ឞ្យៈ 5

ង៉ៈ អិត ឞ៊ិ ហ្មវ ឋ្ងាំង

1ឋឍើយ មឹង អ៊្នុន ម៉ូសេ ឋ្វា ញូ អ៊ើរ៉ុន ណាវ ពើ ផារ៉ន ឝញូ ពហ្យាប់ម៍ ឡៃគ៖

«នែ យ៉ឹះ គ្លើយ ពហ្យាប់ម៍ យេហូវ៉ា យ៉ាង មត សុន-សាត អ៊ីស្រាអ៊ែល ញូ ឡៃគ៖

“ឞ៊្រើយ ណាគ ព្លើយ ឡាន កវ ឞ្យៈ ណាវ វ៉គ់ ច្យាំងម៍ ឝញូ ង៉ៈ យ៉ាង ប៉្យល់ កវ ឋាប់ បង់ មញុំ ពើ ចល ឋឋាងម៍”»។

2ប៉្លៃ ផារ៉ន ទីល ឝ្ល៉ៃគ៖ «លើយ យេហូវ៉ា ច្យាំងម៍ កវ ហ៊្មិ ទុយ ញូ ឋាប់ ឞ៊្រើយ មត សុន-សាត អ៊ីស្រាអ៊ែល ឞ្យៈ ណាវ? កវ ឞ៊ិ ថវ ក្ងាន់ យេហូវ៉ា អុះ វ៉ត់ កវ ឞ៊ិ ឞ៊្រើយ មត សុន-សាត អ៊ីស្រាអ៊ែល ឞ្យៈ ណាវ លែ»។#អាន ឞ្យៈ 3:19។ 3នុន ម៉ូសេ ឋ្វា ញូ អ៊ើរ៉ុន ពហ្យាប់ម៍ ឋង់៖ «យ៉ាង មត សុន-សាត ហេឞ៊្រើ មើយហ៍ ញូ រ៉ៃ ពើ មើយហ៍ ឞស និងហ៍ នុន យ៉ឹះ ឋ្វេះ មឹង អ៊ិះម៍ ឞ៊្រើយ មើយហ៍ ឞ្យៈ ណាវ ឞាត តាំ ចល ឋឋាងម៍ តាស ក្លវ រើយ ឞាត ច្យាំងម៍ ង៉ៈ យ៉ាង យេហូវ៉ា យ៉ាង មើយហ៍ ហ៊្វិម៍ ញូ ឞា រ៉ៃ គ្លើយ អ្យៃ គ្លីន លើ ដាវ ច្យាំងម៍ ពអ្យៃ លយ មើយហ៍»។ 4ប៉្លៃ ពតាវ ចាល អេឈិប ពហ្យាប់ម៍ ហ្ងំ ឝញូ ញូ ឡៃគ៖ «អ៊ើ ម៉ូសេ អ៊ើ អ៊ើរ៉ុន យ៉្វា យ៉ិត ឝិះ ង៉ៈ ពគី លយ ឞ្វៈម៍ ណាគ ព្លើយ ឡាន ឡិ? វ៉ត់ ឝ្ល៉ៃគ ង៉ៈ ឞ្វៈម៍ ឝិះ វ៉គ់!» 5ផារ៉ន ពហ្យាប់ម៍ ឋង់៖ «នេនែ ណាគ ព្លើយ ឡាន អ៊ីស្រាអ៊ែល មឹង ចាល នែ ហ្មវ ល ឆាត ប៉្លៃ ឝិះ ង៉ៈ ឞ៊្រើយ ឝញូ ឞឍើយ មឹង ឞ្វៈម៍ ឝញូ»។ 6មឹង រើយ នុន មឹន ផារ៉ន ពឌើយ មត ខ្វា វ៉ៃ-ឡាំងហ៍ ឞ្វៈម៍ ណាគ ព្លើយ ឡាន ឋាប់ មត ឞា កគ់ មត ហ៊្លុន#5:6 មត ខ្វា វ៉ៃ-ឡាំងហ៍ ឞ្វៈម៍ នុន សុន-សាត អេឈិប។ ឝញូ រិះ មត សុន-សាត អ៊ីស្រាអ៊ែល ពអ្នះ ឞឋគ ឞ៊្រើយ ឝញូ ឞា កគ់ មត ហ៊្លុន ណាគ ច អ៊ីស្រាអ៊ែល។ ញូ ឡៃគ៖ 7«ទើល ណាគ ព្លើយ ឡាន ង៉ៈ អិត ឝអ៊ិះម៍ អ្នាំ ឞ៊្រើយ ឝញូ ឋ្ងាំង ឋៃ ហ្លា ទី អាហ្លវ ឋង់ អុះ ឞ៊្រើយ ឝញូ ណាវ ស៊ែម ឋ្ងាំង ឋៃ ឝញូ ព វ៉គ់។ 8វ៉ត់ អ្នាំ ពទ្រុន ឞ៊្រើយ ឝញូ អុះ ឞ៊្រើយ ឝញូ ង៉ៈ អិត ទមម៍ ឍើម ណគ ហាដាប់ ហ្លា ទី ឝញូ ឆ្វាត់ ង៉ៈ អាហ្លវ។ យ៉្វា ឝញូ មនូស អាឡះ នុន យ៉ឹះ ឝញូ មឹង អូល ឋាប់ ឋ្វេះ ឡៃគ “ឞ៊្រើយ មើយហ៍ ឞ្យៈ ណាវ ង៉ៈ យ៉ាង មើយហ៍”។ 9ឞ៊្រើយ ឝអ៊ិះម៍ ចិ ធីម ឞ៊្រើយ ឞ្វៈម៍ មត ដះគើយ ត្រៈ ហ្លោះ ឋង់ ច្យាំងម៍ ឝញូ ង៉ៈ ឝ្និត ឝញូ ហ្វៃម៍ វ៉ន់-វ៉ៃ មឹង គ្លើយ ពហ្យាប់ម៍ ប៊្លើល នុន»។

10នុន មត ខ្វា វ៉ៃ-ឡាំងហ៍ ឞ្វៈម៍ ណាគ ព្លើយ ឡាន ឋាប់ មត ឞា កគ់ មត ហ៊្លុន ឝញូ ឞ្យៈ ណាវ រ៉ៈ ឞ៊្រើយ មត ណាគ ព្លើយ ឡាន អ៊ីស្រាអ៊ែល ឝញូ ឡៃគ៖

«នែ យ៉ឹះ គ្លើយ ផារ៉ន ពតៈ ឞ៊្រើយ ឝអ៊ិះម៍៖

“កវ ឞ៊ិ ឞ៊្រើយ ឝិះ ឋ្ងាំង ឋៃ ឋង់ តះ 11ឞ៊្រើយ ឝិះ ណាវ ស៊ែម ឋ្ងាំង ឋៃ ឝិះ ព ពើ បន ប៉ៈ ឝិះ បុះ។ ប៉្លៃ កវ ឋង់ ម៉ៈ ហា សិត កវ ឞ៊ិ ពទ្រុន ឞ៊្រើយ ឞ្វៈម៍ ឝិះ លែ”»។

12និងហ៍ នុន យ៉ឹះ ណាគ ព្លើយ ឡាន ឞ្យៈ យហ៍ ឆប់-ឆាង តាំ ចាល អេឈិប ច្យាំងម៍ ស៊ែម ភុន ឋ្ងាំង អា ក្លាស លយ តាង ឞ៊្រើយ ឋ្ងាំង ហ្យាមម៍។ 13ប៉្លៃ មត ខ្វា វ៉ៃ-ឡាំងហ៍ ឞ្វៈម៍ ឝញូ ពទ្រុត ណាគ ព្លើយ ឡាន ឝញូ ឡៃគ៖ «ឞ៊្រើយ ង៉ៈ ឞឆ្រង់ លយ ឞ្វៈម៍ រ៉ាំង ចិ ឞ៊្រើយ ឝិះ ង៉ៈ រិម រើយ ឋម៝ ហ្លា ទី ឝិះ ហ្មវ ឋ្ងាំង ឋៃ ប៉ះ អាហ្លវ មឹន»។ 14ឆ្រង់ នុន មត ខ្វា វ៉ៃ-ឡាំងហ៍ ឞ្វៈម៍ ឝញូ តេះ មត ឞា កគ់ មត ហ៊្លុន#អាន ឞ្យៈ 5:6។ ណាគ ច អ៊ីស្រាអ៊ែល ឋាប់ ឝញូ ក្ញា៖ «យ៉្វា យ៉ិត រើយ ក្លាំម៍-ឞ៊្រើយ ឋាប់ រើយ នែ ឝអ៊ិះម៍ ង៉ៈ អិត ឞ៊ិ ទមម៍ ហ្លា ទី អាហ្លវ ឡិ?»។

15ឆ្រង់ នុន មត ឞា កគ់ មត ហ៊្លុន ណាគ ច អ៊ីស្រាអ៊ែល ឝញូ ណាវ ពហ្យាប់ម៍ អាលមហ៍ ផារ៉ន៖ «យ៉្វា យ៉ិត អ៊ិះម៍ ង៉ៈ និងហ៍ នុន មឹង មត មើយហ៍ ហ៊្លុន អ៊ិះម៍? 16រ៉ាំង ឞ៊ិ ផា ឞ៊្រើយ មើយហ៍ ឋ្ងាំង ឋង់ តះ នុន ឝញូ ឡៃគ “ឞ៊្រើយ ង៉ៈ អិត វ៉គ់!” នេនែ ឋង់ រ៉ាំង តេះ មើយហ៍ ហ៊្លុន អ៊ិះម៍ ប៉្លៃ គ្លើយ នែ ណាគ ព្លើយ ឡាន អ៊ិះម៍ ព យ៉ឹះ ង៉ៈ ឝ្ល៉ៃគ»។ 17ផារ៉ន ទីល ឝ្ល៉ៃគ៖ «ឝិះ មនូស អាឡះ ឝិះ អាឡះ ឆាត! យ៉្វា និងហ៍ នុន យ៉ឹះ ឝិះ ឡៃគ “ឞ៊្រើយ មើយហ៍ ឞ្យៈ ណាវ ង៉ៈ យ៉ាង យេហូវ៉ា”។ 18នេនែ ឞ៊្រើយ ឝិះ វ៉ត់ ឝ្ល៉ៃគ ង៉ៈ ឞ្វៈម៍ វ៉គ់។ រ៉ាំង ឞ៊ិ ឞ៊្រើយ ឝិះ ឋ្ងាំង ឋង់ តះ ឞ៊្រើយ ឝិះ ង៉ៈ អិត ទមម៍ ឍើម ណគ ហាដាប់»។ 19និងហ៍ នុន យ៉ឹះ មត ឞា កគ់ មត ហ៊្លុន ណាគ ច អ៊ីស្រាអ៊ែល បុះ ឡៃគ ឝញូ ហ្មវ គ្លើយ ក្នាប-តាប ឞស យ៉្វា ពតាវ ឡៃគ ឞ៊្រើយ ឝញូ ង៉ៈ អិត ហ្លា ទី ឝញូ ឆ្វាត់ ង៉ៈ រិម រើយ ញូ ឞ៊ិ ពទ្រុន ឞ៊្រើយ អុះ។ 20ទើល មត ឝញូ ឞ្យៈ ដ្វិ មឹង ផារ៉ន ឝញូ ប៉គ ម៉ូសេ ឋ្វា ញូ អ៊ើរ៉ុន ឋគ យ៉ង មត ឝញូ។ 21មត ឝញូ ពហ្យាប់ម៍ ហ្ងំ ម៉ូសេ ឋ្វា ញូ អ៊ើរ៉ុន៖ «ឝអ៊ិះម៍ ង៉ៈ ឞ៊្រើយ ផារ៉ន ឋាប់ មត ខ្វា ង៉ៈ ឞ្វៈម៍ ញូ ហអប់ម៍ មើយហ៍#5:21 ឝអ៊ិះម៍ ង៉ៈ ឞ៊្រើយ ផារ៉ន ឋាប់ មត ខ្វា ង៉ៈ ឞ្វៈម៍ ញូ ហអប់ម៍ មើយហ៍ ហេឞ៊្រើ ឡៃគ «ឝអ៊ិះម៍ ង៉ៈ ឞ៊្រើយ មើយហ៍ បវ ឞ៊្ងុ ទី ណាប់ ផារ៉ន ឋាប់ មត ខ្វា ង៉ៈ ឞ្វៈម៍ ញូ»។ នុន ហ្លា ទី ឝអ៊ិះម៍ ច្រោះ ដាវ មឹង ង៉ាន ឝញូ ច្យាំងម៍ ពអ្យៃ លយ មើយហ៍។ យ៉្វា នុន យ៉ឹះ ឞ៊្រើយ យេហូវ៉ា អ៊ែបម៍ ទ្រុន ឝអ៊ិះម៍ ឆ្រង់ នុន ត្រិ កឌី ឝអ៊ិះម៍ វ៉គ់»។ 22ឆ្រង់ នុន ម៉ូសេ វ៉ត់ ឝ្ល៉ៃគ ពើ យេហូវ៉ា ញូ ពហ្យាប់ម៍ ឡៃគ៖ «អ៊ើ ខ្វា យ៉ាង យ៉្វា យ៉ិត អ៊ិះម៍ ង៉ៈ ស៊ែតម៍ មឹង ណាគ ព្លើយ ឡាន នែ? យ៉្វា យ៉ិត អ៊ិះម៍ ពឌើយ កវ រ៉ៃ ពើ អ៊្នែ? 23ទគ មឹង កវ ណាវ ពហ្យាប់ម៍ ហ្ងំ ផារ៉ន មឹង បគ អ៊ិះម៍ នុន ញូ ង៉ៈ ស៊ែតម៍ មឹង ណាគ ព្លើយ ឡាន នែ ប៉្លៃ អ៊ិះម៍ ឋង់ អ៊ិះម៍ ឞ៊ិ ពក្លាស ឆ្ងា ណាគ ព្លើយ ឡាន អ៊ិះម៍»។

Currently Selected:

ឞ្យៈ 5: JKB

Highlight

Copy

Compare