رومية 15

الفصل خمسطاش

1حنايَ الّي عندنا الإيمان القوي خصْنا نتحمّلو الضعافين في الضُّعف ديالوم فْعَوط ما نعملو ديك الشي الّي كَيْعجبنا. 2كُل واحد منّا خصّوْ يرضي جارو نالخَير باش يبني الحياة ديالو. 3حيت حتّى المسيح ما رضى شي نفسو، وَلكن، فحال ما هُوَ مكْتوب: "التزْبيلات د الناس الّي زبّلو فيك طاحو عليَّ."#15‏:3 هَد الاقتباس من المزمور 69‏:9. 4حيت كُل شي الّي تكتب من قبل، تكتب نالتعْليم ديالنا باش يكون عندنا الرجا بالصبر والتّعْزيّة الّي هُمَ من الكتوبة المقدّسة. 5وْكنطلب الإلَه د الصبر والتّعْزيّة يعطيكُم تفكير واحد بيناتكُم على حسب المسيح يَسوع، 6باش ت‍مجّدو الإلَه والآب د رَبّنا يَسوع المسيح بْنفس واحدة وْصوت واحد. 7على ديك الشي قبلو بعضيّاتكُم كيفْما المسيح قبلكُم نالمجد د اللّٰه. 8حيت كنقول لكُم بلّي يَسوع المسيح رجع الخدّام د اليهود المطهّرين باش يظهّر صدق اللّٰه، يعني، باش يتبّت الوعود الّي اتّعطات نالجدود، 9وْباش الأُمَم ي‍مجّدو اللّٰه بْسباب الرحْمة ديالو لِلوم، فحال ما هُوَ مكْتوب: "على ديك الشي غادي نسبّحك بين الأُمَم وْغادي نرنّم نِاسمك."#15‏:9 هَد الاقتباس من المزمور 18‏:49. 10وْكيقول عاود: "فرحو، آ الأُمَم، مع شعب اللّٰه."#15‏:10 هَد الاقتباس من سفر التثنية 32‏:43. 11وْعاود "سبّحو نالرَّبّ، آ جميع الأُمَم، وْشكروه، آ الشعوب كاملين."#15‏:11 هَد الاقتباس من المزمور 117‏:1. 12وْكيأكّد إشَعْيا: "غادي ينبت الجدر د يَسّى وْغادي يوقف باش يحكم على الأُمَم، فيه غادي يعملو الشعوب الرجا ديالوم."#15‏:12 هَد الاقتباس من سفر النَّبي إشعيا 11‏:10. 13وإلَه الرجا يعمّركُم أنتُمَ الّي كتآمنو بِه بْكُل فرْحة وْسلام باش يفيض منكُم الرجا بْقوّة الروح القُدُس.

14وانا، آ خوتي، متيقّن من جهتكُم بلّي كيفيض منكُم اللطف، وْبلّي أنتُمَ معمّرين بْكُل المَعْرفة، قادرين باش تنصحو بعضيّاتكُم. 15وَلكن كتبْتْ لكُم، آ الخوت، بْصراحة على بعض الأُمور باش نفكّركُم بالنعْمة الّي اتّعطات لي من عند اللّٰه 16باش نكون خدّام د يَسوع المسيح عند الأُمَم. أنا كنخدم الإنجيل د اللّٰه فحال واحد القسّيس#15‏:16 قسّيس: يعني، رَجل الدين باش يكونو الأُمَم واحد الدبيحة مقْبولة عند اللّٰه وْمقدّسة بالروح القُدُس. 17إدَن، كنفْتَخر في المسيح يَسوع في الخدْمة ديالي ناللّٰه، 18حيت ما غادي شي نزعم نهدَر معكُم على شي حاجة من غير ديك الشي الّي عمل المسيح على يَدّي، بالكلام والفعل، باش يطيعوه الوَتَنيّين. 19عمل علامات وْمُعْجزات عظيمة بْقوّة روح اللّٰه. وْهَيداك كمّلْتْ التبْشير بالإنجيل د المسيح من أُورُشَليم والمناطق القريبة مِنّاْ حتّى نإلّير. 20حيت الهدف ديالي كان نبشّر بالإنجيل في الموطَع فاين المسيح ما كان شي مدكور فيه من قبل باش ما نبني شي على اللساس د شي واحد يَخُر. 21وَلكن فحال ما هُوَ مكْتوب: "هَدوك الّي ما ساقو شي الخبار عليه، غادي يشوفو، والّي ما سمعو شي بِه، غادي يفهمو."#15‏:21 هَد الاقتباس من سفر النَّبي إشعيا 52‏:15.

22على ديك الشي اتّحصرْتْ بزّاف د المرّات باش نجي نْعندكُم. 23وَلكن دابا، حيت ما بقا حتّى موطَع في هَد المناطق فاين نخدم، وْهَدي مدّة وانا توحشْتْ نشوفكُم، 24وانا كَنْتمنّى نشوفكُم ملي نݣوز عليكُم في الطريق ديالي نِاسْبانيا، وْتعاونوني على السفر ديالي، من بعدما نݣوّز معكُم شي وقت مزيان وْنفرحو بْبعطنا. 25وَلكن دابا أنا ماشي نأُورُشَليم باش ندّي المساعدة نالقدّيسين. 26حيت أهل مَكدونيّة وأَخائية بغاو يجمعو واحد المعاونة نالمساكن الّي بين القدّيسين الّي هُمَ في أُورُشَليم. 27بغاو يعملو هَد الشي بالنيّة المزْيانة وْهُمَ المدْيونين ديالوم. حيت إدا كانو شاركو مع الأُمَم في البركات الروحيّة، إدَن، هَدو مدْيونين في دَوروم يخدموهُم في الأُمور المادّيّة. 28وْملّي نكمّل ديك الشي وْندفع لوم هَد الغلّة في يَدّوم، غادي نطلّل عليكُم في الطريق ديالي نِاسْبانيا. 29أنا عارف بلّي، ملّي نشوفكُم، غادي نجي معمّر بالبركة د إنجيل المسيح. 30كنطلب منكُم، آ الخوت، بْرَبّنا يَسوع المسيح وْبْ‍محبّة الروح، تعاونوني بالدُّعاء من جهتي ناللّٰه 31باش ننجا من الناس الّي ما كَيآمنو شي في بلاد اليَهوديّة وْباش تكون الخدْمة ديالي مقْبولة عند الخوت القدّيسين في أُورُشَليم. 32هَيداك بإرادة اللّٰه غادي نوصل نْعندكُم فرحان وْغادي نقدر نرتاح معكُم شي وقت. 33إلَه السلام يكون معكُم كاملين. آمين

Currently Selected:

رومية 15: ary

Highlight

Copy