Nwoŋim 34
34
Kandwa-pelɛ selo na ke belei tu to
1Dɛ dedwe Baŋa Wɛ déem tage de Moses o we, “Daa‑n sare kandwa-pelɛ selei nenɛɛne boboa nyena yam a na ke ye n lɔ-ya to.#Nwoŋim 24:12 Amo wó jwoori a popone a nia yam ya baŋa ne. 2Nam ti n yiga se jwa tetete n di Sinayi peo kom yuu n ba amo tei se dé jeeri daane. 3Nɔɔn-nɔɔno nam ba jege se o tɔge dede‑m o di peo kom yuu. Nɔɔna bam maama jege se ba maŋe peo kom dáa ne mo. Yé pa-na se á pei, de á bone, de á naane taa bwola peo kom teiŋa ne se de di gaao.” 4Moses ma sare kandwa-pelɛ selei ne boboa nyena yam na ye tei to. Tega na poore tetete to, o ma ja-ya o di Sinayi peo kom yuu, nenɛɛne Baŋa Wɛ na tage tei to.
5 Baŋa Wɛ ma chu kunkwoŋo kom wone o zege Moses tei ne. Moses na zege da ye Wɛ maa beene to, mo Wɛ déem bwoŋi o tete yere dem chekke o we, ‘Taa Wuu Tu Baŋa Wɛ’.#Nwoŋim 3:15 6Baŋa Wɛ ma tɔge Moses yiga ne o kɛ ye o we:
“Amo mo ye Baŋa Wɛ wom,
Taa Wuu Tu Baŋa Wɛ!
A jege nɔɔna ŋwaŋa,
ye a ke zaane a ke ba yuu ne.
A maa yeini a peene a bane de-ba.
A swono kom gaale,
ye a chega kam de bá fɔge ka ti.
7Amo bá fɔge a yage a swono kom,
ne a na gwoni ni de a nɔɔna bam
de ba dwia yam se ko taa vei wuu tei to.
A maa kwei nɔɔna lwarem
de ba wɛleera a maa chɛ-ba.
Se ko ná ye balo na gɛ bora to,
a yeini a waare-ba mo de ba bia maama
se ko yi ba naaro,
de ba na-jwooru dwia yatɔ naa yana laŋa ne.”#Jeelim 14:18; Mika 7:18
8Moses ma ke lela o chɔɔle o yuu tega ne se o zuli Baŋa Wɛ. 9O ma lwoori‑o o we, “Amo Teiru, a kikia nam ná seene ya su nmo yi, se n tɔge debam se dé vo. Chega ŋwaane to, nɔɔna bam seene ba ye zwabani-nyena mo. Nam kwei ba wɛleera de ba tusim kikia n ma‑n chɛ-ba. Ta pa se dé taa ye nmo tete nyɔn-mage nɔɔna, se n ta‑n tei debam.”
10 Baŋa Wɛ daa ma ta o we:
“Nii mo! Amo ta lage a gwoni ni de abam mo. Nmo nɔɔna bam yiga ne mo amo wó ke wo-kenkagela yalo dwoŋi ta na wo fɔge ya ke logo baŋa ne to. Teene delo na bwola de abam to wó taa zege ba nia ye foone ja-ba mo, wo-kenkagela yalo amo Baŋa Wɛ na wó ke abam tetare ne to ŋwaane.
11Abam nam jege se á sɛ á ke nia yalo a zem na bere abam se á ke tei to mo. Á ná ke konto, amo de wó zeili Amori tiina bam, de Kanaan tiina bam, de Hiti tiina bam, de Pɛrizi tiina bam, de Hivi tiina bam dedaane Jebusi tiina bam maama se ba nwoŋi ba daare tega kam ba pa abam. 12Ta‑á yei-na se á yé ke ni-sɛɛm de nɔɔna balo na zoore tega kam konto ne to. Se á ná me de-ba, ba wó soge abam se á tusi amo yiga ne.#Yiga tiina 2:2 13Nam ke-na tento de-ba: Chɔge-na ba bimbina yam, de ba kandwa-siswollu tem na ye ba jwona to. Gwoni-na ba Asera nyenyego dɛ sem á de tega ne. 14Amo lage chega mo á tei ne se á ta‑á zuli amo yerane. Yé zuli-na wo-gaa á woli amo wone, amo yi na page abam baŋa ne to ŋwaane.#Nwoŋim 20:3-5
15Nam yé ke-na ni-sɛɛm dedaane nɔɔna balo na zoore tega kam konto ne to. Abam ná me de-ba, ba wó soge abam se á ta‑á zuli ba jwona yam, ye á daare á woli ba wone se á tɔge á di ba jwona wodiiru tem mo. 16Abam baara bam ná di jei sem konto bukwa ba maa ke kaana, kaana bam konto nam mo wó gane-ba se ba zuli ba jwona yam. 17Yé zaŋe-na á mɔ kamɔgɔ se ko taa ye jwoni ko pa abam.#Nwoŋim 20:4
18Abam wó ta‑á di Bworobworo-memene kuri dem mo. Bene maama wone, se á kwei da yarepɛ á ma á di bworobworo kolo sabɔle na wo woli ko wone to, Abibi chana kam ne.#Nwoŋim 23:15 Ko déem ye chana kam konto ne mo abam nwoŋi Ejipti teo kom wone.
19Abam dwi dem wone, bu-kwe sem de á vara maama wone cheeri-bia bam ye amo nyem mo. 20Ko nam ná ye bonaga cheeri-bu, se á kwei pipeila á leiri ka yuu ne. Konto ná ware, se á bwori ka ba á go. Abam wó kwei wonnu mo á leiri á bu-kwe sem yuu ne á pa-ne.
Nɔɔn-nɔɔno yé vei de je-kore o ba amo yiga ye o ba zei pɛɛre.
21Kwei-na da yaredo á toŋe á totoŋa, se á daare á sii da yarepɛ dɛ dem ne.#Nwoŋim 20:6-10 Ko ze ná ye mena varem maŋa naa wodiiru zagem maŋa de, se á sii da yarepɛ dɛ dem ne.
22Abam wodiiru tem ná dɛ yiga se te ke kwea maŋa ne, se á di Ga-kwea kuri. Chaara zagem maŋa de nam ná yi se á taa di Faao kuri dem.#Nwoŋim 23:16 23Bene maama wone se abam baara bam jeeri amo yiga ne kuni betɔ, se ba zuli-ne. Kolo ŋwaane, amo mo ye Isarele tiina Baŋa Wɛ wom. 24Amo lage a zeili dwia yalo na wo dáane ye abam ta wo zo da to mo, se á ná yeini á jeeri kuni betɔ se á di kura yanto, nɔɔn-nɔɔno yé kwaane se o jwoŋi á tega kam. A nam ta wó pa se á tega kam yale ka pa abam.
25Abam ná kwei varem se á ke kaanem, yé woli-na bworobworo kolo sabɔle na wo ko wone to da se á ke pɛɛre á pa-ne. Nam yé pa-na se Atɔgebabaŋa wodiu maŋe á tei ne ko poore tega.
26Bene maama wone se á ja á kare sem wodiiru telo na lwoori yiga te ke ye te lamma to á ja á jeeri abam Tu Baŋa Wɛ wara-jei sem ne.
Nɔɔn-nɔɔno yé kwei bebala de ka nu nayela o saŋe mini wone.”
27 Baŋa Wɛ daa ta ma ta de Moses o we, “Popone wonnu tento maama n tiŋi, se ko ye a nia yam baŋa ne mo amo ke ni-sɛɛm dedaane nmo de Isarele tiina bam maama.” 28Moses nam ya maŋe peo kom yuu ne da finna mo. Wea de tete ne maama mo o déem wora de Baŋa Wɛ, ye o ba di wodiu, o nam ba nyɔ na. O ma popone Wɛ nia fuga kam na bere Wɛ ni-sɛɛm de o nɔɔna bam to, o daŋe kandwa-pelɛ sem baŋa ne.
Moses yibia na nyeene tei to
29Moses ma zege peo kom yuu ne o tu nɔɔna bam tei, ye o zei kandwa-pelɛ sem Wɛ ni-gwonim dem botara na popone da to. Moses de Baŋa Wɛ nam ya na ŋɔɔne daane to, mo o yibia tiini ka nyeena ye o yeiri ko ni ne.#Matiyu 17:2 30Aron de Isarele tiina bam maama na nɛ we Moses yibia kam nyeene to, ba ma kɔre se ba fɔɔre ba yi o yera. 31Moses na maane konto to, mo o bwoŋi Aron de Isarele nakwa bam se ba ba o tei. Ba na yi da to, o ma ŋɔɔne de-ba. 32Nɔɔna bam maama laam ma fɔɔre ba yi ba gilimi Moses. O de ma kwei Baŋa Wɛ nia yam o ya na pɛ‑o Sinayi peo kom yuu ne to o pa-ba.
33Moses yibia nam ta nyeene mo. O na ŋɔɔne de nɔɔna bam o ti to, mo o kwei gare-fefala o ma o kwoli o yibia. 34Moses déem ná lage se o zo wara-vwei dem ne se o de Baŋa Wɛ ŋɔɔne daane, o yeini o le gare-fefala kam mo. O laam maa ná nwoŋi pwooni se o daa yeini o lwoni Baŋa Wɛ na bere tei maama to o bere nɔɔna bam, 35ba daa ta ma na we o yibia tiini ka nyeene mo. Moses ma ná yeini o ŋɔɔne de-ba o ti, o wó jwoori o kwei o gare-fefala kam mo o kwoli o yibia. O déem ma yɔɔre o ke konto mo taa se ko taa nii o daa ná boŋe se o vo o ŋɔɔne de Baŋa Wɛ.
Currently Selected:
Nwoŋim 34: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
Nwoŋim 34
34
Kandwa-pelɛ selo na ke belei tu to
1Dɛ dedwe Baŋa Wɛ déem tage de Moses o we, “Daa‑n sare kandwa-pelɛ selei nenɛɛne boboa nyena yam a na ke ye n lɔ-ya to.#Nwoŋim 24:12 Amo wó jwoori a popone a nia yam ya baŋa ne. 2Nam ti n yiga se jwa tetete n di Sinayi peo kom yuu n ba amo tei se dé jeeri daane. 3Nɔɔn-nɔɔno nam ba jege se o tɔge dede‑m o di peo kom yuu. Nɔɔna bam maama jege se ba maŋe peo kom dáa ne mo. Yé pa-na se á pei, de á bone, de á naane taa bwola peo kom teiŋa ne se de di gaao.” 4Moses ma sare kandwa-pelɛ selei ne boboa nyena yam na ye tei to. Tega na poore tetete to, o ma ja-ya o di Sinayi peo kom yuu, nenɛɛne Baŋa Wɛ na tage tei to.
5 Baŋa Wɛ ma chu kunkwoŋo kom wone o zege Moses tei ne. Moses na zege da ye Wɛ maa beene to, mo Wɛ déem bwoŋi o tete yere dem chekke o we, ‘Taa Wuu Tu Baŋa Wɛ’.#Nwoŋim 3:15 6Baŋa Wɛ ma tɔge Moses yiga ne o kɛ ye o we:
“Amo mo ye Baŋa Wɛ wom,
Taa Wuu Tu Baŋa Wɛ!
A jege nɔɔna ŋwaŋa,
ye a ke zaane a ke ba yuu ne.
A maa yeini a peene a bane de-ba.
A swono kom gaale,
ye a chega kam de bá fɔge ka ti.
7Amo bá fɔge a yage a swono kom,
ne a na gwoni ni de a nɔɔna bam
de ba dwia yam se ko taa vei wuu tei to.
A maa kwei nɔɔna lwarem
de ba wɛleera a maa chɛ-ba.
Se ko ná ye balo na gɛ bora to,
a yeini a waare-ba mo de ba bia maama
se ko yi ba naaro,
de ba na-jwooru dwia yatɔ naa yana laŋa ne.”#Jeelim 14:18; Mika 7:18
8Moses ma ke lela o chɔɔle o yuu tega ne se o zuli Baŋa Wɛ. 9O ma lwoori‑o o we, “Amo Teiru, a kikia nam ná seene ya su nmo yi, se n tɔge debam se dé vo. Chega ŋwaane to, nɔɔna bam seene ba ye zwabani-nyena mo. Nam kwei ba wɛleera de ba tusim kikia n ma‑n chɛ-ba. Ta pa se dé taa ye nmo tete nyɔn-mage nɔɔna, se n ta‑n tei debam.”
10 Baŋa Wɛ daa ma ta o we:
“Nii mo! Amo ta lage a gwoni ni de abam mo. Nmo nɔɔna bam yiga ne mo amo wó ke wo-kenkagela yalo dwoŋi ta na wo fɔge ya ke logo baŋa ne to. Teene delo na bwola de abam to wó taa zege ba nia ye foone ja-ba mo, wo-kenkagela yalo amo Baŋa Wɛ na wó ke abam tetare ne to ŋwaane.
11Abam nam jege se á sɛ á ke nia yalo a zem na bere abam se á ke tei to mo. Á ná ke konto, amo de wó zeili Amori tiina bam, de Kanaan tiina bam, de Hiti tiina bam, de Pɛrizi tiina bam, de Hivi tiina bam dedaane Jebusi tiina bam maama se ba nwoŋi ba daare tega kam ba pa abam. 12Ta‑á yei-na se á yé ke ni-sɛɛm de nɔɔna balo na zoore tega kam konto ne to. Se á ná me de-ba, ba wó soge abam se á tusi amo yiga ne.#Yiga tiina 2:2 13Nam ke-na tento de-ba: Chɔge-na ba bimbina yam, de ba kandwa-siswollu tem na ye ba jwona to. Gwoni-na ba Asera nyenyego dɛ sem á de tega ne. 14Amo lage chega mo á tei ne se á ta‑á zuli amo yerane. Yé zuli-na wo-gaa á woli amo wone, amo yi na page abam baŋa ne to ŋwaane.#Nwoŋim 20:3-5
15Nam yé ke-na ni-sɛɛm dedaane nɔɔna balo na zoore tega kam konto ne to. Abam ná me de-ba, ba wó soge abam se á ta‑á zuli ba jwona yam, ye á daare á woli ba wone se á tɔge á di ba jwona wodiiru tem mo. 16Abam baara bam ná di jei sem konto bukwa ba maa ke kaana, kaana bam konto nam mo wó gane-ba se ba zuli ba jwona yam. 17Yé zaŋe-na á mɔ kamɔgɔ se ko taa ye jwoni ko pa abam.#Nwoŋim 20:4
18Abam wó ta‑á di Bworobworo-memene kuri dem mo. Bene maama wone, se á kwei da yarepɛ á ma á di bworobworo kolo sabɔle na wo woli ko wone to, Abibi chana kam ne.#Nwoŋim 23:15 Ko déem ye chana kam konto ne mo abam nwoŋi Ejipti teo kom wone.
19Abam dwi dem wone, bu-kwe sem de á vara maama wone cheeri-bia bam ye amo nyem mo. 20Ko nam ná ye bonaga cheeri-bu, se á kwei pipeila á leiri ka yuu ne. Konto ná ware, se á bwori ka ba á go. Abam wó kwei wonnu mo á leiri á bu-kwe sem yuu ne á pa-ne.
Nɔɔn-nɔɔno yé vei de je-kore o ba amo yiga ye o ba zei pɛɛre.
21Kwei-na da yaredo á toŋe á totoŋa, se á daare á sii da yarepɛ dɛ dem ne.#Nwoŋim 20:6-10 Ko ze ná ye mena varem maŋa naa wodiiru zagem maŋa de, se á sii da yarepɛ dɛ dem ne.
22Abam wodiiru tem ná dɛ yiga se te ke kwea maŋa ne, se á di Ga-kwea kuri. Chaara zagem maŋa de nam ná yi se á taa di Faao kuri dem.#Nwoŋim 23:16 23Bene maama wone se abam baara bam jeeri amo yiga ne kuni betɔ, se ba zuli-ne. Kolo ŋwaane, amo mo ye Isarele tiina Baŋa Wɛ wom. 24Amo lage a zeili dwia yalo na wo dáane ye abam ta wo zo da to mo, se á ná yeini á jeeri kuni betɔ se á di kura yanto, nɔɔn-nɔɔno yé kwaane se o jwoŋi á tega kam. A nam ta wó pa se á tega kam yale ka pa abam.
25Abam ná kwei varem se á ke kaanem, yé woli-na bworobworo kolo sabɔle na wo ko wone to da se á ke pɛɛre á pa-ne. Nam yé pa-na se Atɔgebabaŋa wodiu maŋe á tei ne ko poore tega.
26Bene maama wone se á ja á kare sem wodiiru telo na lwoori yiga te ke ye te lamma to á ja á jeeri abam Tu Baŋa Wɛ wara-jei sem ne.
Nɔɔn-nɔɔno yé kwei bebala de ka nu nayela o saŋe mini wone.”
27 Baŋa Wɛ daa ta ma ta de Moses o we, “Popone wonnu tento maama n tiŋi, se ko ye a nia yam baŋa ne mo amo ke ni-sɛɛm dedaane nmo de Isarele tiina bam maama.” 28Moses nam ya maŋe peo kom yuu ne da finna mo. Wea de tete ne maama mo o déem wora de Baŋa Wɛ, ye o ba di wodiu, o nam ba nyɔ na. O ma popone Wɛ nia fuga kam na bere Wɛ ni-sɛɛm de o nɔɔna bam to, o daŋe kandwa-pelɛ sem baŋa ne.
Moses yibia na nyeene tei to
29Moses ma zege peo kom yuu ne o tu nɔɔna bam tei, ye o zei kandwa-pelɛ sem Wɛ ni-gwonim dem botara na popone da to. Moses de Baŋa Wɛ nam ya na ŋɔɔne daane to, mo o yibia tiini ka nyeena ye o yeiri ko ni ne.#Matiyu 17:2 30Aron de Isarele tiina bam maama na nɛ we Moses yibia kam nyeene to, ba ma kɔre se ba fɔɔre ba yi o yera. 31Moses na maane konto to, mo o bwoŋi Aron de Isarele nakwa bam se ba ba o tei. Ba na yi da to, o ma ŋɔɔne de-ba. 32Nɔɔna bam maama laam ma fɔɔre ba yi ba gilimi Moses. O de ma kwei Baŋa Wɛ nia yam o ya na pɛ‑o Sinayi peo kom yuu ne to o pa-ba.
33Moses yibia nam ta nyeene mo. O na ŋɔɔne de nɔɔna bam o ti to, mo o kwei gare-fefala o ma o kwoli o yibia. 34Moses déem ná lage se o zo wara-vwei dem ne se o de Baŋa Wɛ ŋɔɔne daane, o yeini o le gare-fefala kam mo. O laam maa ná nwoŋi pwooni se o daa yeini o lwoni Baŋa Wɛ na bere tei maama to o bere nɔɔna bam, 35ba daa ta ma na we o yibia tiini ka nyeene mo. Moses ma ná yeini o ŋɔɔne de-ba o ti, o wó jwoori o kwei o gare-fefala kam mo o kwoli o yibia. O déem ma yɔɔre o ke konto mo taa se ko taa nii o daa ná boŋe se o vo o ŋɔɔne de Baŋa Wɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)