Nwoŋim 35
35
Siu dɛ chullu
1Moses ma bwoŋi Isarele tiina kɔgɔ kom maama ye o ta de-ba o we, “Baŋa Wɛ na tage se á ke tei to mo tento: 2Kwei-na da yaredo á ma‑á toŋe á totoŋa. Ko daare se da yarepɛ dɛ dem taa ye de yera de pa abam. Ko maa ye siu dɛ, amo Baŋa Wɛ ŋwaane.#Nwoŋim 20:8-10 Wolo ná toŋe de dɛ dem konto ne, se á go kotu. 3Yé tɔre-na mini á sam wone se á saŋe wodiiru da yarepɛ dɛ dem ne.”
Wara-jei sem yera zela yam
4Moses ta ma ta de Isarele tiina kɔgɔ kom o we, “Baŋa Wɛ na tage se á ke wonnu telo to mo tento: 5Ja-na pɛɛra á ba á pa Baŋa Wɛ. Wolo wo nam ná dɛa, se kotu ja pɛɛra yanto dwi:
sabu-seŋa, de lu-nyenno, dedaane channa,
6de gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to, de gare-fefale, dedaane boŋo koro,
7de pi-bea twanno telo ba na seini to, de twan-nyenno,
de golesaa dɛ,
8de min-zwonnu nuga,
de talwoŋ-ywoŋa kalo ba na wó ma ba ke Wɛ swolim nuga kam, de kalo ba na wó zwɛ wara-vwei dem totoŋa ŋwaane to,
9de Onika kandwa, de kandwa-nyenno ya dwi ya dwi, se ba ke-ya kaanem nakwe tu wom gare-wogo kom ne, ba daare ba ke yadwonna o gare-pale dem ne.
10Abam balo nam ná wae ba toŋe totoŋe dwi delo chekke, se ba kwei ba yeino kom ba woli se kolo maama Baŋa Wɛ na pɛ ni se á ke to tɔge chwoŋa. 11Ko maa ye tento:
Wara-jei sem dedaane se vwei dem, de gwaaro, de tankwallo telo na wó kwoli-de to, de gwoli sem, dedaane ywoa yam, de ya dagare sem, de da-dɛɛro tem, de luuru telo te na zege te baŋa ne to,
12ko woli de Wɛ ni-gwonim dakaa kam, de dɛ selo ba na wó taa ma zeŋe-ka to,
de wɛleera saarem ni-pugu kom,
de gare-jale delo na chege Wɛ di-yun-gala kam to,
13de tabolo kom, de ko dɛ selo ba na wó taa maa zeŋe-ko to, de ko yera zela yam maama, de bworobworo kolo na tigi da Wɛ ŋwaane to,
14de min-zwon-zego kom de ko zela yam maama, de min-zwonnu terepɛ tem, dedaane te nuga kam,
15de talwoŋ-ywoŋa zwɛɛm dakaa kam, de dɛ selo ba na wó taa ma zeŋe-ka to,
de talwoŋ-ywoŋa kam tete, de Wɛ swolim nuga kam,
dedaane gare-jale delo na wó pale wara-vwei dem ni ne to,
16de zwɛɛm kaanem dakaa kam, dedaane ka channa luu kolo na meeli ka yera ne to, de dɛ selo ba na wó taa maa zeŋe-ka to, de ka yera zela yam maama,
dedaane channa ware-zoŋa kam, de ka na wó zege woŋo kolo baŋa ne to,
17de konkɔlɔ kom gare-jala yam, de dɛ selo ya na wó pale se baŋa ne to, de se luuru tem,
de gare-jale delo na wó che konkɔlɔ kom manchwo-peena ni dem to,
18de paara yalo na wó chwi ya ja vwei dem de konkɔlɔ kom zela yam to, de ya ŋone sem,
19ko ta woli de nenɔŋa gwaaro telo Wɛ kaanem tu Aron de o bu-baara bam na wó taa zoore se ba yeini ba zo Wɛ diga kam wone ba ke kaanem ba pa‑o to.”
20Moses déem na ŋɔɔne o ti to, nɔɔna bam ma jwoori ba vwoa ne ba daare‑o. 21Balo maama na boŋe keim ye ba jege wopwolo ko ŋwaane to ma ja pɛɛra ba ba ba pa Baŋa Wɛ se ya woli wara-jei sem totoŋa yam, de kaanem totoŋa yam, dedaane kaanem tiina bam gwaaro tem sɔɔm. 22Baara de kaana balo maama wo na pwoli to ma ja sabu-seŋa wo-nyenno dwi dwi ba ba. Ba pɛɛra yam déem ye sabu-seŋa gwoli, de zwa-kwana, de jafola, dedaane zambila mo. Ba maama ma zeiŋi ba pɛɛra yam wɛɛne ba yaare-ya Baŋa Wɛ yiga ne.
23Badwonna déem ma ja gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to, de gare-fefale, dedaane boŋo koro, de pi-bea twanno telo ba na seini to, de twan-nyenno ba ba. 24Balo maa ná jege lu-nyenno, naa channa, naa golesaa dɛ selo na wó woli totoŋa yam to, ba de ma ja-te ba ba ba zeiŋi Baŋa Wɛ yiga ne. 25Kaana balo de na yei gare-ŋone ŋom to de ma ja gare-fefale de gare-ŋone selo ba na ŋoge to ba ja ba ba. Gare-ŋone sem nyenyero maa ye nazwon-pupwia, de nasoŋ-pupwia, de nasoŋo chwɛ-chwɛ. 26Kaana bam badwonna de ma kwei boŋo koro ba ma ŋo gare-ŋone.
27Yiga tiina bam ma ja Onika kandwa de kandwa-nyenno dwi dwi ba ba se ba kwei-ya ba meeli kaanem yiga tu gare-wogo kom dedaane o gare-pale dem yera ne. 28Ba ta ma ja min-zwonnu nuga kam, de wo-talwooru telo ba na wó woli talwoŋ-ywoŋa kam wone dedaane Wɛ swolim nuga kam wone to ba ja ba ba. 29Moses nam ya tage Baŋa Wɛ na lage se Isarele tiina bam ke totoŋa yalo to o bere-ba, pa se nɔɔna bam dedɛ boboŋa ja se ba ja wo-ywoŋo pɛɛra ba ba ba ke Wɛ jeŋa ne.
Bezaleli dedaane Oholiaba taane
30Moses laam ma ta de Isarele tiina bam o we, “Nii-na. Baŋa Wɛ mo kuri Yuri bu Bezaleli. Wonto kwo-nakwe maa ye Hura ye o nwoŋi Judah dwi dem wone. 31Wɛ kwei o jworo mo o pa‑o, pa se o jege swa, de yi-poro, de yeino se ko tiini ko gaale, ye o wae o gɔgere wonnu dwi dwi. 32O wae o kwei sabu-seŋa, de lu-nyenno, de channa o maa ke wonnu telo na tiini te lana to. 33O ta wae o kwei kandwa-nyenno de dɛ o sara o maa gɔgere wonnu dwi dwi. O yɔɔre o ye gɔgɔ mo chekke. 34Ahisamaki bu Oholiaba de maa wora, o na nwoŋi Dan dwi dem wone to. Baŋa Wɛ ma pa wonto de Bezaleli swa se ba bere nɔɔna gɔgɔ totoŋa dwi dwi na ye tei to. 35Baŋa Wɛ ta pɛ-ba swa dedɛ, ye ba wae ba gɔgere wo-laaro dwi dwi nenɛɛne ba na boŋe tei to. Ba ta wae ba sɔ gare-fefale ye ba kwei gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to ba ma gɔgere nyenyero ba ke da. Ba maa wae ba ke wo-laaro dwi maama pa se te tɔge chwoŋa lanyerane.
Currently Selected:
Nwoŋim 35: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 35
35
Siu dɛ chullu
1Moses ma bwoŋi Isarele tiina kɔgɔ kom maama ye o ta de-ba o we, “Baŋa Wɛ na tage se á ke tei to mo tento: 2Kwei-na da yaredo á ma‑á toŋe á totoŋa. Ko daare se da yarepɛ dɛ dem taa ye de yera de pa abam. Ko maa ye siu dɛ, amo Baŋa Wɛ ŋwaane.#Nwoŋim 20:8-10 Wolo ná toŋe de dɛ dem konto ne, se á go kotu. 3Yé tɔre-na mini á sam wone se á saŋe wodiiru da yarepɛ dɛ dem ne.”
Wara-jei sem yera zela yam
4Moses ta ma ta de Isarele tiina kɔgɔ kom o we, “Baŋa Wɛ na tage se á ke wonnu telo to mo tento: 5Ja-na pɛɛra á ba á pa Baŋa Wɛ. Wolo wo nam ná dɛa, se kotu ja pɛɛra yanto dwi:
sabu-seŋa, de lu-nyenno, dedaane channa,
6de gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to, de gare-fefale, dedaane boŋo koro,
7de pi-bea twanno telo ba na seini to, de twan-nyenno,
de golesaa dɛ,
8de min-zwonnu nuga,
de talwoŋ-ywoŋa kalo ba na wó ma ba ke Wɛ swolim nuga kam, de kalo ba na wó zwɛ wara-vwei dem totoŋa ŋwaane to,
9de Onika kandwa, de kandwa-nyenno ya dwi ya dwi, se ba ke-ya kaanem nakwe tu wom gare-wogo kom ne, ba daare ba ke yadwonna o gare-pale dem ne.
10Abam balo nam ná wae ba toŋe totoŋe dwi delo chekke, se ba kwei ba yeino kom ba woli se kolo maama Baŋa Wɛ na pɛ ni se á ke to tɔge chwoŋa. 11Ko maa ye tento:
Wara-jei sem dedaane se vwei dem, de gwaaro, de tankwallo telo na wó kwoli-de to, de gwoli sem, dedaane ywoa yam, de ya dagare sem, de da-dɛɛro tem, de luuru telo te na zege te baŋa ne to,
12ko woli de Wɛ ni-gwonim dakaa kam, de dɛ selo ba na wó taa ma zeŋe-ka to,
de wɛleera saarem ni-pugu kom,
de gare-jale delo na chege Wɛ di-yun-gala kam to,
13de tabolo kom, de ko dɛ selo ba na wó taa maa zeŋe-ko to, de ko yera zela yam maama, de bworobworo kolo na tigi da Wɛ ŋwaane to,
14de min-zwon-zego kom de ko zela yam maama, de min-zwonnu terepɛ tem, dedaane te nuga kam,
15de talwoŋ-ywoŋa zwɛɛm dakaa kam, de dɛ selo ba na wó taa ma zeŋe-ka to,
de talwoŋ-ywoŋa kam tete, de Wɛ swolim nuga kam,
dedaane gare-jale delo na wó pale wara-vwei dem ni ne to,
16de zwɛɛm kaanem dakaa kam, dedaane ka channa luu kolo na meeli ka yera ne to, de dɛ selo ba na wó taa maa zeŋe-ka to, de ka yera zela yam maama,
dedaane channa ware-zoŋa kam, de ka na wó zege woŋo kolo baŋa ne to,
17de konkɔlɔ kom gare-jala yam, de dɛ selo ya na wó pale se baŋa ne to, de se luuru tem,
de gare-jale delo na wó che konkɔlɔ kom manchwo-peena ni dem to,
18de paara yalo na wó chwi ya ja vwei dem de konkɔlɔ kom zela yam to, de ya ŋone sem,
19ko ta woli de nenɔŋa gwaaro telo Wɛ kaanem tu Aron de o bu-baara bam na wó taa zoore se ba yeini ba zo Wɛ diga kam wone ba ke kaanem ba pa‑o to.”
20Moses déem na ŋɔɔne o ti to, nɔɔna bam ma jwoori ba vwoa ne ba daare‑o. 21Balo maama na boŋe keim ye ba jege wopwolo ko ŋwaane to ma ja pɛɛra ba ba ba pa Baŋa Wɛ se ya woli wara-jei sem totoŋa yam, de kaanem totoŋa yam, dedaane kaanem tiina bam gwaaro tem sɔɔm. 22Baara de kaana balo maama wo na pwoli to ma ja sabu-seŋa wo-nyenno dwi dwi ba ba. Ba pɛɛra yam déem ye sabu-seŋa gwoli, de zwa-kwana, de jafola, dedaane zambila mo. Ba maama ma zeiŋi ba pɛɛra yam wɛɛne ba yaare-ya Baŋa Wɛ yiga ne.
23Badwonna déem ma ja gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to, de gare-fefale, dedaane boŋo koro, de pi-bea twanno telo ba na seini to, de twan-nyenno ba ba. 24Balo maa ná jege lu-nyenno, naa channa, naa golesaa dɛ selo na wó woli totoŋa yam to, ba de ma ja-te ba ba ba zeiŋi Baŋa Wɛ yiga ne. 25Kaana balo de na yei gare-ŋone ŋom to de ma ja gare-fefale de gare-ŋone selo ba na ŋoge to ba ja ba ba. Gare-ŋone sem nyenyero maa ye nazwon-pupwia, de nasoŋ-pupwia, de nasoŋo chwɛ-chwɛ. 26Kaana bam badwonna de ma kwei boŋo koro ba ma ŋo gare-ŋone.
27Yiga tiina bam ma ja Onika kandwa de kandwa-nyenno dwi dwi ba ba se ba kwei-ya ba meeli kaanem yiga tu gare-wogo kom dedaane o gare-pale dem yera ne. 28Ba ta ma ja min-zwonnu nuga kam, de wo-talwooru telo ba na wó woli talwoŋ-ywoŋa kam wone dedaane Wɛ swolim nuga kam wone to ba ja ba ba. 29Moses nam ya tage Baŋa Wɛ na lage se Isarele tiina bam ke totoŋa yalo to o bere-ba, pa se nɔɔna bam dedɛ boboŋa ja se ba ja wo-ywoŋo pɛɛra ba ba ba ke Wɛ jeŋa ne.
Bezaleli dedaane Oholiaba taane
30Moses laam ma ta de Isarele tiina bam o we, “Nii-na. Baŋa Wɛ mo kuri Yuri bu Bezaleli. Wonto kwo-nakwe maa ye Hura ye o nwoŋi Judah dwi dem wone. 31Wɛ kwei o jworo mo o pa‑o, pa se o jege swa, de yi-poro, de yeino se ko tiini ko gaale, ye o wae o gɔgere wonnu dwi dwi. 32O wae o kwei sabu-seŋa, de lu-nyenno, de channa o maa ke wonnu telo na tiini te lana to. 33O ta wae o kwei kandwa-nyenno de dɛ o sara o maa gɔgere wonnu dwi dwi. O yɔɔre o ye gɔgɔ mo chekke. 34Ahisamaki bu Oholiaba de maa wora, o na nwoŋi Dan dwi dem wone to. Baŋa Wɛ ma pa wonto de Bezaleli swa se ba bere nɔɔna gɔgɔ totoŋa dwi dwi na ye tei to. 35Baŋa Wɛ ta pɛ-ba swa dedɛ, ye ba wae ba gɔgere wo-laaro dwi dwi nenɛɛne ba na boŋe tei to. Ba ta wae ba sɔ gare-fefale ye ba kwei gare-ŋone selo nyenyero na ye nazwon-pupwia, de nasoŋ-pupwia, de nasoŋo chwɛ-chwɛ to ba ma gɔgere nyenyero ba ke da. Ba maa wae ba ke wo-laaro dwi maama pa se te tɔge chwoŋa lanyerane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)