o se o daa yé tɔge o woli Isarele dwi dem wone, o na yaale Baŋa Wɛ to ŋwaane. 31O na ke tei to bere we o gwooni Baŋa Wɛ kwora kam ye o ta daare o chɔge o nia yam. O wɛleera yam wó taa wo o yuu ne. Á jege se á yɔɔre á le‑o se o daa yé tɔge o woli a nɔɔna bam wone.”
Siu dɛ chullu tem chɔgem taane
32Isarele tiina bam déem ta na wo kagoa kam wone ba kare ba vei to, mo dɛ dedwe ba jaane nɔɔno na wora o puuri dɛ Wɛ siu dɛ dem ne. 33Ba ma ja‑o ba vo ba yi Moses de Aron de nɔn-kɔgɔ kom maama tei. 34Ba ma pe‑o se ba cheigi ba nii, ba na yeiri ko na wó maŋe se ba ke‑o tei to ŋwaane. 35Baŋa Wɛ ma ta de Moses o we, “O jege se o te mo. Ja-na nɔɔno wom á nwoŋi á vo dáa se Isarele kɔ-fɔrɔ kom dole‑o de kandwa ba go.” 36Ba ma seene ba ja‑o ba vo ba dole‑o ba go, nenɛɛne Baŋa Wɛ na pɛ Moses ni se ba ke tei to.
Ba gwaaro nia yam kuna taane
37 Baŋa Wɛ daa ma ta de Moses o we:
38“Ta n bere Isarele tiina bam we: Á wó seere á gare-dwanno tem se zɔla taa wo te nia yana yam maama ne, se á daare á nyaane ŋone selo nyenyego na ye nazwon-pupwia to á ke zɔle maama yera ne. Á jege se á ta‑á ke á gwaaro tem konto dwoŋi mo taa wuu. 39Á wó ta‑á nii á kuna yam konto, ye á guli Baŋa Wɛ nia yam maama se á ta‑á tɔge-ya. Ko ta wó pa se abam bá ywori Wɛ kwaga ne á daare á tɔge wo-yɔɔro telo á fera na zo to. 40Konto to, á wó toŋe á tɔge amo nia yam maama. Á ta wó pɔɔre á tete á pa á Tu Wɛ wom. 41Amo mo ye abam Tu Baŋa Wɛ wom. A nam jaane abam a nwoŋi Ejipti wone, se a taa ye abam Tu Wɛ wom mo. Chega to, amo mo ye abam Tu Baŋa Wɛ wom.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)