1 Tɛsaloni 3
3
1-2Dé nam na ware se dé na daane to, abam fera tiini ya jege debam se ko gaale. Ko ma pa dé jeeli se dé toŋe dé nu-bu Timoti se o ba abam tei, ye debam tete daare dé maŋe Atena ne. Wonto ye wolo na tɔge de debam o toŋe Wɛ ŋwaane ye o tɔɔle Yezu Krista kwor-ywoŋa kam. Dé toŋe‑o abam tei ne se o woli abam de dam se á ta‑á tɔge Yezu de á wo maama, 3se yaara yalo á na nɛ to yé wane ya pa á jwoori kwaga. Abam yei we yaara yanto dwoŋi maŋe ya jege se ya ba debam baŋa. 4Debam déem ta na wo abam tei ne maŋa kalo to, dé maŋe dé ta dé bere abam we, nɔɔna wó bɛɛse debam. Á laam na nɛ to, mo kolo na seene ko ke. 5Amo na tiini a jege abam lwia to mo pɛ se a toŋe Timoti abam tei ne, se o ba o lɔre á daa ta tɔge Yezu de á wo maama na. Amo ya tiini a kɔre mo we, setaana pɛ mo tu o gane abam se á ywori Wɛ kwaga ne, se ko pa dé totoŋa yam maama laam ba ya ji kafɛ.
6Leile konto Timoti laam jwoori o ba debam tei ye o pa dé boboŋa peini tega ne, de o na tage á taane o we, á ta tɔge Yezu de á wo-dedoa de swono. O daa ta tage o we, á seene á jege debam boboŋa de wopwolo, ye á tiini á lage se á na debam, ne debam de na lage se dé na abam tei to.#Kikia 18:5
7Dé nu-bia bam, yaara jege debam dedɛ. Dé bochara nam tiga de abam, á na tɔge Yezu de á wo-dedoa to ŋwaane. 8Á na tɔge dé Teiru wom de pu-dɛa konto to, ko pae dé ŋwea dae kafɛ. 9Dé wó tiini dé ke dé Tu Wɛ lei á ŋwaane, dedaane dé na nɛ wopwolo dedɛ o yiga ne abam ŋwaane to. 10Maŋa maama tete de wea dé yeini dé lwoori Wɛ de dé wo maama mo, se o yage chwoŋa se dé wane dé na daane, se dé fɔge dé bere abam á na gɛ kolo se á wae á ta‑á tɔge Yezu de á wo-dedoa to.
11Dé Kwo Wɛ de dé Teiru Yezu nam wó pa debam chwoŋa se dé ba abam tei. 12Dé Teiru wom wó pa á swono kom puli dedɛ ko ja gaale, se á ta‑á swoi á dwonna de nɔɔna maama lanyerane, ne debam de na swoi abam tei to.#2 Tɛsaloni 1:3 13Konto dwoŋi mo o wó pa á bochara ke dam, se á laam ba á zege dé Kwo Wɛ yiga ne de wo-pwoŋo, ye á ba jege tusim, maŋa kalo dé Teiru Yezu na wó jwoori o ba de o nɔn-kɔgɔ kom maama to.
Currently Selected:
1 Tɛsaloni 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
