Nwoŋim 1
1
1Jakob#1:1 Jakob yere dedwoŋi ye Isarele. bu-baara balo na tɔge ded‑o ba vo ba zoore Ejipti ne to yera mo tento. Nɔɔno maama de o diga tiina déem mo dɛ ba vo.
2Ruben, de Simeon, de Levi, de Judah.
3Isakara, de Zebulun, de Benjamin.
4Dan, de Nafitali; Gad, de Asere.#Pulim 46:8-27
5O bu Josɛf déem maŋe o wo Ejipti ne mo. Jakob dwi dem maama déem ye fuserepɛ mo. 6Josɛf de o chorro tem maama dedaane banto yuudwoŋo kom maama ma ba ba te. 7Isarele dwi tiina bam déem nam ta puli mo dedɛ ye ba kɔgɔ daga ko gaale. Ba ma tiini ba ke dam ye teo kom maama su de ba dwi dem yerane.
8Pa-dooro de déem ma jwoŋi Ejipti o tei. Wonto maa yeiri Josɛf ni ne. 9Pɛ wom ma ta de o nɔɔna bam o we, “Nii-na Isarele tiina banto na puli dedɛ tei ye ba jege dam ba dwoi debam. 10Pa-na se dé ke swa dé che ba pulim dem, se ko ná dae konto, jara ná to debam dedaane teo kodwoŋi tetare ne, ba wó woli debam dona bam wone ba ke jara dedaane debam ye ba laam duri ba lu debam teo kom ne.”
11Konto ŋwaane Ejipti tiina ma kuri totoŋa yuu tiina se ba taa bɛɛse-ba de totoŋ-dɛɛra. Ba ma pa se Isarele tiina bam lɔ Pitom teo dedaane Ramesesa teo se Ejipti Pɛ wom taa zege o wodiiru da. 12Ba nam na yeini ba tiini ba bɛɛse-ba tei to mo Isarele tiina bam laam fɔge ba pula dedɛ ye ba jage jei maama. Ko ma pa se Ejipti tiina bam tiini ba kɔre foone de Isarele tiina bam. 13Ejipti tiina bam ma pa ko chɛ Isarele tiina bam yera ye ba tiini ba bɛɛse-ba de totoŋa. 14Ba ma pa se ba ŋwea ke cham dedaane bira magem de teero totoŋ-dɛɛra. Ba déem ta fe-ba se ba taa toŋa ba kare de ba kadwi ne. Konto to Ejipti tiina bam déem bɛɛse Isarele tiina bam ye ba ba jege ba ŋwaŋa.#Pulim 15:13
15Kaana balei déem maa wora balo na yeini ba zeini Hiburu#1:15 Hiburu tiina de Isarele tiina ye bedwe. kapwi se ba lo bia to. Ba dedoa yere mo Sifira. Wodwoŋi wom de yere maa ye Pua. Ejipti Pɛ wom ma ta de-ba o we, 16“Á ná yeini á woli Hiburu kaana bam se ba lo, ye ba ná loga, se á fɔge á nii. Bu wom ná ye bakeira, se á go‑o. O daa ná ye busankana, se á yage‑o.” 17Kaana balei bam maa kɔre Wɛ, ye ba wo sɛ Ejipti Pɛ wom ni. Ba maa pae se bakeiri sem wora.
18Pɛ wom ma bwoŋi kaana bam ye o bwei-ba o we, “Bɛŋwaane mo á ke konto ye á pae se bakeiri sem ta ŋwe?” 19Ba ma leiri ba we, “Pɛ. Hiburu kaana bam dae nenɛɛne Ejipti kaana bam tei. Banto wara mo. Ba ma yeini ba gare ba lo ba ti mo ye debam laam yi ba tei.” 20Konto ŋwaane Wɛ ma ke kaana balei bam lanyerane. Isarele tiina bam déem puli mo ye ba kɔgɔ tiini ko gaale. 21Kaana balei bam na kɔre Wɛ to ŋwaane, o ma pa ba de lo bia.
22Pa-faro wom laam ma pa o nɔɔna bam maama ni dento we, “Hiburu tiina ná loge bakeira maama, á jege se á dole‑o mo á de Naili buga kam ne. Ko daare ko ná ye busankana, se á yage‑o se o ta ŋwe.”
Currently Selected:
Nwoŋim 1: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
