1 Piita 3
3
Kaana de ba banna taane
1Ko ná ye abam balo na ye kaana to, abam de jege se á sɛ á pa á banna konto dwoŋi mo. Ko maa wó pa se á banna bam badaara ya ná ve Wɛ taane dem, se ba laam maane á nɛ-bwora na ye tei, ye ba pipiri ba ba ba sɛ Wɛ, de á ná maŋe á wo puri á ni de. 2Ba maa wó lɔre á na kɔre Wɛ, ye á seene á tɔge chwoŋa de boboŋ-dɛɛra. 3Abam na wó ke tei se ko pa á ta‑á jege lam to, ko dae se á ta‑á fɔge á yera dedaane nenɔŋa wonnu, ne ko ná ye á na kwɛ á yuni tei, de á na ke sabu-seŋa wonnu á yera ne, de á na wó taa zoore gare-laaro tei to.#1 Tim 2:9 4Á nam na wó fɔge á tete tei to jege se ko tɔge á bochara na ye tei ye ya seigi nɔɔna yiga ne to. Ko maŋe se á ta‑á nege nɔɔna mo lanyerane de bochare-zuru. Á ná fɔge á kwɛ á bochara se ya taa lana konto dwoŋi, ya lam dem daa bá chɔge, ye ko wó taa jege kuri lanyerane Wɛ tei ne. 5Kokuri, faŋa faŋa kaana balo na ye Wɛ nyem ye ba ke ba teena ded‑o to déem fɔge ba tete konto dwoŋi, de ba na sɛ ba pa ba banna to. 6Sara déem ye konto dwoŋi mo, ye o sɛ o baro Abaraham ni, de o na bwoŋi‑o we o yuu tu to. Abam de nam ye wonto bia mo, ne á ná ke keim-laaro ye á wo pɛ foone zo abam de kolokolo.
7Abam balo de na ye kan-banna to maŋe se á ta‑á nege á kaana de boboŋ-laaro konto dwoŋi mo. Á na zoore de á kaana bam tei to, ta‑á yei-na we ba yera bwona ya dwoi baara. Ba nam wó tɔge de abam ba na Wɛ ŋwe-doŋa kam o zaane dem ŋwaane. Konto to, á ta‑á pa-ba zula, se kolokolo yé che abam na lwoori kolo Wɛ tei ne to.#Efesia 5:25
Yaara taane
8Amo na lage a ta kolo a kweeli to mo ye se abam maama ta‑á jege boboŋe dedwe, se á ta‑á jege da-ŋwaŋa de da-swono, á na ye da-nu-bia to ŋwaane. Ta‑á jege-na á dwonna yibwona, se á daare á ta‑á tu á tete á pa daane. 9Nɔɔno ná ke wo-lɔŋɔ o yage abam yuu ne, se á yé jwoori á ke‑o konto dwoŋi. Nɔɔno ná twe abam, á daa yé tɔge á twe‑o, se á nam sɔɔle Wɛ swolim á yage o yuu ne.#1 Korinti 4:12 Kokuri, Wɛ na bwoŋi abam se á ta‑á tɔge‑o to, ko ye se á ba á jwoŋi o swolim mo. 10Ko popone Wɛ tɔnɔ kom ne we:
“Nɔɔno wolo maama ná lage se o na ŋwea ywoni,
kotu jege se o ja o tete mo
de ta-balwaaro ŋɔŋa de vwa fɔm.
11O nam jege se o yage totoŋ-lwanno keim,
se o daare o taa tɔge keim-laaro,
ye o kwaane o taa zoore de wo-zuru de ni-ywom.
12Kokuri, Baŋa Wɛ yeini o nii nɔn-ŋona baŋa ne mo,
ye ba wɛ-lworo de zo o zwa.
Ko nam ná ye wo-lwan-keira,
o yiga tera de-ba.”#Lei 34:12-16
13Abam ná seene á yia keim-laaro baŋa ne, wɔ mo wó wane o ke wo-lɔŋɔ o yage á yuu ne? 14Abam nam ná tɔge chega, ye nɔɔna yaare abam ko ŋwaane, á daa ta jege yu-ywoŋo mo. Á nam yé ta‑á fona de-ba, naa á ta‑á jege lwia.#Matiyu 5:10; 10:28 15Yezu Krista na ye abam Teiru to, á ta‑á kɔre‑o de boboŋ-laaro. Fɔge-na á che á boboŋa maŋa maama se á wane á leiri nɔɔno wolo maama na wó bwei abam se o lɔre á na ke tei á daŋe á teena Wɛ baŋa ne to. 16Ko nam maŋe se á leiri‑o de bochare-zuru de zula. Ta‑á ke-na wonnu telo á boboŋa na bere we te lana to, se nɔɔna ná yaale abam, se ko pa chaveera ja-ba, de ba na ŋɔɔne ba chɔge keim-laaro telo á na yeini á ke Yezu Krista ŋwaane to. 17Wɛ boboŋa mo ná lage se á ta‑á nae yaara á keim-laaro tem baŋa ne, konto lana ko dwoi á ná ke keim-balwaaro ye á yaare te ŋwaane. 18Kokuri, Yezu Krista déem tege bedwe mo se o ma ŋwe nabiina wɛleera jene maama. Ko maa ye nɔn-ŋom mo leiri nɔn-balwaaro yuu ne o te, se o wane o ke abam Wɛ jeŋa ne.#Izaya 53:11-12 O yera yam mo ba goa, ye o jworo kom pa se o daa ta na ŋwea Wɛ tei ne. 19O ma tɔge o jworo kom konto ŋwaane mo o vo nɔɔna balo jworru ba na pe churu ne to tei, se o tɔɔle Wɛ chega kam o bere-ba. 20Ko maa ye nɔɔna balo déem na ve Wɛ ni to jworru mo konto. Konto déem ye maŋa kalo Wɛ na peene o bane ye Noah wora o kwaare nabwor-kamunu kom se o ma jwoŋi o ŋwea to. Nɔɔna fenfee balo na zo nabworo kom wo to ye nana mo, ye ba tɔge na bam wo pa se Wɛ jwoŋi ba ŋwea.#Pulim 6:1–7:24 21Wɛ déem tɔge na bam ŋwaane mo o vere banto ŋwea, ye ko ye maana mo se ko bere á na jwoŋi sɛɛm ye Wɛ vere abam tei to. Á na jwoŋi sɛɛm to, ko dae á na swɛ á yera digiru ŋwaane tei to mo Wɛ mɛ o vere abam. Ko nam ye á na tɔge boboŋ-laaro mo á ma gwoni ni ded‑o to, ye ko tɔge o na bi Yezu Krista toone wone to ŋwaane mo. 22Wonto mo diini wɛyuu o jeini Wɛ jazem ne, ye malese sem, de dedɛɛra, de wonnu telo maama na jege dam to maa wo o dam kuri ne.
Currently Selected:
1 Piita 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
1 Piita 3
3
Kaana de ba banna taane
1Ko ná ye abam balo na ye kaana to, abam de jege se á sɛ á pa á banna konto dwoŋi mo. Ko maa wó pa se á banna bam badaara ya ná ve Wɛ taane dem, se ba laam maane á nɛ-bwora na ye tei, ye ba pipiri ba ba ba sɛ Wɛ, de á ná maŋe á wo puri á ni de. 2Ba maa wó lɔre á na kɔre Wɛ, ye á seene á tɔge chwoŋa de boboŋ-dɛɛra. 3Abam na wó ke tei se ko pa á ta‑á jege lam to, ko dae se á ta‑á fɔge á yera dedaane nenɔŋa wonnu, ne ko ná ye á na kwɛ á yuni tei, de á na ke sabu-seŋa wonnu á yera ne, de á na wó taa zoore gare-laaro tei to.#1 Tim 2:9 4Á nam na wó fɔge á tete tei to jege se ko tɔge á bochara na ye tei ye ya seigi nɔɔna yiga ne to. Ko maŋe se á ta‑á nege nɔɔna mo lanyerane de bochare-zuru. Á ná fɔge á kwɛ á bochara se ya taa lana konto dwoŋi, ya lam dem daa bá chɔge, ye ko wó taa jege kuri lanyerane Wɛ tei ne. 5Kokuri, faŋa faŋa kaana balo na ye Wɛ nyem ye ba ke ba teena ded‑o to déem fɔge ba tete konto dwoŋi, de ba na sɛ ba pa ba banna to. 6Sara déem ye konto dwoŋi mo, ye o sɛ o baro Abaraham ni, de o na bwoŋi‑o we o yuu tu to. Abam de nam ye wonto bia mo, ne á ná ke keim-laaro ye á wo pɛ foone zo abam de kolokolo.
7Abam balo de na ye kan-banna to maŋe se á ta‑á nege á kaana de boboŋ-laaro konto dwoŋi mo. Á na zoore de á kaana bam tei to, ta‑á yei-na we ba yera bwona ya dwoi baara. Ba nam wó tɔge de abam ba na Wɛ ŋwe-doŋa kam o zaane dem ŋwaane. Konto to, á ta‑á pa-ba zula, se kolokolo yé che abam na lwoori kolo Wɛ tei ne to.#Efesia 5:25
Yaara taane
8Amo na lage a ta kolo a kweeli to mo ye se abam maama ta‑á jege boboŋe dedwe, se á ta‑á jege da-ŋwaŋa de da-swono, á na ye da-nu-bia to ŋwaane. Ta‑á jege-na á dwonna yibwona, se á daare á ta‑á tu á tete á pa daane. 9Nɔɔno ná ke wo-lɔŋɔ o yage abam yuu ne, se á yé jwoori á ke‑o konto dwoŋi. Nɔɔno ná twe abam, á daa yé tɔge á twe‑o, se á nam sɔɔle Wɛ swolim á yage o yuu ne.#1 Korinti 4:12 Kokuri, Wɛ na bwoŋi abam se á ta‑á tɔge‑o to, ko ye se á ba á jwoŋi o swolim mo. 10Ko popone Wɛ tɔnɔ kom ne we:
“Nɔɔno wolo maama ná lage se o na ŋwea ywoni,
kotu jege se o ja o tete mo
de ta-balwaaro ŋɔŋa de vwa fɔm.
11O nam jege se o yage totoŋ-lwanno keim,
se o daare o taa tɔge keim-laaro,
ye o kwaane o taa zoore de wo-zuru de ni-ywom.
12Kokuri, Baŋa Wɛ yeini o nii nɔn-ŋona baŋa ne mo,
ye ba wɛ-lworo de zo o zwa.
Ko nam ná ye wo-lwan-keira,
o yiga tera de-ba.”#Lei 34:12-16
13Abam ná seene á yia keim-laaro baŋa ne, wɔ mo wó wane o ke wo-lɔŋɔ o yage á yuu ne? 14Abam nam ná tɔge chega, ye nɔɔna yaare abam ko ŋwaane, á daa ta jege yu-ywoŋo mo. Á nam yé ta‑á fona de-ba, naa á ta‑á jege lwia.#Matiyu 5:10; 10:28 15Yezu Krista na ye abam Teiru to, á ta‑á kɔre‑o de boboŋ-laaro. Fɔge-na á che á boboŋa maŋa maama se á wane á leiri nɔɔno wolo maama na wó bwei abam se o lɔre á na ke tei á daŋe á teena Wɛ baŋa ne to. 16Ko nam maŋe se á leiri‑o de bochare-zuru de zula. Ta‑á ke-na wonnu telo á boboŋa na bere we te lana to, se nɔɔna ná yaale abam, se ko pa chaveera ja-ba, de ba na ŋɔɔne ba chɔge keim-laaro telo á na yeini á ke Yezu Krista ŋwaane to. 17Wɛ boboŋa mo ná lage se á ta‑á nae yaara á keim-laaro tem baŋa ne, konto lana ko dwoi á ná ke keim-balwaaro ye á yaare te ŋwaane. 18Kokuri, Yezu Krista déem tege bedwe mo se o ma ŋwe nabiina wɛleera jene maama. Ko maa ye nɔn-ŋom mo leiri nɔn-balwaaro yuu ne o te, se o wane o ke abam Wɛ jeŋa ne.#Izaya 53:11-12 O yera yam mo ba goa, ye o jworo kom pa se o daa ta na ŋwea Wɛ tei ne. 19O ma tɔge o jworo kom konto ŋwaane mo o vo nɔɔna balo jworru ba na pe churu ne to tei, se o tɔɔle Wɛ chega kam o bere-ba. 20Ko maa ye nɔɔna balo déem na ve Wɛ ni to jworru mo konto. Konto déem ye maŋa kalo Wɛ na peene o bane ye Noah wora o kwaare nabwor-kamunu kom se o ma jwoŋi o ŋwea to. Nɔɔna fenfee balo na zo nabworo kom wo to ye nana mo, ye ba tɔge na bam wo pa se Wɛ jwoŋi ba ŋwea.#Pulim 6:1–7:24 21Wɛ déem tɔge na bam ŋwaane mo o vere banto ŋwea, ye ko ye maana mo se ko bere á na jwoŋi sɛɛm ye Wɛ vere abam tei to. Á na jwoŋi sɛɛm to, ko dae á na swɛ á yera digiru ŋwaane tei to mo Wɛ mɛ o vere abam. Ko nam ye á na tɔge boboŋ-laaro mo á ma gwoni ni ded‑o to, ye ko tɔge o na bi Yezu Krista toone wone to ŋwaane mo. 22Wonto mo diini wɛyuu o jeini Wɛ jazem ne, ye malese sem, de dedɛɛra, de wonnu telo maama na jege dam to maa wo o dam kuri ne.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)