Josua 3
3
Ba na bɛ Jɔdan buga kam tei to
1Ba déem ma maŋe dáane ba peini ye tega poore. Josua dedaane Isarele tiina bam maama ma gwoni tega ba zaŋe Sitim ne ba vo ba yi Jɔdan buga kam. Ba ma tei ba vwoa ye ba laam cheigi maŋa kalo ba na wó bɛ buga kam to. 2Ba déem na ke da yatɔ jei sem konto ne to, mo Isarele dedɛɛra bam tole nɔɔna bam peiga jei ne, 3ye ba tɛ ba we, “Abam ná yɔɔre á na we, Levi dwi dem na ye kaanem tiina to zeŋe Wɛ ni-gwonim dakaa kam, se á nwoŋi á peiga jei sem á pɛ ba kwaga á pu. 4Abam ta na wo tɔge chwoŋa kanto to, Wɛ ni-gwonim dakaa kam mo wó bere abam chwoŋa. Nam ta‑á yei á tete se á yé tiini á yi ka yera. Ta‑á ye dáa dáa se ko maŋe de naba-laara moro laŋa.”
5Josua laam ma ta de nɔɔna bam o we, “Kwɛ-na á tete, se ko maŋe de Wɛ na lage tei to, kokuri Baŋa Wɛ jwa lage o ke wo-kenkagela mo á tetare ne.”
6Josua ta ma ta de kaanem tiina bam o we, “Kwei-na ni-gwonim dakaa kam á zeŋe, se á tɔge dé maama yiga se dé bɛ Jɔdan buga kam.” Ba de ma kwei-ka ba to nɔɔna bam yiga ne.
7Dento dɛ dem ne mo Baŋa Wɛ tage de Josua o we, “Ko zege zem se ko taa via, a lage a pa se nmo ji nɔn-yuu mo Isarele tiina maama wone. Leile konto mo ba lage ba lɔre we, amo wo nmo de tei ne, nenɛɛne a déem na wora de Moses tei to. 8Nam ta de kaanem tiina balo na zeŋe amo ni-gwonim dakaa kam to se ba ná yi buga kam ni dem se ba zo na bam wone. Ba laam maa wó vo fee ba maŋe da ba zege.”
9Josua de ma ta dedaane nɔɔna bam maama o we, “Ba-na ywo-seeni se á cheigi abam Tu Baŋa Wɛ wom na jege kolo se o ta de abam to. 10Abam zem wó lɔre we, Wɛ wolo na jege ŋwea to wora de abam. Wonto mo lage o zeili Kanaan tiina bam, de Hiti tiina bam, de Hivi tiina bam, de Pɛrizi tiina bam, de Giragasi tiina bam, de Amori tiina bam, dedaane Jebusi tiina bam maama se ba nwoŋi ba daare tega kam ba pa abam. 11Nii-na mo! Baŋa Wɛ mo tei logo baŋa maama, ye wonto ni-gwonim dakaa kam lage ka da abam yiga ka bɛ Jɔdan buga kam. 12Abam nam jege se á nii Isarele dwia fuga-yalei yam wone mo á le nɔɔno dedoa dedoa dwi maama wone. 13Dakaa kanto ye Baŋa Wɛ wolo na tei logo baŋa maama to nyem mo. Kaanem tiina balo na zeŋe-ka to maa ná nɔne ba nɛ Jɔdan buga kam wone, na balo na duri ba tui to wó kɔ, ye ba tigisi daane nenɛɛne kabira dwoŋi.”
14Isarele tiina bam ma zaŋe ba gɔ ba vwoa yam, ye ba laam vei ba maa kɛa se ba bɛ buga kam. Kaanem tiina bam de ma zeŋe ni-gwonim dakaa kam ba tɔge ba yiga. 15Bene maama wone, ko ná yeini ko yi wodiiru zagem maŋa, Jɔdan buga kam yeini ka su mo ka wɛɛle ka nia yam maama ne. De konto maama de, kaanem tiina balo na zeŋe ni-gwonim dakaa kam to na yɔɔre ba nɔne ba nɛ buga kam wone to, 16mo na-dura bam na tole ba maa tu to koga. Ko na yɔɔre ko maŋe de teo kolo yere na ye Adama to, mo na bam bobo se ba tigisi daane nenɛɛne kabira dwoŋi to. Teo kom konto déem ye yiga yiga mo ye ko bwola dedaane Zarefan. Na déem daa ba duri se ba zo Araba naneo kom wone. (Yɛ naneo kom mo konto.)#3:16 Yɛ naneo kom = The Dead Sea Buga na bam ma we pa se nɔɔna bam na pwola ba bɛ Jɔdan buga kam. Jei sem déem nam bwola dedaane Jeriko mo.#Lei 114:3, 5 17Kaanem tiina bam na zeŋe dakaa kam to de yɔɔre ba zege buga kam tetare ne mo. Ba maa zege te-kora baŋa ne taa, se ko taa nii maŋa kalo Isarele kɔgɔ kom maama na bɛ ba ti to.#Nwoŋim 14:22
Currently Selected:
Josua 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Josua 3
3
Ba na bɛ Jɔdan buga kam tei to
1Ba déem ma maŋe dáane ba peini ye tega poore. Josua dedaane Isarele tiina bam maama ma gwoni tega ba zaŋe Sitim ne ba vo ba yi Jɔdan buga kam. Ba ma tei ba vwoa ye ba laam cheigi maŋa kalo ba na wó bɛ buga kam to. 2Ba déem na ke da yatɔ jei sem konto ne to, mo Isarele dedɛɛra bam tole nɔɔna bam peiga jei ne, 3ye ba tɛ ba we, “Abam ná yɔɔre á na we, Levi dwi dem na ye kaanem tiina to zeŋe Wɛ ni-gwonim dakaa kam, se á nwoŋi á peiga jei sem á pɛ ba kwaga á pu. 4Abam ta na wo tɔge chwoŋa kanto to, Wɛ ni-gwonim dakaa kam mo wó bere abam chwoŋa. Nam ta‑á yei á tete se á yé tiini á yi ka yera. Ta‑á ye dáa dáa se ko maŋe de naba-laara moro laŋa.”
5Josua laam ma ta de nɔɔna bam o we, “Kwɛ-na á tete, se ko maŋe de Wɛ na lage tei to, kokuri Baŋa Wɛ jwa lage o ke wo-kenkagela mo á tetare ne.”
6Josua ta ma ta de kaanem tiina bam o we, “Kwei-na ni-gwonim dakaa kam á zeŋe, se á tɔge dé maama yiga se dé bɛ Jɔdan buga kam.” Ba de ma kwei-ka ba to nɔɔna bam yiga ne.
7Dento dɛ dem ne mo Baŋa Wɛ tage de Josua o we, “Ko zege zem se ko taa via, a lage a pa se nmo ji nɔn-yuu mo Isarele tiina maama wone. Leile konto mo ba lage ba lɔre we, amo wo nmo de tei ne, nenɛɛne a déem na wora de Moses tei to. 8Nam ta de kaanem tiina balo na zeŋe amo ni-gwonim dakaa kam to se ba ná yi buga kam ni dem se ba zo na bam wone. Ba laam maa wó vo fee ba maŋe da ba zege.”
9Josua de ma ta dedaane nɔɔna bam maama o we, “Ba-na ywo-seeni se á cheigi abam Tu Baŋa Wɛ wom na jege kolo se o ta de abam to. 10Abam zem wó lɔre we, Wɛ wolo na jege ŋwea to wora de abam. Wonto mo lage o zeili Kanaan tiina bam, de Hiti tiina bam, de Hivi tiina bam, de Pɛrizi tiina bam, de Giragasi tiina bam, de Amori tiina bam, dedaane Jebusi tiina bam maama se ba nwoŋi ba daare tega kam ba pa abam. 11Nii-na mo! Baŋa Wɛ mo tei logo baŋa maama, ye wonto ni-gwonim dakaa kam lage ka da abam yiga ka bɛ Jɔdan buga kam. 12Abam nam jege se á nii Isarele dwia fuga-yalei yam wone mo á le nɔɔno dedoa dedoa dwi maama wone. 13Dakaa kanto ye Baŋa Wɛ wolo na tei logo baŋa maama to nyem mo. Kaanem tiina balo na zeŋe-ka to maa ná nɔne ba nɛ Jɔdan buga kam wone, na balo na duri ba tui to wó kɔ, ye ba tigisi daane nenɛɛne kabira dwoŋi.”
14Isarele tiina bam ma zaŋe ba gɔ ba vwoa yam, ye ba laam vei ba maa kɛa se ba bɛ buga kam. Kaanem tiina bam de ma zeŋe ni-gwonim dakaa kam ba tɔge ba yiga. 15Bene maama wone, ko ná yeini ko yi wodiiru zagem maŋa, Jɔdan buga kam yeini ka su mo ka wɛɛle ka nia yam maama ne. De konto maama de, kaanem tiina balo na zeŋe ni-gwonim dakaa kam to na yɔɔre ba nɔne ba nɛ buga kam wone to, 16mo na-dura bam na tole ba maa tu to koga. Ko na yɔɔre ko maŋe de teo kolo yere na ye Adama to, mo na bam bobo se ba tigisi daane nenɛɛne kabira dwoŋi to. Teo kom konto déem ye yiga yiga mo ye ko bwola dedaane Zarefan. Na déem daa ba duri se ba zo Araba naneo kom wone. (Yɛ naneo kom mo konto.)#3:16 Yɛ naneo kom = The Dead Sea Buga na bam ma we pa se nɔɔna bam na pwola ba bɛ Jɔdan buga kam. Jei sem déem nam bwola dedaane Jeriko mo.#Lei 114:3, 5 17Kaanem tiina bam na zeŋe dakaa kam to de yɔɔre ba zege buga kam tetare ne mo. Ba maa zege te-kora baŋa ne taa, se ko taa nii maŋa kalo Isarele kɔgɔ kom maama na bɛ ba ti to.#Nwoŋim 14:22
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)