Josua 2
2
Rahaba woli Isarele tiina badwonna
1Isarele tiina bam déem maŋe Sitim ne mo ba tei ba vwoa. Ba na wora to mo Josua le nɔɔna balei o toŋe-ba ye o we, “Véi-na á ŋɔ á nii Kanaan tega kam maama, ko fɔge ko dae Jeriko teo kom.” Nɔɔna bam ma seene ba vo ba yi teo kom. Ba ma zo ka-bworo dedoa sɔŋɔ ba peini. Kaane wom yere mo Rahaba.
2Jeriko teo Pɛ wom ma ni soswea we, “Isarele tiina badwonna mo tu debam teo tete dento, se ba ŋɔ-ko ba nii.” 3Pɛ wom ma pa kwora se ba ta de Rahaba we, “Pa se dé jeŋa zo nɔɔna balo na tua ba zo nmo sɔŋɔ kom ne to, bɛŋwaane ba boŋe se ba ŋɔ dé teo kom mo ba nii se ba di dam debam baŋa ne.”
4Rahaba déem nam ya seigi nɔɔna bam mo. O ma jwoori o leiri Pɛ wom kwora kam o we, “Nɔɔna seene ba ba ywo-seeni, amo nam yeiri ba na nwoŋi mɛ to. 5Wɛ ya na jege de zoore ye ko maŋe se ba pe teo kom bworru tem maŋa kalo to, mo ba nwoŋi amo sɔŋɔ ne ba maa viira. Amo nam daa wo lɔre ba na kwei chwoŋa kalo to. Dɛ delo á ná ke lela ye á pɛ ba kwaga á pu, á wó ja-ba chwoŋa ne.” 6O déem nam ya jaane-ba mo o di o sɔŋɔ kom nayuu, ye o kwei-ba o seigi pupwonnu kuri ne. 7Pɛ wom nɔɔna bam ma tɔge chwoŋa kalo na vei jei selo ba na yeini ba tɔge da ba bɛ Jɔdan buga kam to. Ba na yɔɔre ba nwoŋi teo kom wone se ba pare-ba to, mo ba pe ko ni dem.
8Tete dem konto ne Rahaba déem daa ma jwoori o di nɔɔna bam tei, ye ba ta ba dɔa. 9O ma ta de-ba o we, “Amo yei we Baŋa Wɛ kwei tega kanto mo o pa abam. Debam maama yera sae mo abam ŋwaane, ye nɔɔna maama ywo-seeni tiini ba fona de abam.#Nwoŋim 23:27 10Debam maŋe dé ni we á déem na maa nwoŋi Ejipti ne to, Baŋa Wɛ pɛ se Nane-soŋo kom pwɛ mo ye abam nɔne te-kora baŋa ne á kɛ. Dé ta yei abam na ke tei ye á yɔɔre á go Sihon de Oga to. Banto mo ye Amori tiina pwa balei bam na zoore Jɔdan buga kam wɛ-puli seeni to. 11Nii-na mo! Debam na nigi wonnu tento maama to, mo dé baare maama jei, ye nɔɔn-nɔɔno daa ba jege dam se o jeeri abam de jara. Chega to, abam Tu Baŋa Wɛ wom ye Wɛ-kamunu mo, ye o tei wɛyuu dedaane tega baŋa maama. 12Konto ŋwaane, kwei-na Baŋa Wɛ yere dem á ma á pwooli de amo we, abam wó ke amo diga tiina bam lanyerane, nenɛɛne amo de na ke abam lanyerane tei to. Ta bere-ne-na memaŋe se a ma a lɔre we, 13abam bá sɛ se á nɔɔna bam chɔge amo, de a kwo, de a nu, de a nabwa, de a chorro maama, de ba de kwaga kam, se ba yé ga ba ŋwea.”
14Nɔɔna bam de ma leiri‑o ba we, “Nmo ná lwoori n wo pɛ debam keim dento nwoŋi pwooni, debam de pwooli we, Baŋa Wɛ ná kwei jei sento o pa debam, dé wó ke‑m lanyerane. Wɛ wó le dé ŋwea nenɛɛne dé ná ve se dé ke dé na tage tei de nmo to.”#Josua 6:23; Hiburu 11:31
15Rahaba sɔŋɔ kom déem ya lɔge teo kom kabira yera ne mo. O ma lei ŋona pa se ka tɔge takworo ni ne se nɔɔna bam dɔɔle-ka ba tu tega. 16O ya maŋe o ta de-ba o we, “Mage-na á yum zwonnu laŋa kam seeni, se balo na pare abam to yé na abam. Maŋe-na da á seigi da yatɔ, se ba ná jwoori ywo-seeni, se á laam viiri.”
17Nɔɔna bam ma ta ba we, “Dé wó nii se kampwola kalo n na pɛ debam pwooli to seene ka toŋe. 18Dé nam ná tu se dé jeeri teo kom de jara, se nmo yage ŋon-naseŋa kanto se ka taa leigi n takworo kom ni ne. Nmo ma‑n wó ja n kwo, de n nu, de n nabwa, de n chorro tem maama n ba ywo-seeni se ba taa wo nmo sɔŋɔ kom wone. 19Nmo yera nɔɔna bam wolo ná nwoŋi nmo sɔŋɔ kom wone o kare teo kom ne o beera ye o te, ko bá taa ye debam yiga. Ko daare dé pwooli we wolo maama ná wo nmo sɔŋɔ wone, ye o ná tega, se lɛɛro taa tɔge debam. 20Nam ta lɔre we, n ná pɛ se dé boboŋe dento nwoŋi pwooni, kampwola kanto dé na pwooli de nmo to daa bá ja debam.”
21Kaane wom ma sɛ ye o leiri-ba o we, “Dé nam jeini abam ni dem kwaga ne.” O ma bane-ba o yage chwoŋa ne, ye o daare o lei ŋon-naseŋa kam takworo kom ni ne o yage da.
22Baara bam ma duri ba vo ba seigi zwonnu laŋa kam seeni. Pɛ wom nɔɔna bam ma pare-ba ba pwoli. Ba maa na nii chwei sem maama ye ba ga ba ŋwa to, mo ba jwoori Jeriko teo kom wone. 23Nɔɔna balei bam ma zege zwonnu tem seeni ba tu tega. Ba laam ma bɛ Jɔdan buga kam, ye ba jwoori ba vo Josua tei. Ba ma ta kolo maama na ke to ba bere‑o. 24Ba ma ta‑o ba we, “Chega to, Baŋa Wɛ maŋe o kwei tega kam mo o pa debam. Jei sem konto nɔɔna bam maama tiini ba fom mo debam ŋwaane, ye ba yera sae vare-vare.”#Nia Gulim 2:25
Currently Selected:
Josua 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Josua 2
2
Rahaba woli Isarele tiina badwonna
1Isarele tiina bam déem maŋe Sitim ne mo ba tei ba vwoa. Ba na wora to mo Josua le nɔɔna balei o toŋe-ba ye o we, “Véi-na á ŋɔ á nii Kanaan tega kam maama, ko fɔge ko dae Jeriko teo kom.” Nɔɔna bam ma seene ba vo ba yi teo kom. Ba ma zo ka-bworo dedoa sɔŋɔ ba peini. Kaane wom yere mo Rahaba.
2Jeriko teo Pɛ wom ma ni soswea we, “Isarele tiina badwonna mo tu debam teo tete dento, se ba ŋɔ-ko ba nii.” 3Pɛ wom ma pa kwora se ba ta de Rahaba we, “Pa se dé jeŋa zo nɔɔna balo na tua ba zo nmo sɔŋɔ kom ne to, bɛŋwaane ba boŋe se ba ŋɔ dé teo kom mo ba nii se ba di dam debam baŋa ne.”
4Rahaba déem nam ya seigi nɔɔna bam mo. O ma jwoori o leiri Pɛ wom kwora kam o we, “Nɔɔna seene ba ba ywo-seeni, amo nam yeiri ba na nwoŋi mɛ to. 5Wɛ ya na jege de zoore ye ko maŋe se ba pe teo kom bworru tem maŋa kalo to, mo ba nwoŋi amo sɔŋɔ ne ba maa viira. Amo nam daa wo lɔre ba na kwei chwoŋa kalo to. Dɛ delo á ná ke lela ye á pɛ ba kwaga á pu, á wó ja-ba chwoŋa ne.” 6O déem nam ya jaane-ba mo o di o sɔŋɔ kom nayuu, ye o kwei-ba o seigi pupwonnu kuri ne. 7Pɛ wom nɔɔna bam ma tɔge chwoŋa kalo na vei jei selo ba na yeini ba tɔge da ba bɛ Jɔdan buga kam to. Ba na yɔɔre ba nwoŋi teo kom wone se ba pare-ba to, mo ba pe ko ni dem.
8Tete dem konto ne Rahaba déem daa ma jwoori o di nɔɔna bam tei, ye ba ta ba dɔa. 9O ma ta de-ba o we, “Amo yei we Baŋa Wɛ kwei tega kanto mo o pa abam. Debam maama yera sae mo abam ŋwaane, ye nɔɔna maama ywo-seeni tiini ba fona de abam.#Nwoŋim 23:27 10Debam maŋe dé ni we á déem na maa nwoŋi Ejipti ne to, Baŋa Wɛ pɛ se Nane-soŋo kom pwɛ mo ye abam nɔne te-kora baŋa ne á kɛ. Dé ta yei abam na ke tei ye á yɔɔre á go Sihon de Oga to. Banto mo ye Amori tiina pwa balei bam na zoore Jɔdan buga kam wɛ-puli seeni to. 11Nii-na mo! Debam na nigi wonnu tento maama to, mo dé baare maama jei, ye nɔɔn-nɔɔno daa ba jege dam se o jeeri abam de jara. Chega to, abam Tu Baŋa Wɛ wom ye Wɛ-kamunu mo, ye o tei wɛyuu dedaane tega baŋa maama. 12Konto ŋwaane, kwei-na Baŋa Wɛ yere dem á ma á pwooli de amo we, abam wó ke amo diga tiina bam lanyerane, nenɛɛne amo de na ke abam lanyerane tei to. Ta bere-ne-na memaŋe se a ma a lɔre we, 13abam bá sɛ se á nɔɔna bam chɔge amo, de a kwo, de a nu, de a nabwa, de a chorro maama, de ba de kwaga kam, se ba yé ga ba ŋwea.”
14Nɔɔna bam de ma leiri‑o ba we, “Nmo ná lwoori n wo pɛ debam keim dento nwoŋi pwooni, debam de pwooli we, Baŋa Wɛ ná kwei jei sento o pa debam, dé wó ke‑m lanyerane. Wɛ wó le dé ŋwea nenɛɛne dé ná ve se dé ke dé na tage tei de nmo to.”#Josua 6:23; Hiburu 11:31
15Rahaba sɔŋɔ kom déem ya lɔge teo kom kabira yera ne mo. O ma lei ŋona pa se ka tɔge takworo ni ne se nɔɔna bam dɔɔle-ka ba tu tega. 16O ya maŋe o ta de-ba o we, “Mage-na á yum zwonnu laŋa kam seeni, se balo na pare abam to yé na abam. Maŋe-na da á seigi da yatɔ, se ba ná jwoori ywo-seeni, se á laam viiri.”
17Nɔɔna bam ma ta ba we, “Dé wó nii se kampwola kalo n na pɛ debam pwooli to seene ka toŋe. 18Dé nam ná tu se dé jeeri teo kom de jara, se nmo yage ŋon-naseŋa kanto se ka taa leigi n takworo kom ni ne. Nmo ma‑n wó ja n kwo, de n nu, de n nabwa, de n chorro tem maama n ba ywo-seeni se ba taa wo nmo sɔŋɔ kom wone. 19Nmo yera nɔɔna bam wolo ná nwoŋi nmo sɔŋɔ kom wone o kare teo kom ne o beera ye o te, ko bá taa ye debam yiga. Ko daare dé pwooli we wolo maama ná wo nmo sɔŋɔ wone, ye o ná tega, se lɛɛro taa tɔge debam. 20Nam ta lɔre we, n ná pɛ se dé boboŋe dento nwoŋi pwooni, kampwola kanto dé na pwooli de nmo to daa bá ja debam.”
21Kaane wom ma sɛ ye o leiri-ba o we, “Dé nam jeini abam ni dem kwaga ne.” O ma bane-ba o yage chwoŋa ne, ye o daare o lei ŋon-naseŋa kam takworo kom ni ne o yage da.
22Baara bam ma duri ba vo ba seigi zwonnu laŋa kam seeni. Pɛ wom nɔɔna bam ma pare-ba ba pwoli. Ba maa na nii chwei sem maama ye ba ga ba ŋwa to, mo ba jwoori Jeriko teo kom wone. 23Nɔɔna balei bam ma zege zwonnu tem seeni ba tu tega. Ba laam ma bɛ Jɔdan buga kam, ye ba jwoori ba vo Josua tei. Ba ma ta kolo maama na ke to ba bere‑o. 24Ba ma ta‑o ba we, “Chega to, Baŋa Wɛ maŋe o kwei tega kam mo o pa debam. Jei sem konto nɔɔna bam maama tiini ba fom mo debam ŋwaane, ye ba yera sae vare-vare.”#Nia Gulim 2:25
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)