Chullu 13
13
Yera jaweero taane
1 Baŋa Wɛ déem ta ma ta Moses dedaane Aron o we, 2“Wolo ná maane we wo-zwanno zaŋe o yera ne, naa o yera yam ná birigi, naa ya-tora mo jege‑o, ye ko ná jigi jawe-chɛɔ kolo na lɔgese nɔɔna to, se ba ja kotu ba vo Aron naa o dwi tu na ye kaanem tu to tei. 3Kaanem tu wom maa wó nii kotu ŋɔne dem zii. Koro telo na wo de jei sem ni ne to ná peere, ye jei sem ná nye se peini gwoŋo se dwoni o yera yam mɛ na gilimi da to, ko ye jaweo kolo na lɔgese nɔɔna to mo. Kaanem tu wom ná nii o na konto, o wó pa ko nwoŋi pwooni ne we kotu wo maŋe de chullu tem kikia. 4Ŋɔne dem nam ná ye ŋɔn-pwona, ye jei sem ba nye se peini gwoŋo se ko dwoni o yera yam mɛ na gilimi-de to, ye de ni koro tem de ná wo peere, kaanem tu wom wó pa se ba pe kotu mo dáa dáa o yerane se ko yi da yarepɛ. 5Da yarepɛ dɛ dem ná yia, kaanem tu wom wó jwoori o fɔge o nii nɔɔno wom yera maama mo zii. O ná nii o na we ŋɔne dem wo leiri, ye de ta wo jage o yera jei sedwonna ne, o ta wó pa se ba pe kotu mo da yarepɛ ba woli da. 6Da yarepɛ yam konto ná ti, ye o ná jwoori o nii kotu pa se o na we ŋɔne dem wora de jia mo se de wo jage o yera yam ne, kaanem tu wom wó pa se ko nwoŋi pwooni ne we kotu maŋe dedaane chullu tem kikia, ŋɔne dem na dae jawe-chɛɔ to ŋwaane. Nɔɔno wom konto wó zare o gwaaro mo se o laam maŋe de chullu tem kikia.
7Kaanem tu wom nam ná pɛ se ko nwoŋi pwooni ne we nɔɔno maŋe de chullu tem, ye ko kwaga seeni kotu ŋɔne dem jage o yera yam maama ne, o jege se o jwoori o vo kaanem tu wom tei mo se o nii‑o. 8Kaanem tu wom wó jwoori o fɔge o nii nɔɔno wom yera yam zii. O ná maane we o ŋɔne dem seene de wora de jage mo, o wó pa se ko nwoŋi pwooni ne we nɔɔno wom wo maŋe dedaane chullu tem. Ko ye jawe-chɛɔ kolo na lɔgese nɔɔna to mo jege‑o.
9Wolo ná jege jawe-chɛɔ kolo na lɔgese nɔɔna to o yera yam ne, se ba ja kotu ba vo kaanem tu tei. 10Kaanem tu wom ná maane we ko ye wo-zɔŋɔ mo ye ko peere pa se ko ni koro tem de peere, ye mwara ná wo ko wone, 11jaweo kom ye jawe-chɛɔ kolo dwi na ba jia to mo. Kaanem tu wom wó pa se ko nwoŋi pwooni ne we kotu wo maŋe de chullu tem kikia. Ko dae se ba pe‑o ba ke dáa ne, ko na maŋe ko bere jaja we o wo maŋe de chullu tem to ŋwaane.
12Nɔɔno wolo ná jege jaweo o yera yam ne, ye ko ná jage ko yi o yera yam maama pa se kaanem tu maane ko na ye tei, ko zege o yuu ne ko tu o napera ne, 13kaanem tu wom mo wó fɔge o nii kotu yera yam maama zii, ye jaweo kom ná seene ko kwoli ya maama, o wó pa se ko nwoŋi pwooni ne we kotu maŋe de chullu tem mo. Kokuri to, o yera yam maama ná peere, ko bere we o maŋe de chullu tem mo. 14Kotu yera yam nam ná jwoori ya mage pwooru pa se mwara zo, ko bere we o wo maŋe de chullu tem. 15Kaanem tu wom ná fɔge o nii‑o zii, ye o ná nɛ pwooru o yera ne de mwara, o wó pa ko nwoŋi pwooni ne we kotu wo maŋe de chullu tem mo. Ko bere we ko seene ko ye jawe-chɛɔ kolo na lɔgese nɔɔna to mo pa se nɔɔno wom wo maŋe de chullu tem. 16O ŋɔne dem nam ná jei ye jei sem peere, kotu wó jwoori o vo kaanem tu wom tei mo. 17Kaanem tu wom de wó jwoori o fɔge o nii‑o zii. O ná maane we jei sem seene se peere, o laam wó pa se ko nwoŋi pwooni ne we nɔɔno wom laam maŋe de chullu tem kikia. Chega to, kotu seene o kwɛ o maŋe de chullu tem mo.
18Nɔɔno ná jege ŋɔn-pwona o yera ne ye ka laam ba ka jei, 19o ta ná maane we jei sem konto ne woŋo daa ŋone mo ye ko peere, naa ko ná seene, o jege se o ja o tete mo o vo kaanem tu tei o bere‑o. 20Kaanem tu wom maa wó nii kotu yera yam zii. Ŋɔne dem jei sem ná nye se tiŋi gwoŋo se dwoni o yera yam mɛ na gilimi da to, ye koro telo na wo de jei sem ni ne to ná peere, o wó pa ko nwoŋi pwooni mo we nɔɔno wom wo maŋe de chullu tem kikia. Ko bere we ko ye jawe-chɛɔ mo na bobo ŋɔn-pwona kam jei sem ne. 21Kaanem tu wom nam ná nii o na we koro tem wo peere, ye jei sem de ba nye se tiŋi gwoŋo, ye o ta ná maane we ŋɔne dem wora de jia, o wó pe kotu o yage dáa dáa o yerane mo da yarepɛ. 22Wo-zɔŋɔ kom ná jage kotu yera yam ne, kaanem tu wom wó pa se ko nwoŋi pwooni ne we kotu wo maŋe de chullu tem mo. Ko ye jaweo kolo na lɔgese nɔɔna to mo. 23Se wo-zɔŋɔ kom nam ná ba leira ye ko wo jage o yera yam ne, ko ye kalɔŋɔ mo ŋɔn-pwona kam na ke ka daare to. Kaanem tu wom wó pa ko nwoŋi pwooni ne we kotu maŋe de chullu tem kikia.
24Mini ná di wolo yera yam ye jei sem ya-nɔna yam ná peere naa ya ná ye nasoŋ-pupwiu, 25se kaanem tu nii kotu zii. Koro telo na wo ŋɔne dem ni ne to ná peere, ye jei sem de ná nye se tiŋi gwoŋo, ko bere we ko ye jawe-chɛɔ kolo na lɔgese nɔɔna to mo bobo ŋɔne dem wone konto. Kaanem tu wom wó pa se ko nwoŋi pwooni ne we kotu wo maŋe de chullu tem kikia. 26Ko daare, kaanem tu wom ná nɛ we koro telo na wora to wo peere, ye jei sem de ba nye se tiŋi gwoŋo, ye o ta ná maane we ŋɔne dem wora de jia, o wó pe kotu mo dáa ne da yarepɛ. 27Da yarepɛ dɛ dem ná yia, se kaanem tu wom jwoori o nii‑o zii. O ná maane we jaweo kom jage kotu yera yam ne, o wó pa ko nwoŋi pwooni ne we o wo maŋe de chullu tem. Kokuri, ko seene ko ye jawe-chɛɔ kolo na lɔgese nɔɔna to mo jege‑o. 28Jaweo kom nam ná wo jage ye ŋɔne dem ná lage de jei, ko bere we ko ye kulu mo zaŋe zwɛɛm dem kwaga ne. Kaanem tu wom wó pa se ko nwoŋi pwooni ne we kotu maŋe de chullu tem. Kokuri, ko ye ŋɔn-lɔŋɔ mo mini na zwɛ ko daare to.
29Baaro naa kaane wolo ná jege ŋɔne o yuu ne naa o titwoga ne, 30kaanem tu mo wó fɔge o nii-de zii. O maa ná maane we ŋɔne dem nye de tiŋi gwoŋo de dwoni o yera yam mɛ na gilimi da to, ye koro telo na wora to ná ye ko-memene ye te ke nenɛɛne su-muni dwoŋi tei, o wó pa se ko nwoŋi pwooni ne we kotu wo maŋe de chullu tem kikia. Jaweo kom konto nye de sankwɛ mo na jaane nɔɔno yuu naa o titwoga. Ko maa ye jawe-chɛɔ na wae ko lɔgese nɔɔna to. 31Kaanem tu wom nam ná nɛ we ŋɔne dem ba nye de tiŋi gwoŋo, ye koro-zwonnu de tere jei sem ne, o wó pe kotu mo o ke dáa dáa o yerane da yarepɛ. 32Da yarepɛ dɛ dem ná yia, se kaanem tu wom daa nii kotu ŋɔna yam zii. O ná nɛ we ya wo jage o yera yam ne, ye koro tem ba jege su-muni nyenyego, ye jei sem de maa ba nye se tiŋi gwoŋo, 33o wó pa se ba cheeri kotu yuu mo, se ba daare ba gigili ŋɔne dem jei ba yage. Kaanem tu wom ta wó pe kotu dáa dáa mo o yerane da yarepɛ o woli da. 34Da yarepɛ yam konto ná kɛ, kaanem tu wom daa wó fɔge o nii ŋɔne dem mo. De ta ná wo jage o yera yam ne, ye jei sem de ba moora, o laam wó pa se ko nwoŋi pwooni ne we kotu maŋe de chullu tem mo. Nɔɔno wom maa wó zare o gwaaro se o laam maŋe de chullu tem. 35Ba ná pɛ se ko nwoŋi pwooni ne we wolo maŋe de chullu tem, ye ba laam ba ba maane we o ŋɔne dem jage mo de vei yiga, 36kaanem tu wom daa wó fɔge o nii kotu yera yam mo zii. O ŋɔne dem nam ná seene de jage o yera yam ne mo, ko daa dae se o lɔre koro tem na ye tei to, se ko bere jaja we kotu wo maŋe de chullu tem mo konto. 37Se kaanem tu wom ná boŋe we ŋɔne dem maŋe de jeiga kam ne, ye koro-zwonnu jwoori te wo jei sem ne, ko bere we sankwɛ sem jei mo. O maa wó pa se ko nwoŋi pwooni ne we kotu maŋe de chullu tem.
38Baaro naa kaane wolo ná nɛ we o yera jei selo ke pwae ye ko nyeena, 39kaanem tu wó nii jei sem konto zii. Ko ná yɔɔre ko peere fee mo, ko bere we ko ye ya-tora yerane mo. Kotu maŋe de chullu tem kikia.
40-41Yu-kapworo tu maŋe de chullu tem. Wolo yuu ná fane ko tete ne, naa o kolɔgɔ seeni, kotu maŋe de chullu tem. 42Ŋɔne nam ná wo kotu yuu ne mɛ yu-ywei na tera to, ye de sena, de ye nasoŋ-pupwiu de woli da, ko bere we ko ye jawe-chɛɔ kolo na lɔgese nɔɔna to mo konto. 43Kaanem tu wom wó fɔge o nii kotu zii mo. O maa ná nɛ we ŋɔne dem seene de ye nasoŋo, nenɛɛne jaweo kolo na lɔgese nɔɔna to, 44ko bere we jawe-chɛɔ mo jege nɔɔno wom konto, pa se o wo maŋe de chullu tem. Kaanem tu wom wó pa se ko nwoŋi pwooni ne we o wo maŋe de chullu tem mo, ŋɔne delo na wo o yuu ne to ŋwaane.
45Jawe-chɛɔ ná wo wolo maama yera ne, kotu wó taa zoore gare-zenzwara mo, ye o yage o yuu se ko vugimi. O laam maa wó yeini o kwei o je o kwoli o yibia ye o tɔɔle de kwor-dɛa we, ‘Amo wo maŋe de chullu tem ywoo!’ 46Jaweo kom ná lwoori ko wo o yera ne, o ta wo maŋe de chullu tem. Kotu wó taa zoore o yerane mo dáa dáa, se o yé twɛ de abam na zoore mɛ to.
Gelangɔɔro taane na wó taa ye tei to
47-49Nɔɔno wolo ná maane we gelangɔɔro wo o gɔrɔ yera ne, kotu jege se o ja-ko mo o vo o bere kaanem tu. Gɔrɔ kom ná ye pei koro mo ba mɛ ba sɔ-ko, naa ko ye gare-fefale naa tankɔlɔ mo, ye ko ná maŋe ko ye gare-yi de, ko maama ye bedwe mo. Gelangɔɔro ná wora ye ko ná seene, naa ko jege sa-nyoa nyenyego, ko bere we ko ye kolo dwi na wae ko jage ko ke wonnu tedwonna yera ne to mo. 50Kaanem tu wom wó nii gɔrɔ kom konto zii, ye o daare o pe-ko o tiŋi dáa ne da yarepɛ. 51Da yarepɛ dɛ dem ná yia, se o jwoori o fɔge o nii gɔrɔ kom, naa woŋo kolo gelangɔɔro na wo ko yera ne to. O ná nɛ we gelangɔɔro jei sem jage mo, ko bere we ko ye jawe-chɛɔ kolo na dana to. Woŋo kom seene ko wo maŋe de chullu tem. 52Ko jege se kaanem tu wom zwɛ gɔrɔ kom mo kula, jaweo kom na wae ko lɔgese wonnu tedwonna ko chɔge to ŋwaane.
53Kaanem tu wom nam ná nii gɔrɔ kom naa tankɔlɔ kom, ye o maane we gelangɔɔro tem wo jage ko yera ne, 54o wó pa ni mo se ba zare-ko, se ba daare ba tiŋi-ko dáa ne da yarepɛ ba woli da. 55Ba ná ke konto, o daa ta wó nii-ko mo. O maa ná nɛ we gelangɔɔro kom wo jage, ye ko nyenyego kom ta wo leiri, woŋo kolo yera ne jaweo kom konto na wora to wo maŋe de chullu tem. Ko jege se ba zwɛ-ko mo. Ko ná maŋe ko biini ko yiga ne, naa ko kwaga ne de, ko maama ye bedwe mo.
56Ba nam ná zare gɔrɔ kom ba daare, ye kaanem tu wom ná nii o na we jaweo kom wora ko jia, o wó kaare ko jei sem mo o yage o daare gɔrɔ kom naa tankɔlɔ kom. 57O nam ná ke konto, ye gelangɔɔro tem ta ná jwoori ko nae gɔrɔ kom yera ne, naa tankɔlɔ kom yera ne mo, ko bere we jaweo kom lage ko jage mo. Ba jege se ba zwɛ woŋo kolo gelangɔɔro na wo ko yera ne to mo. 58Ba nam ná zare gɔrɔ kom, ye jaweo kom ná seene ko nwoŋi ko yera ne, ba ta wó jwoori ba zare-ko se ko laam maŋe de chullu tem kikia.”
59Wɛ nia yanto wora se á ta‑á yei gelangɔɔro totoŋa ni ne, nenɛɛne ko ná jege gɔrɔ naa tankɔlɔ kolo maama yera ne, se á lɔre á na wó ke tei á pɔɔre kolo na maŋe de chullu tem to de kolo na wo maŋe de-te to daane.
Currently Selected:
Chullu 13: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Chullu 13
13
Yera jaweero taane
1 Baŋa Wɛ déem ta ma ta Moses dedaane Aron o we, 2“Wolo ná maane we wo-zwanno zaŋe o yera ne, naa o yera yam ná birigi, naa ya-tora mo jege‑o, ye ko ná jigi jawe-chɛɔ kolo na lɔgese nɔɔna to, se ba ja kotu ba vo Aron naa o dwi tu na ye kaanem tu to tei. 3Kaanem tu wom maa wó nii kotu ŋɔne dem zii. Koro telo na wo de jei sem ni ne to ná peere, ye jei sem ná nye se peini gwoŋo se dwoni o yera yam mɛ na gilimi da to, ko ye jaweo kolo na lɔgese nɔɔna to mo. Kaanem tu wom ná nii o na konto, o wó pa ko nwoŋi pwooni ne we kotu wo maŋe de chullu tem kikia. 4Ŋɔne dem nam ná ye ŋɔn-pwona, ye jei sem ba nye se peini gwoŋo se ko dwoni o yera yam mɛ na gilimi-de to, ye de ni koro tem de ná wo peere, kaanem tu wom wó pa se ba pe kotu mo dáa dáa o yerane se ko yi da yarepɛ. 5Da yarepɛ dɛ dem ná yia, kaanem tu wom wó jwoori o fɔge o nii nɔɔno wom yera maama mo zii. O ná nii o na we ŋɔne dem wo leiri, ye de ta wo jage o yera jei sedwonna ne, o ta wó pa se ba pe kotu mo da yarepɛ ba woli da. 6Da yarepɛ yam konto ná ti, ye o ná jwoori o nii kotu pa se o na we ŋɔne dem wora de jia mo se de wo jage o yera yam ne, kaanem tu wom wó pa se ko nwoŋi pwooni ne we kotu maŋe dedaane chullu tem kikia, ŋɔne dem na dae jawe-chɛɔ to ŋwaane. Nɔɔno wom konto wó zare o gwaaro mo se o laam maŋe de chullu tem kikia.
7Kaanem tu wom nam ná pɛ se ko nwoŋi pwooni ne we nɔɔno maŋe de chullu tem, ye ko kwaga seeni kotu ŋɔne dem jage o yera yam maama ne, o jege se o jwoori o vo kaanem tu wom tei mo se o nii‑o. 8Kaanem tu wom wó jwoori o fɔge o nii nɔɔno wom yera yam zii. O ná maane we o ŋɔne dem seene de wora de jage mo, o wó pa se ko nwoŋi pwooni ne we nɔɔno wom wo maŋe dedaane chullu tem. Ko ye jawe-chɛɔ kolo na lɔgese nɔɔna to mo jege‑o.
9Wolo ná jege jawe-chɛɔ kolo na lɔgese nɔɔna to o yera yam ne, se ba ja kotu ba vo kaanem tu tei. 10Kaanem tu wom ná maane we ko ye wo-zɔŋɔ mo ye ko peere pa se ko ni koro tem de peere, ye mwara ná wo ko wone, 11jaweo kom ye jawe-chɛɔ kolo dwi na ba jia to mo. Kaanem tu wom wó pa se ko nwoŋi pwooni ne we kotu wo maŋe de chullu tem kikia. Ko dae se ba pe‑o ba ke dáa ne, ko na maŋe ko bere jaja we o wo maŋe de chullu tem to ŋwaane.
12Nɔɔno wolo ná jege jaweo o yera yam ne, ye ko ná jage ko yi o yera yam maama pa se kaanem tu maane ko na ye tei, ko zege o yuu ne ko tu o napera ne, 13kaanem tu wom mo wó fɔge o nii kotu yera yam maama zii, ye jaweo kom ná seene ko kwoli ya maama, o wó pa se ko nwoŋi pwooni ne we kotu maŋe de chullu tem mo. Kokuri to, o yera yam maama ná peere, ko bere we o maŋe de chullu tem mo. 14Kotu yera yam nam ná jwoori ya mage pwooru pa se mwara zo, ko bere we o wo maŋe de chullu tem. 15Kaanem tu wom ná fɔge o nii‑o zii, ye o ná nɛ pwooru o yera ne de mwara, o wó pa ko nwoŋi pwooni ne we kotu wo maŋe de chullu tem mo. Ko bere we ko seene ko ye jawe-chɛɔ kolo na lɔgese nɔɔna to mo pa se nɔɔno wom wo maŋe de chullu tem. 16O ŋɔne dem nam ná jei ye jei sem peere, kotu wó jwoori o vo kaanem tu wom tei mo. 17Kaanem tu wom de wó jwoori o fɔge o nii‑o zii. O ná maane we jei sem seene se peere, o laam wó pa se ko nwoŋi pwooni ne we nɔɔno wom laam maŋe de chullu tem kikia. Chega to, kotu seene o kwɛ o maŋe de chullu tem mo.
18Nɔɔno ná jege ŋɔn-pwona o yera ne ye ka laam ba ka jei, 19o ta ná maane we jei sem konto ne woŋo daa ŋone mo ye ko peere, naa ko ná seene, o jege se o ja o tete mo o vo kaanem tu tei o bere‑o. 20Kaanem tu wom maa wó nii kotu yera yam zii. Ŋɔne dem jei sem ná nye se tiŋi gwoŋo se dwoni o yera yam mɛ na gilimi da to, ye koro telo na wo de jei sem ni ne to ná peere, o wó pa ko nwoŋi pwooni mo we nɔɔno wom wo maŋe de chullu tem kikia. Ko bere we ko ye jawe-chɛɔ mo na bobo ŋɔn-pwona kam jei sem ne. 21Kaanem tu wom nam ná nii o na we koro tem wo peere, ye jei sem de ba nye se tiŋi gwoŋo, ye o ta ná maane we ŋɔne dem wora de jia, o wó pe kotu o yage dáa dáa o yerane mo da yarepɛ. 22Wo-zɔŋɔ kom ná jage kotu yera yam ne, kaanem tu wom wó pa se ko nwoŋi pwooni ne we kotu wo maŋe de chullu tem mo. Ko ye jaweo kolo na lɔgese nɔɔna to mo. 23Se wo-zɔŋɔ kom nam ná ba leira ye ko wo jage o yera yam ne, ko ye kalɔŋɔ mo ŋɔn-pwona kam na ke ka daare to. Kaanem tu wom wó pa ko nwoŋi pwooni ne we kotu maŋe de chullu tem kikia.
24Mini ná di wolo yera yam ye jei sem ya-nɔna yam ná peere naa ya ná ye nasoŋ-pupwiu, 25se kaanem tu nii kotu zii. Koro telo na wo ŋɔne dem ni ne to ná peere, ye jei sem de ná nye se tiŋi gwoŋo, ko bere we ko ye jawe-chɛɔ kolo na lɔgese nɔɔna to mo bobo ŋɔne dem wone konto. Kaanem tu wom wó pa se ko nwoŋi pwooni ne we kotu wo maŋe de chullu tem kikia. 26Ko daare, kaanem tu wom ná nɛ we koro telo na wora to wo peere, ye jei sem de ba nye se tiŋi gwoŋo, ye o ta ná maane we ŋɔne dem wora de jia, o wó pe kotu mo dáa ne da yarepɛ. 27Da yarepɛ dɛ dem ná yia, se kaanem tu wom jwoori o nii‑o zii. O ná maane we jaweo kom jage kotu yera yam ne, o wó pa ko nwoŋi pwooni ne we o wo maŋe de chullu tem. Kokuri, ko seene ko ye jawe-chɛɔ kolo na lɔgese nɔɔna to mo jege‑o. 28Jaweo kom nam ná wo jage ye ŋɔne dem ná lage de jei, ko bere we ko ye kulu mo zaŋe zwɛɛm dem kwaga ne. Kaanem tu wom wó pa se ko nwoŋi pwooni ne we kotu maŋe de chullu tem. Kokuri, ko ye ŋɔn-lɔŋɔ mo mini na zwɛ ko daare to.
29Baaro naa kaane wolo ná jege ŋɔne o yuu ne naa o titwoga ne, 30kaanem tu mo wó fɔge o nii-de zii. O maa ná maane we ŋɔne dem nye de tiŋi gwoŋo de dwoni o yera yam mɛ na gilimi da to, ye koro telo na wora to ná ye ko-memene ye te ke nenɛɛne su-muni dwoŋi tei, o wó pa se ko nwoŋi pwooni ne we kotu wo maŋe de chullu tem kikia. Jaweo kom konto nye de sankwɛ mo na jaane nɔɔno yuu naa o titwoga. Ko maa ye jawe-chɛɔ na wae ko lɔgese nɔɔna to. 31Kaanem tu wom nam ná nɛ we ŋɔne dem ba nye de tiŋi gwoŋo, ye koro-zwonnu de tere jei sem ne, o wó pe kotu mo o ke dáa dáa o yerane da yarepɛ. 32Da yarepɛ dɛ dem ná yia, se kaanem tu wom daa nii kotu ŋɔna yam zii. O ná nɛ we ya wo jage o yera yam ne, ye koro tem ba jege su-muni nyenyego, ye jei sem de maa ba nye se tiŋi gwoŋo, 33o wó pa se ba cheeri kotu yuu mo, se ba daare ba gigili ŋɔne dem jei ba yage. Kaanem tu wom ta wó pe kotu dáa dáa mo o yerane da yarepɛ o woli da. 34Da yarepɛ yam konto ná kɛ, kaanem tu wom daa wó fɔge o nii ŋɔne dem mo. De ta ná wo jage o yera yam ne, ye jei sem de ba moora, o laam wó pa se ko nwoŋi pwooni ne we kotu maŋe de chullu tem mo. Nɔɔno wom maa wó zare o gwaaro se o laam maŋe de chullu tem. 35Ba ná pɛ se ko nwoŋi pwooni ne we wolo maŋe de chullu tem, ye ba laam ba ba maane we o ŋɔne dem jage mo de vei yiga, 36kaanem tu wom daa wó fɔge o nii kotu yera yam mo zii. O ŋɔne dem nam ná seene de jage o yera yam ne mo, ko daa dae se o lɔre koro tem na ye tei to, se ko bere jaja we kotu wo maŋe de chullu tem mo konto. 37Se kaanem tu wom ná boŋe we ŋɔne dem maŋe de jeiga kam ne, ye koro-zwonnu jwoori te wo jei sem ne, ko bere we sankwɛ sem jei mo. O maa wó pa se ko nwoŋi pwooni ne we kotu maŋe de chullu tem.
38Baaro naa kaane wolo ná nɛ we o yera jei selo ke pwae ye ko nyeena, 39kaanem tu wó nii jei sem konto zii. Ko ná yɔɔre ko peere fee mo, ko bere we ko ye ya-tora yerane mo. Kotu maŋe de chullu tem kikia.
40-41Yu-kapworo tu maŋe de chullu tem. Wolo yuu ná fane ko tete ne, naa o kolɔgɔ seeni, kotu maŋe de chullu tem. 42Ŋɔne nam ná wo kotu yuu ne mɛ yu-ywei na tera to, ye de sena, de ye nasoŋ-pupwiu de woli da, ko bere we ko ye jawe-chɛɔ kolo na lɔgese nɔɔna to mo konto. 43Kaanem tu wom wó fɔge o nii kotu zii mo. O maa ná nɛ we ŋɔne dem seene de ye nasoŋo, nenɛɛne jaweo kolo na lɔgese nɔɔna to, 44ko bere we jawe-chɛɔ mo jege nɔɔno wom konto, pa se o wo maŋe de chullu tem. Kaanem tu wom wó pa se ko nwoŋi pwooni ne we o wo maŋe de chullu tem mo, ŋɔne delo na wo o yuu ne to ŋwaane.
45Jawe-chɛɔ ná wo wolo maama yera ne, kotu wó taa zoore gare-zenzwara mo, ye o yage o yuu se ko vugimi. O laam maa wó yeini o kwei o je o kwoli o yibia ye o tɔɔle de kwor-dɛa we, ‘Amo wo maŋe de chullu tem ywoo!’ 46Jaweo kom ná lwoori ko wo o yera ne, o ta wo maŋe de chullu tem. Kotu wó taa zoore o yerane mo dáa dáa, se o yé twɛ de abam na zoore mɛ to.
Gelangɔɔro taane na wó taa ye tei to
47-49Nɔɔno wolo ná maane we gelangɔɔro wo o gɔrɔ yera ne, kotu jege se o ja-ko mo o vo o bere kaanem tu. Gɔrɔ kom ná ye pei koro mo ba mɛ ba sɔ-ko, naa ko ye gare-fefale naa tankɔlɔ mo, ye ko ná maŋe ko ye gare-yi de, ko maama ye bedwe mo. Gelangɔɔro ná wora ye ko ná seene, naa ko jege sa-nyoa nyenyego, ko bere we ko ye kolo dwi na wae ko jage ko ke wonnu tedwonna yera ne to mo. 50Kaanem tu wom wó nii gɔrɔ kom konto zii, ye o daare o pe-ko o tiŋi dáa ne da yarepɛ. 51Da yarepɛ dɛ dem ná yia, se o jwoori o fɔge o nii gɔrɔ kom, naa woŋo kolo gelangɔɔro na wo ko yera ne to. O ná nɛ we gelangɔɔro jei sem jage mo, ko bere we ko ye jawe-chɛɔ kolo na dana to. Woŋo kom seene ko wo maŋe de chullu tem. 52Ko jege se kaanem tu wom zwɛ gɔrɔ kom mo kula, jaweo kom na wae ko lɔgese wonnu tedwonna ko chɔge to ŋwaane.
53Kaanem tu wom nam ná nii gɔrɔ kom naa tankɔlɔ kom, ye o maane we gelangɔɔro tem wo jage ko yera ne, 54o wó pa ni mo se ba zare-ko, se ba daare ba tiŋi-ko dáa ne da yarepɛ ba woli da. 55Ba ná ke konto, o daa ta wó nii-ko mo. O maa ná nɛ we gelangɔɔro kom wo jage, ye ko nyenyego kom ta wo leiri, woŋo kolo yera ne jaweo kom konto na wora to wo maŋe de chullu tem. Ko jege se ba zwɛ-ko mo. Ko ná maŋe ko biini ko yiga ne, naa ko kwaga ne de, ko maama ye bedwe mo.
56Ba nam ná zare gɔrɔ kom ba daare, ye kaanem tu wom ná nii o na we jaweo kom wora ko jia, o wó kaare ko jei sem mo o yage o daare gɔrɔ kom naa tankɔlɔ kom. 57O nam ná ke konto, ye gelangɔɔro tem ta ná jwoori ko nae gɔrɔ kom yera ne, naa tankɔlɔ kom yera ne mo, ko bere we jaweo kom lage ko jage mo. Ba jege se ba zwɛ woŋo kolo gelangɔɔro na wo ko yera ne to mo. 58Ba nam ná zare gɔrɔ kom, ye jaweo kom ná seene ko nwoŋi ko yera ne, ba ta wó jwoori ba zare-ko se ko laam maŋe de chullu tem kikia.”
59Wɛ nia yanto wora se á ta‑á yei gelangɔɔro totoŋa ni ne, nenɛɛne ko ná jege gɔrɔ naa tankɔlɔ kolo maama yera ne, se á lɔre á na wó ke tei á pɔɔre kolo na maŋe de chullu tem to de kolo na wo maŋe de-te to daane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)