Chullu 21
21
Wɛ kaanem tiina bam taane
1 Baŋa Wɛ ta ma ta de Moses o we:
“Ta de Aron dwi kaanem tiina bam we: Kaanem dwi tu ná tega, o nam yé da ko ŋwaane o digiri o tete de chullu tem. 2Ko nam ná ye o choro, o jege chwoŋa se o zo kotu lua ne. Ko ná ye o nu, naa o kwo, naa o bu-baaro, naa o bukɔ, naa o zembaaro, naa o nyaane, 3naa o nakɔ wolo ta na wo zo baro ye o wo ba sɔŋɔ ne to, o jege chwoŋa se o digiri o tete ba lwi baŋa ne. 4Se ko ná ye balo na bwola ded‑o kadiri ŋwaane to mo, ko dae se o digiri o tete banto lwi baŋa ne.
5Kaanem tiina dae se ba cheeri ba yuni, naa ba fane ba twana nia yam, naa ba gwoni ba yera lua chullu ŋwaane. 6Ba maŋe se ba pɔɔre ba tete mo ba pa ba Tu Wɛ wom, se ba yé yaale o yere dem. Ko na ye tei to, banto yeini ba kwei wodiu pɛɛra mo ba pae Baŋa Wɛ.#Chullu 1:1-17 Pɛɛra yanto na ye wodiu ya pae ba Tu Wɛ wom to ŋwaane, kaanem tiina bam jege se ba taa jege wo-pwoŋo mo.
7Kaanem tu dae se o kwei ka-bworo o ma ji o kaane. O nam ba jege se o di kaane wolo na zo baro ye o yage‑o to. Kokuri to, kaanem tiina pɔɔre ba tete mo ba pa ba Tu Wɛ wom. 8Nɔɔna maama nam jege se ba taa nege kaanem tiina bam, ba na pɔɔre ba tete Wɛ ŋwaane to mo. Banto mo kwei wodiu pɛɛra yam ba pae abam Tu Wɛ wom. Amo mo konto. Amo ye Baŋa Wɛ wom na ye wose to mo. A ma pɔɔre abam se á de ta‑á ye wose amo ŋwaane. 9Kaanem tu bukɔ ná digiri o tete ka-bworo totoŋa baŋa ne, kotu yaale o kwo yere mo. Ba jege se ba zwɛ‑o mo se o te.
10Ko ná ye Wɛ kaanem yiga tu wom, ba lwogi Wɛ swolim nuga wonto yuu ne mo ba pɔɔre‑o ba zege o totoŋe dem ŋwaane, ye o jege chwoŋa se o taa zoore kaanem gare-laaro tem. Ko nam dae se kotu vugimi o yu-ywei, naa o kaare o tete gwaaro lua chullu ŋwaane. 11O ba jege se o twɛ too, ko ná maŋe ko ye o kwo, naa o nu de. O ná ve ye o ke konto, o wó digiri o tete de chullu tem mo. 12Kaanem yiga tu wom dae se o yage wara-jei sem o nwoŋi se o keeri lua. O keim dem konto wó chɔge ware-jei sem de chullu tem mo. Ko ye o Tu Wɛ wom swolim nuga mo ba mɛ ba pɔɔre‑o kaanem totoŋe dem ŋwaane. Amo mo ye Baŋa Wɛ wom.
13Kaanem yiga tu wom nam maŋe se o beeri bukɔ wolo na yeiri baara to mo, se o di‑o o ke o kaane. 14O dae se o kwei kadeim, naa kaane wolo na zo baro ye o yage‑o to, naa ka-bworo o maa ke o kaane. Kaanem yiga tu wom wó swo bukɔ wolo na yeiri baara, ye o ta ye o tete dwi dem bukɔ to mo. 15Ko ná dae konto, bia balo o na wó lo to bá maŋe de chullu tem se ba ji amo kaanem tiina. Amo mo ye Baŋa Wɛ wom. A ma pɔɔre kaanem yiga tu wom se o taa ye amo nyem.”
16 Baŋa Wɛ ta ma ta de Moses o we:
17“Ta de Aron we: Ko zege leile se ko taa vei wuu, n dwi dem wone wolo yera ná jege gɛɛ, konto tu dae se o kwei wodiu pɛɛra o kaane o pa o Tu Wɛ wom. 18Wolo ná ye lilwei, naa gwana, naa o yibia ná chɔge, naa o yera yam ná ba mae daane mɛ seeni, 19naa o naga ná bwori, naa o jeŋa ná bwori mo, 20o nam ná jege pɔnɔ, naa o ná ye naale, naa o yia ta ná chɔge, naa o ná jege ŋɔna naa pwooru o yera ne, naa ba ná lwe kotu manchala mo, o dae se o ke kaanem wara-vwei dem wone. 21Amo kaanem tu Aron dwi tu wolo maama yera ná jege gɛɛ, kotu ba jege chwoŋa se o kwei wodiu pɛɛra o kaane o pa o Tu Wɛ wom. Ko dae se o ke konto, o yera yam na jege gɛɛ to ŋwaane. 22Nɔɔno wom konto nam jege chwoŋa se o da o di wodiu kolo ba na mɛ ba ke kaanem ba pa Wɛ to, ko ná maŋe ko ye kolo ba na pɔɔre Wɛ ŋwaane ye ko tiini ko ye wose to mo de. 23Se o nam dae se o zo wara-vwei dem ne o twɛ gare-jale dem mo. O ta dae se o yi kaanem dakaa kam yiga. Kokuri to, o jege gɛɛ o yera yam ne. Ko ná dae konto, o wó chɔge amo wara-jei sem de se zela yalo na pɔɔre amo zula ŋwaane to. Amo mo ye Baŋa Wɛ wom. Amo ma pɔɔre wonnu tem konto se te taa ye wose amo ŋwaane.”
24Moses déem tage wonnu tem konto maama o bere Aron, de o bia bam, de Isarele tiina bam maama.
Currently Selected:
Chullu 21: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Chullu 21
21
Wɛ kaanem tiina bam taane
1 Baŋa Wɛ ta ma ta de Moses o we:
“Ta de Aron dwi kaanem tiina bam we: Kaanem dwi tu ná tega, o nam yé da ko ŋwaane o digiri o tete de chullu tem. 2Ko nam ná ye o choro, o jege chwoŋa se o zo kotu lua ne. Ko ná ye o nu, naa o kwo, naa o bu-baaro, naa o bukɔ, naa o zembaaro, naa o nyaane, 3naa o nakɔ wolo ta na wo zo baro ye o wo ba sɔŋɔ ne to, o jege chwoŋa se o digiri o tete ba lwi baŋa ne. 4Se ko ná ye balo na bwola ded‑o kadiri ŋwaane to mo, ko dae se o digiri o tete banto lwi baŋa ne.
5Kaanem tiina dae se ba cheeri ba yuni, naa ba fane ba twana nia yam, naa ba gwoni ba yera lua chullu ŋwaane. 6Ba maŋe se ba pɔɔre ba tete mo ba pa ba Tu Wɛ wom, se ba yé yaale o yere dem. Ko na ye tei to, banto yeini ba kwei wodiu pɛɛra mo ba pae Baŋa Wɛ.#Chullu 1:1-17 Pɛɛra yanto na ye wodiu ya pae ba Tu Wɛ wom to ŋwaane, kaanem tiina bam jege se ba taa jege wo-pwoŋo mo.
7Kaanem tu dae se o kwei ka-bworo o ma ji o kaane. O nam ba jege se o di kaane wolo na zo baro ye o yage‑o to. Kokuri to, kaanem tiina pɔɔre ba tete mo ba pa ba Tu Wɛ wom. 8Nɔɔna maama nam jege se ba taa nege kaanem tiina bam, ba na pɔɔre ba tete Wɛ ŋwaane to mo. Banto mo kwei wodiu pɛɛra yam ba pae abam Tu Wɛ wom. Amo mo konto. Amo ye Baŋa Wɛ wom na ye wose to mo. A ma pɔɔre abam se á de ta‑á ye wose amo ŋwaane. 9Kaanem tu bukɔ ná digiri o tete ka-bworo totoŋa baŋa ne, kotu yaale o kwo yere mo. Ba jege se ba zwɛ‑o mo se o te.
10Ko ná ye Wɛ kaanem yiga tu wom, ba lwogi Wɛ swolim nuga wonto yuu ne mo ba pɔɔre‑o ba zege o totoŋe dem ŋwaane, ye o jege chwoŋa se o taa zoore kaanem gare-laaro tem. Ko nam dae se kotu vugimi o yu-ywei, naa o kaare o tete gwaaro lua chullu ŋwaane. 11O ba jege se o twɛ too, ko ná maŋe ko ye o kwo, naa o nu de. O ná ve ye o ke konto, o wó digiri o tete de chullu tem mo. 12Kaanem yiga tu wom dae se o yage wara-jei sem o nwoŋi se o keeri lua. O keim dem konto wó chɔge ware-jei sem de chullu tem mo. Ko ye o Tu Wɛ wom swolim nuga mo ba mɛ ba pɔɔre‑o kaanem totoŋe dem ŋwaane. Amo mo ye Baŋa Wɛ wom.
13Kaanem yiga tu wom nam maŋe se o beeri bukɔ wolo na yeiri baara to mo, se o di‑o o ke o kaane. 14O dae se o kwei kadeim, naa kaane wolo na zo baro ye o yage‑o to, naa ka-bworo o maa ke o kaane. Kaanem yiga tu wom wó swo bukɔ wolo na yeiri baara, ye o ta ye o tete dwi dem bukɔ to mo. 15Ko ná dae konto, bia balo o na wó lo to bá maŋe de chullu tem se ba ji amo kaanem tiina. Amo mo ye Baŋa Wɛ wom. A ma pɔɔre kaanem yiga tu wom se o taa ye amo nyem.”
16 Baŋa Wɛ ta ma ta de Moses o we:
17“Ta de Aron we: Ko zege leile se ko taa vei wuu, n dwi dem wone wolo yera ná jege gɛɛ, konto tu dae se o kwei wodiu pɛɛra o kaane o pa o Tu Wɛ wom. 18Wolo ná ye lilwei, naa gwana, naa o yibia ná chɔge, naa o yera yam ná ba mae daane mɛ seeni, 19naa o naga ná bwori, naa o jeŋa ná bwori mo, 20o nam ná jege pɔnɔ, naa o ná ye naale, naa o yia ta ná chɔge, naa o ná jege ŋɔna naa pwooru o yera ne, naa ba ná lwe kotu manchala mo, o dae se o ke kaanem wara-vwei dem wone. 21Amo kaanem tu Aron dwi tu wolo maama yera ná jege gɛɛ, kotu ba jege chwoŋa se o kwei wodiu pɛɛra o kaane o pa o Tu Wɛ wom. Ko dae se o ke konto, o yera yam na jege gɛɛ to ŋwaane. 22Nɔɔno wom konto nam jege chwoŋa se o da o di wodiu kolo ba na mɛ ba ke kaanem ba pa Wɛ to, ko ná maŋe ko ye kolo ba na pɔɔre Wɛ ŋwaane ye ko tiini ko ye wose to mo de. 23Se o nam dae se o zo wara-vwei dem ne o twɛ gare-jale dem mo. O ta dae se o yi kaanem dakaa kam yiga. Kokuri to, o jege gɛɛ o yera yam ne. Ko ná dae konto, o wó chɔge amo wara-jei sem de se zela yalo na pɔɔre amo zula ŋwaane to. Amo mo ye Baŋa Wɛ wom. Amo ma pɔɔre wonnu tem konto se te taa ye wose amo ŋwaane.”
24Moses déem tage wonnu tem konto maama o bere Aron, de o bia bam, de Isarele tiina bam maama.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)