Chullu 22
22
Wodiu pɛɛra yam taane
1 Baŋa Wɛ daa ma ta de Moses o we:
2“Ta Aron de o bia bam we, ba ta taa nii pɛɛra yalo Isarele tiina bam na jaane ba tui ba pa-ne to baŋa ne, se ba nege-ya, ya na ye wose to ŋwaane. Ko ná dae konto, ba wó yaale amo yere dem na ye wose to. Amo mo ye Baŋa Wɛ wom. 3Ta n bere-ba we: Abam dwi dem wone wolo ná jege digiru chullu tem seeni, ye o ta fɔɔre o yi o dwei pɛɛra yalo Isarele tiina bam na jaane ba tui ba pa Baŋa Wɛ to, kotu daa bá zege amo yiga ne o toŋe o pa-ne. Amo mo ye Baŋa Wɛ wom.
4Aron dwi kaanem tiina bam wone, wolo maama ná jege yera jawe-chɛɔ kolo na lɔgese nɔɔna to, naa o peini ni na mo ná nwoŋa pa se o daa wo maŋe de chullu tem, konto tu ba jege chwoŋa se o da o di kaanem wodiu pɛɛra yam. O jege se o kwɛ o tete de chullu tem mo se o daare o di. Kaanem tu ná dwei kolo na digiri twa ŋwaane to, naa o nywanno ná nwoŋa, o de wó taa jege digiru Wɛ chullu tem seeni mo. 5Ko ta ye bedwe mo de o ná dwei tega-veilu, naa o ná dwei nɔɔno wolo na jege digiru chullu tem seeni to. 6Kaanem tu ná to tento wone, o ta wó digiri mo se ko yi dedaan-ni maŋa. O ta bá wane o di kaanem wodiu pɛɛra yam, ko ná dae we o swɛ o yera o ma kwɛ o tete. 7Wɛ ná zoa, konto tu laam wó maŋe de chullu tem. O maa jege chwoŋa se o di wodiu pɛɛra yam, wodiu kom konto na ye kaanem tiina bam nyem to ŋwaane. 8Kaanem tu ba jege se o di varem wolo na tege o tete toone to, naa kago-vara na tore‑o ba go to. O ná di nɔna yam konto, ko wó pa se o digiri de chullu tem mo. Amo mo ye Baŋa Wɛ wom.
9Kaanem tiina bam maama jege se ba taa tɔge chullu chwei sem a na pɛ-ba to mo. Ko ná dae konto, ba tusim wó taa wo ba yuu ne mo, ye ba te, ba na yaale amo bera yam to ŋwaane. Amo mo ye Baŋa Wɛ wom. Amo mo pɔɔre-ba se ba taa ye wose amo ŋwaane.
10Ko ná ye kaanem wodiu pɛɛra yam, wolo na dae kaanem tiina dwi dem nɔɔno to ba jege chwoŋa se o di-ya. Veiru wolo ná zoore kaanem tu wom tei ne, naa tontoŋeno wolo kaanem tu wom ná jene‑o se o toŋe o pa‑o mo, banto dae se ba di. 11Kaanem tu nam ná jege kabaa kalo, kotu wó da o di kaanem tu wom wodiu kom, ne o ná ye kabaa kalo kaanem tu wom na yeigi de sabu to, naa o ye wolo ba na loge‑o kaanem tu wom sɔŋɔ wone to. 12Kaanem tu bukɔ nam ná zo wolo na dae kaanem tu to, wonto dae se o da o di kaanem wodiiru tem. 13Bukɔ wom nam ná jigi kadeim, naa o ná yage o baro, ye o ba jege bia se ba taa nii o baŋa ne pa se o jwoori o vo o kwo sɔŋɔ ne o jei da, kotu jege chwoŋa se o di o kwo wodiu pɛɛra yam wone. Kaanem tiina dwi dem nɔɔna yerane mo jege chwoŋa se ba di wodiu kom konto.
14Nɔn-yɔɔ nam ná di kaanem pɛɛra wodiu, ye o wo paale o ke, se o jwoori o ŋwe o na di tei to o pa kaanem tu wom, se o ta woli wodiu kom kwora kuni benu maama wone, popɔra dedoa o pa‑o. 15Kaanem tiina bam dae se ba gwooni pɛɛra yalo Isarele tiina bam na jaane ba tui ba pae Baŋa Wɛ to, 16de ba na wó pa se nɔn-yɔɔro da ba di ya wone to. Konto ná kea, ko wó pa se nɔɔna bam wɛleera mo taa wo ba yuu ne, se waarem ba ba baŋa. Amo mo ye Baŋa Wɛ wom. Amo ma pɔɔre pɛɛra yam konto se ya taa ye wose amo ŋwaane.”
Kaanem totoŋa yam taane
17 Baŋa Wɛ daa ma ta de Moses o we:
18“Ta Aron, de o bia bam, de Isarele tiina bam maama we: Isarele dwi tu, naa veiru wolo na zoore de-ba to ná lage se o ke zwɛɛm pɛɛre kaanem o pa Baŋa Wɛ, ko ná ye ni-gwonim ŋwaane, naa ko ye o wo-ywoŋo pɛɛre mo de, varem wom dae se o taa jege gɛɛ o yera ne. 19Ko ná ye na-bala, naa pi-bala, naa bo-bala mo kotu jaane o ba, Wɛ wó sɛ o jwoŋi-ka, ne ko ná dae we ka jege gɛɛ ka yera ne. 20Abam wolo nam ná kwei varem wolo na jege gɛɛ o yera ne to se o ma ke kaanem o pa Baŋa Wɛ, Wɛ bá jwoŋi kotu kaanem dem.
21Wolo nam ná boŋe se o ke yazura pɛɛre kaanem o pa Baŋa Wɛ, ko ná ye ni-gwonim ŋwaane, naa ko ye o wo-ywoŋo pɛɛre mo de, varem wom dae se o taa jege gɛɛ o yera ne. Konto baŋa ne mo Wɛ wó jwoŋi o pɛɛre dem. 22Yé zaŋe-na á kwei vare-lilwoa, naa vara balo naga na bwori naa ba yera fuuli to, naa balo na jege ŋɔna naa yera jaweero dwi dwi to, se á ja á ba wara-jei sem ne á ma á ke kaanem á pa Baŋa Wɛ. 23Naao kolo naa pia kalo yera nam na ba mae daane to mo, á wó wane á kwei á ma‑á ke yazura pɛɛre kaanem delo na ye n wo-ywoŋo pɛɛre to. Ko daare, yé kwei-na vara bam konto dwoŋi á ma‑á ke kaanem delo na ye ni-gwonim ŋwaane to. 24Yé kwei-na varem wolo manchala ba na mage naa ya chɔge tei maama to, naa ba na lwe wolo to, á ke kaanem á pa Baŋa Wɛ. Ko dae se á ke konto dwoŋi maŋa kalo maama á na wó ta‑á zoore á tega kam wone to. 25Á ná jwoŋi vara bam konto dwoŋi dwi-gɛ tiina tei ne, se á yé kwei-ya á ke wodiu pɛɛre á pa á Tu Wɛ wom. Banto vara bam yera seene ya chɔge mo. Wɛ bá sɛ o jwoŋi kaanem dem.”
26 Baŋa Wɛ daa ma ta Moses o we:
27“Sɔŋɔ vara ná loga, bu maama wó maŋe o nu tei ne mo da yarepɛ, ne ko ná ye noa, naa pipeila, naa bobona mo. Da nana dɛ dem ne se ko taa via, ka laam wó maŋe se ba kwei-ka ba ma ke wodiu pɛɛre ba pa Baŋa Wɛ. 28Yé kwei-na varem de o bu á go á ma‑á ke kaanem dɛ dedwe wone.
29Abam wolo ná boŋe se o ke lei-keim kaanem o pa Baŋa Wɛ, se o tɔge kaanem dem chwoŋa chekke. Konto baŋa ne mo Wɛ wó jwoŋi kotu pɛɛre dem. 30Ba nam jege se ba di varem wom nɔna yam maama dɛ delo wone ba na ke kaanem dem to mo. Ba yé pa se tega poore ye ya ta wora. Amo mo ye Baŋa Wɛ wom.
31Yɔɔre á ta‑á tɔge amo nia yam ye á ke á tɔge ya na bere tei to. Amo mo ye Baŋa Wɛ wom. 32Yé yaale-na amo yere dem, de na ye wose to ŋwaane. Isarele tiina bam maama jege se ba sɛ amo mo we a ye wose. Amo mo ye Baŋa Wɛ wom. Amo ma pɔɔre abam mo se á de taa ye wose. 33Amo nam jaane abam a nwoŋi Ejipti ne a ba ywo, se a taa ye abam Tu Wɛ wom mo. Amo mo ye Baŋa Wɛ wom.”
Currently Selected:
Chullu 22: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Chullu 22
22
Wodiu pɛɛra yam taane
1 Baŋa Wɛ daa ma ta de Moses o we:
2“Ta Aron de o bia bam we, ba ta taa nii pɛɛra yalo Isarele tiina bam na jaane ba tui ba pa-ne to baŋa ne, se ba nege-ya, ya na ye wose to ŋwaane. Ko ná dae konto, ba wó yaale amo yere dem na ye wose to. Amo mo ye Baŋa Wɛ wom. 3Ta n bere-ba we: Abam dwi dem wone wolo ná jege digiru chullu tem seeni, ye o ta fɔɔre o yi o dwei pɛɛra yalo Isarele tiina bam na jaane ba tui ba pa Baŋa Wɛ to, kotu daa bá zege amo yiga ne o toŋe o pa-ne. Amo mo ye Baŋa Wɛ wom.
4Aron dwi kaanem tiina bam wone, wolo maama ná jege yera jawe-chɛɔ kolo na lɔgese nɔɔna to, naa o peini ni na mo ná nwoŋa pa se o daa wo maŋe de chullu tem, konto tu ba jege chwoŋa se o da o di kaanem wodiu pɛɛra yam. O jege se o kwɛ o tete de chullu tem mo se o daare o di. Kaanem tu ná dwei kolo na digiri twa ŋwaane to, naa o nywanno ná nwoŋa, o de wó taa jege digiru Wɛ chullu tem seeni mo. 5Ko ta ye bedwe mo de o ná dwei tega-veilu, naa o ná dwei nɔɔno wolo na jege digiru chullu tem seeni to. 6Kaanem tu ná to tento wone, o ta wó digiri mo se ko yi dedaan-ni maŋa. O ta bá wane o di kaanem wodiu pɛɛra yam, ko ná dae we o swɛ o yera o ma kwɛ o tete. 7Wɛ ná zoa, konto tu laam wó maŋe de chullu tem. O maa jege chwoŋa se o di wodiu pɛɛra yam, wodiu kom konto na ye kaanem tiina bam nyem to ŋwaane. 8Kaanem tu ba jege se o di varem wolo na tege o tete toone to, naa kago-vara na tore‑o ba go to. O ná di nɔna yam konto, ko wó pa se o digiri de chullu tem mo. Amo mo ye Baŋa Wɛ wom.
9Kaanem tiina bam maama jege se ba taa tɔge chullu chwei sem a na pɛ-ba to mo. Ko ná dae konto, ba tusim wó taa wo ba yuu ne mo, ye ba te, ba na yaale amo bera yam to ŋwaane. Amo mo ye Baŋa Wɛ wom. Amo mo pɔɔre-ba se ba taa ye wose amo ŋwaane.
10Ko ná ye kaanem wodiu pɛɛra yam, wolo na dae kaanem tiina dwi dem nɔɔno to ba jege chwoŋa se o di-ya. Veiru wolo ná zoore kaanem tu wom tei ne, naa tontoŋeno wolo kaanem tu wom ná jene‑o se o toŋe o pa‑o mo, banto dae se ba di. 11Kaanem tu nam ná jege kabaa kalo, kotu wó da o di kaanem tu wom wodiu kom, ne o ná ye kabaa kalo kaanem tu wom na yeigi de sabu to, naa o ye wolo ba na loge‑o kaanem tu wom sɔŋɔ wone to. 12Kaanem tu bukɔ nam ná zo wolo na dae kaanem tu to, wonto dae se o da o di kaanem wodiiru tem. 13Bukɔ wom nam ná jigi kadeim, naa o ná yage o baro, ye o ba jege bia se ba taa nii o baŋa ne pa se o jwoori o vo o kwo sɔŋɔ ne o jei da, kotu jege chwoŋa se o di o kwo wodiu pɛɛra yam wone. Kaanem tiina dwi dem nɔɔna yerane mo jege chwoŋa se ba di wodiu kom konto.
14Nɔn-yɔɔ nam ná di kaanem pɛɛra wodiu, ye o wo paale o ke, se o jwoori o ŋwe o na di tei to o pa kaanem tu wom, se o ta woli wodiu kom kwora kuni benu maama wone, popɔra dedoa o pa‑o. 15Kaanem tiina bam dae se ba gwooni pɛɛra yalo Isarele tiina bam na jaane ba tui ba pae Baŋa Wɛ to, 16de ba na wó pa se nɔn-yɔɔro da ba di ya wone to. Konto ná kea, ko wó pa se nɔɔna bam wɛleera mo taa wo ba yuu ne, se waarem ba ba baŋa. Amo mo ye Baŋa Wɛ wom. Amo ma pɔɔre pɛɛra yam konto se ya taa ye wose amo ŋwaane.”
Kaanem totoŋa yam taane
17 Baŋa Wɛ daa ma ta de Moses o we:
18“Ta Aron, de o bia bam, de Isarele tiina bam maama we: Isarele dwi tu, naa veiru wolo na zoore de-ba to ná lage se o ke zwɛɛm pɛɛre kaanem o pa Baŋa Wɛ, ko ná ye ni-gwonim ŋwaane, naa ko ye o wo-ywoŋo pɛɛre mo de, varem wom dae se o taa jege gɛɛ o yera ne. 19Ko ná ye na-bala, naa pi-bala, naa bo-bala mo kotu jaane o ba, Wɛ wó sɛ o jwoŋi-ka, ne ko ná dae we ka jege gɛɛ ka yera ne. 20Abam wolo nam ná kwei varem wolo na jege gɛɛ o yera ne to se o ma ke kaanem o pa Baŋa Wɛ, Wɛ bá jwoŋi kotu kaanem dem.
21Wolo nam ná boŋe se o ke yazura pɛɛre kaanem o pa Baŋa Wɛ, ko ná ye ni-gwonim ŋwaane, naa ko ye o wo-ywoŋo pɛɛre mo de, varem wom dae se o taa jege gɛɛ o yera ne. Konto baŋa ne mo Wɛ wó jwoŋi o pɛɛre dem. 22Yé zaŋe-na á kwei vare-lilwoa, naa vara balo naga na bwori naa ba yera fuuli to, naa balo na jege ŋɔna naa yera jaweero dwi dwi to, se á ja á ba wara-jei sem ne á ma á ke kaanem á pa Baŋa Wɛ. 23Naao kolo naa pia kalo yera nam na ba mae daane to mo, á wó wane á kwei á ma‑á ke yazura pɛɛre kaanem delo na ye n wo-ywoŋo pɛɛre to. Ko daare, yé kwei-na vara bam konto dwoŋi á ma‑á ke kaanem delo na ye ni-gwonim ŋwaane to. 24Yé kwei-na varem wolo manchala ba na mage naa ya chɔge tei maama to, naa ba na lwe wolo to, á ke kaanem á pa Baŋa Wɛ. Ko dae se á ke konto dwoŋi maŋa kalo maama á na wó ta‑á zoore á tega kam wone to. 25Á ná jwoŋi vara bam konto dwoŋi dwi-gɛ tiina tei ne, se á yé kwei-ya á ke wodiu pɛɛre á pa á Tu Wɛ wom. Banto vara bam yera seene ya chɔge mo. Wɛ bá sɛ o jwoŋi kaanem dem.”
26 Baŋa Wɛ daa ma ta Moses o we:
27“Sɔŋɔ vara ná loga, bu maama wó maŋe o nu tei ne mo da yarepɛ, ne ko ná ye noa, naa pipeila, naa bobona mo. Da nana dɛ dem ne se ko taa via, ka laam wó maŋe se ba kwei-ka ba ma ke wodiu pɛɛre ba pa Baŋa Wɛ. 28Yé kwei-na varem de o bu á go á ma‑á ke kaanem dɛ dedwe wone.
29Abam wolo ná boŋe se o ke lei-keim kaanem o pa Baŋa Wɛ, se o tɔge kaanem dem chwoŋa chekke. Konto baŋa ne mo Wɛ wó jwoŋi kotu pɛɛre dem. 30Ba nam jege se ba di varem wom nɔna yam maama dɛ delo wone ba na ke kaanem dem to mo. Ba yé pa se tega poore ye ya ta wora. Amo mo ye Baŋa Wɛ wom.
31Yɔɔre á ta‑á tɔge amo nia yam ye á ke á tɔge ya na bere tei to. Amo mo ye Baŋa Wɛ wom. 32Yé yaale-na amo yere dem, de na ye wose to ŋwaane. Isarele tiina bam maama jege se ba sɛ amo mo we a ye wose. Amo mo ye Baŋa Wɛ wom. Amo ma pɔɔre abam mo se á de taa ye wose. 33Amo nam jaane abam a nwoŋi Ejipti ne a ba ywo, se a taa ye abam Tu Wɛ wom mo. Amo mo ye Baŋa Wɛ wom.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)