1 Piita 4
4
Wɛ boboŋa na lage kikia yalo to
1Abam maŋe á lɔre Yezu Krista déem na wo logo baŋa ne ye o na yaara o yera wone tei to. Konto ŋwaane, ko maŋe se abam de kwaane á ja á boboŋa ne wonto tei, se á ma fɔge á che á tete yaara wone. Kokuri, nɔɔno wolo yera ná nɛ yaara, konto tu yiga le wɛleera wone mo. 2Konto to, abam daa ta ná jege ŋwea logo baŋa ne, á daa ba jege se á ta‑á tɔge wo-yɔɔro telo nabiina fera na zoore to. Á nam jege se á ta‑á tɔge Wɛ boboŋa na lage kolo to mo. 3Abam maŋe á chɔge á ŋwea maŋa kam dedɛ, de á na yeini á ke tei á tɔge chwei selo balo na yeiri Wɛ to na lage se ba taa tɔge to. Abam déem yeini á ke wo-digiru kikia yalo na tɔge ka-laga to, de wo-zɔɔna yalo maama á fera na zoore to. Á déem maa ye sa-nyɔra, ye á ye nɔn-kwollu á nyɔ sana á buga. Á maa kwori á tɔge jwona kaanem na ye totoŋ-zɔɔne to. 4Ko daare leile konto, á daa ba tɔge de balo na yeiri Wɛ to, de ba na ke wo-zɔɔna kikia konto dwoŋi to. Ko ma ke-ba yaau, pa se ba jege á yere ba chɔga. 5Banto nam wó ba ba zege Wɛ yiga ne, se ba tole ba kwora ba bere‑o. Wonto nam ti o yiga se o di nabiina taane, ko ná maŋe ko ye balo na ŋwe to de balo na tege to maama de. 6Ko ye konto ŋwaane mo ba déem tɔɔle Wɛ kwor-ywoŋa kam ba bere balo na tege to de. Banto yera yam mo tega, nenɛɛne nabiina maama na jege se ba te ba wɛleera ŋwaane tei to. Ba nam na nigi Wɛ kwora kam to, ko ye se ba jworru tem laam mo wane te na ŋwea, ne Wɛ ŋwe-doŋa kam na ye tei to.
7Logo baŋa de ko wonnu maama laam lage te kweeli. Nam fɔge-na á che á boboŋa se á ta‑á jege jawala de á na lwoori Wɛ tei to. 8Ta‑á swoi-na daane de á wo maama.#Memaŋa 10:12; 1 Korinti 13:4 Konto tiini ko ye wo-chɛɔ ko pa abam, kolo ŋwaane á ná jege da-swono, ko wó pa se á wɛleera dedɛ saare á boboŋa ne. 9Ta‑á jeeri-na á dwonna á sam ne lanyerane, se á yé ta‑á poone daane. 10Abam dedoa dedoa mo nɛ zeinim Wɛ tei ne, se á ta‑á ma‑á woli daane, ne o na pɛ se á ta‑á ye tei to. Abam maama jege se á ta‑á ke á dwonna zaane, ne Wɛ na ke abam zaane tei to. 11Abam wolo Wɛ na pɛ se o taa ŋɔɔne o bere nɔɔna to jege se o taa ŋɔɔne Wɛ kwora kam chekke mo. Wolo Wɛ na pɛ se o taa toŋe o woli o dwonna to de jege se o taa mae dam delo Wɛ na pɛ‑o to o maa toŋa. Konto maama wó pa se nɔɔna tɔge Yezu Krista ŋwaane ba pa Wɛ zula. Wonto nam mo maŋe se o jwoŋi zula de dam maŋa maama se ko taa vei wuu. Ameena.
Dé yaara yam kuri na ye tei to
12A badwoŋ-swonnu bam, chanɛɛre na wora de daane abam to, de tu se de maŋe abam de nii mo. Á nam yé pa se ko sɔɔre abam yera, nenɛɛne ko ye wo-kenkagele mo tei. 13Abam na tɔge de Yezu Krista á na o yaara yam dwoŋi to, se á ta‑á jege wopwolo ko ŋwaane. Konto to, Yezu Krista ná jwoori o ba ye o nenɔŋ-fɔrɔ kom bere jaja, á wopwolo kom laam wó tiini ko gaale.#Matiyu 5:11-12 14Nɔɔna nam ná yaale abam á na ye Yezu Krista nyem to ŋwaane, á jege yu-ywoŋo mo, kolo ŋwaane Wɛ Sin-laao kom na jege nenɔŋ-fɔrɔ to wo abam tei ne.#Luka 6:22 15Abam wolo ná nɛ yaara, se ko yé taa ye o na ye nɔn-goro, naa ŋweeno, naa wo-lwan-keiru dwi maama, naa bebare-nyem to ŋwaane. 16Abam wolo nam ná yaare o na ye Yezu Krista nyem to ŋwaane, kotu yé pa chaveera taa jege‑o ko ŋwaane. Konto tu nam jege se o pa Wɛ zula, de nɔɔna na bwoi‑o we Krista bu to.
17Maŋa kam yia Wɛ na wó bobo se o di nabiina taane to. Ko maa ye o tete nɔn-bia bam baŋa ne mo o lage o bobo. Ko na wó bobo debam tei ne to, ko wó taa ye tetɛ mo de balo bam na ve Wɛ kwor-ywoŋa kam to? Ko ná tu ko kweeli, ko bá taa chamma ba tei ne na? 18Ko popone Wɛ tɔnɔ kom ne we:
“Nɔn-ŋona ná lage ba na verem,
ko wó chɛ mo.
Konto to, ko ná ye wɛle-keira,
ko wó ke-ba tɛ mo?”#Memaŋa 11:31
19Ko ná ye balo na nɛ yaara, ne Wɛ boboŋa na lage se ko ke-ba tei to, banto jege se ba taa ke keim-laaro mo, ye ba ke ba tete ba Keiru Wɛ jeŋa ne, o na zege o chega wone to ŋwaane.
Currently Selected:
1 Piita 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
1 Piita 4
4
Wɛ boboŋa na lage kikia yalo to
1Abam maŋe á lɔre Yezu Krista déem na wo logo baŋa ne ye o na yaara o yera wone tei to. Konto ŋwaane, ko maŋe se abam de kwaane á ja á boboŋa ne wonto tei, se á ma fɔge á che á tete yaara wone. Kokuri, nɔɔno wolo yera ná nɛ yaara, konto tu yiga le wɛleera wone mo. 2Konto to, abam daa ta ná jege ŋwea logo baŋa ne, á daa ba jege se á ta‑á tɔge wo-yɔɔro telo nabiina fera na zoore to. Á nam jege se á ta‑á tɔge Wɛ boboŋa na lage kolo to mo. 3Abam maŋe á chɔge á ŋwea maŋa kam dedɛ, de á na yeini á ke tei á tɔge chwei selo balo na yeiri Wɛ to na lage se ba taa tɔge to. Abam déem yeini á ke wo-digiru kikia yalo na tɔge ka-laga to, de wo-zɔɔna yalo maama á fera na zoore to. Á déem maa ye sa-nyɔra, ye á ye nɔn-kwollu á nyɔ sana á buga. Á maa kwori á tɔge jwona kaanem na ye totoŋ-zɔɔne to. 4Ko daare leile konto, á daa ba tɔge de balo na yeiri Wɛ to, de ba na ke wo-zɔɔna kikia konto dwoŋi to. Ko ma ke-ba yaau, pa se ba jege á yere ba chɔga. 5Banto nam wó ba ba zege Wɛ yiga ne, se ba tole ba kwora ba bere‑o. Wonto nam ti o yiga se o di nabiina taane, ko ná maŋe ko ye balo na ŋwe to de balo na tege to maama de. 6Ko ye konto ŋwaane mo ba déem tɔɔle Wɛ kwor-ywoŋa kam ba bere balo na tege to de. Banto yera yam mo tega, nenɛɛne nabiina maama na jege se ba te ba wɛleera ŋwaane tei to. Ba nam na nigi Wɛ kwora kam to, ko ye se ba jworru tem laam mo wane te na ŋwea, ne Wɛ ŋwe-doŋa kam na ye tei to.
7Logo baŋa de ko wonnu maama laam lage te kweeli. Nam fɔge-na á che á boboŋa se á ta‑á jege jawala de á na lwoori Wɛ tei to. 8Ta‑á swoi-na daane de á wo maama.#Memaŋa 10:12; 1 Korinti 13:4 Konto tiini ko ye wo-chɛɔ ko pa abam, kolo ŋwaane á ná jege da-swono, ko wó pa se á wɛleera dedɛ saare á boboŋa ne. 9Ta‑á jeeri-na á dwonna á sam ne lanyerane, se á yé ta‑á poone daane. 10Abam dedoa dedoa mo nɛ zeinim Wɛ tei ne, se á ta‑á ma‑á woli daane, ne o na pɛ se á ta‑á ye tei to. Abam maama jege se á ta‑á ke á dwonna zaane, ne Wɛ na ke abam zaane tei to. 11Abam wolo Wɛ na pɛ se o taa ŋɔɔne o bere nɔɔna to jege se o taa ŋɔɔne Wɛ kwora kam chekke mo. Wolo Wɛ na pɛ se o taa toŋe o woli o dwonna to de jege se o taa mae dam delo Wɛ na pɛ‑o to o maa toŋa. Konto maama wó pa se nɔɔna tɔge Yezu Krista ŋwaane ba pa Wɛ zula. Wonto nam mo maŋe se o jwoŋi zula de dam maŋa maama se ko taa vei wuu. Ameena.
Dé yaara yam kuri na ye tei to
12A badwoŋ-swonnu bam, chanɛɛre na wora de daane abam to, de tu se de maŋe abam de nii mo. Á nam yé pa se ko sɔɔre abam yera, nenɛɛne ko ye wo-kenkagele mo tei. 13Abam na tɔge de Yezu Krista á na o yaara yam dwoŋi to, se á ta‑á jege wopwolo ko ŋwaane. Konto to, Yezu Krista ná jwoori o ba ye o nenɔŋ-fɔrɔ kom bere jaja, á wopwolo kom laam wó tiini ko gaale.#Matiyu 5:11-12 14Nɔɔna nam ná yaale abam á na ye Yezu Krista nyem to ŋwaane, á jege yu-ywoŋo mo, kolo ŋwaane Wɛ Sin-laao kom na jege nenɔŋ-fɔrɔ to wo abam tei ne.#Luka 6:22 15Abam wolo ná nɛ yaara, se ko yé taa ye o na ye nɔn-goro, naa ŋweeno, naa wo-lwan-keiru dwi maama, naa bebare-nyem to ŋwaane. 16Abam wolo nam ná yaare o na ye Yezu Krista nyem to ŋwaane, kotu yé pa chaveera taa jege‑o ko ŋwaane. Konto tu nam jege se o pa Wɛ zula, de nɔɔna na bwoi‑o we Krista bu to.
17Maŋa kam yia Wɛ na wó bobo se o di nabiina taane to. Ko maa ye o tete nɔn-bia bam baŋa ne mo o lage o bobo. Ko na wó bobo debam tei ne to, ko wó taa ye tetɛ mo de balo bam na ve Wɛ kwor-ywoŋa kam to? Ko ná tu ko kweeli, ko bá taa chamma ba tei ne na? 18Ko popone Wɛ tɔnɔ kom ne we:
“Nɔn-ŋona ná lage ba na verem,
ko wó chɛ mo.
Konto to, ko ná ye wɛle-keira,
ko wó ke-ba tɛ mo?”#Memaŋa 11:31
19Ko ná ye balo na nɛ yaara, ne Wɛ boboŋa na lage se ko ke-ba tei to, banto jege se ba taa ke keim-laaro mo, ye ba ke ba tete ba Keiru Wɛ jeŋa ne, o na zege o chega wone to ŋwaane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)