عبرانيين 8
8
الفصل التامن
1وْدابا النقْطة الرئيسيّة د الكلام هي بلّي عندنا واحد رئيس المسْؤولين في بيت العبادة الّي ݣلس على الّيمين د عرش الجلالة في السما، 2الّي كيخدم في الموطَع المقدّس، يعني السُّكنى الحقيقيّة، الّي عملاْ الرَّبّ، ماشي البشر. 3حيت كَيْتكلّف كُل رئيس المسْؤولين بْتقْديم القرابين والدبايح. على ديك الشي خصّوْ تكون عند رئيس المسْؤولين ديالنا شي حاجة يقدّماْ حتّى هُوَ. 4وْكَكان يَسوع على الأرض، ما يكون شي قسّيس، حيت كاينين المسْؤولين الّي كَيْقدّمو القرابين على حسب الشريعة. 5ديك المسْؤولين كَيْخدمو في الموطَع المقدّس الّي كيشبه نِلّي كاين في السما، فحال ما تبيّن نْموسى ملّي كان غادي يبني خَيمة الاجْتماع وْقال لو: "ردّ بالك باش تعمل كُل شي فحال الشكل الّي تورّى لك في الجّبل."#8:5 هَد الاقتباس من سفر الخروج 25:40. 6وَلكن الخدْمة د القسّيس الّي شبّراْ يَسوع هي أفضل من الخدْمة ديالوم، حيت هُوَ الوسيط د واحد العهد حسَن، الّي مأسّس على وعود حسَن.
7حيت كَكان هَد العهد الُوّل كامل، كَكان ما خصّوْ شي يكون عهد تاني، 8وَلكن اللّٰه كيلوم الناس وْكيقول: "غادي تجي أيّام، كيقول الرَّبّ، الّي فيها غادي نكمّل واحد العهد جديد مع دار إسْرائيل وْمع دار يَهودا. 9ما غادي شي يكون عهد فحال هَداك الّي عملْتوْ مع جدودوم النهار الّي شبّرْتوم من يَدّوم وْخرّجْتوم من مصر، حيت ما تبتو شي في العهد ديالي وْسمحْتْ فيهُم، كيقول الرَّبّ. 10وْهَدا هُوَ العهد الّي غادي نعملوْ من بعد ديك الأيّام مع الدار د إسْرائيل، كيقول الرَّبّ. غادي نجعل الشريعة ديالي في عَقلوم وْغادي نكتباْ في قلبوم، وانا غادي نكون الإلَه ديالوم وْهُمَ غادي يكونو الشعب ديالي. 11وْما غادي يعلّم حتّى واحد الجار ديالو وْحتّى واحد ما غادي يقول نخاه: «عرف الرَّبّ!»، حيت كاملين من الصغير نالكبير غادي يعرفوني. 12حيت أنا غادي نسمح نالمعاصي ديالوم وْعُمري ما غادي نعقل على الدنوب ديالوم."#8:12 هَد الاقتباس من سفر النَّبي إرْميا 31:31-34.
13ملّي قال اللّٰه بلّي هَد العهد "جديد،" ردّ العهد الُوّل قديم، وْكُل شي الّي كيرجع قديم وْبالي، كيكون علاين يغْبر.
Currently Selected:
عبرانيين 8: ary
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Instituto de Asistencia Teológica (IAT)
