عبرانيين 5

الفصل الخامس

1حيت كُل رئيس المسْؤولين هُوَ مخْتور من بين الناس وْمخصّص باش ينوب على الشعب ديالو قدّام اللّٰه ويقدّم العطايا والدبايح على الدنوب، 2وْهُوَ قادر يصبر مع الجاهلين والّي خارجين على الطريق، حيت هُوَ بْنفسو تحت الضُّعف. 3وْبْسباب هَد الضعف، كيفْما كيقدّم الدبيحة على الدنوب د الشعب، هَيدا كيعمل على الدنوب ديالو حتّى هُوَ. 4وْحتّى واحد ما كَيْتوصّل بْهَد الشرف بْنَفسو، وَلكن كَيْقبطوْ الّي معيّط عليه اللّٰه، كيفْما وقَع مع هارون. 5حتّى المسيح ما مجّد شي نفسو بَياش يرجع رئيس المسْؤولين، وَلكن الّي قال لو: "أنتينا بني، أنا اليوما ولدْتك."#5‏:5 هَد الاقتباس من المزمور 2‏:7. 6فحال ما قال عاود في شي موطَع يَخُر: "أنتينا قسّيس#5‏:6 يعني "رَجل الدين" في اليَهوديّة أولا المسيحية. على الدوام حسب الرتْبة د مَلْكي صادِق."#5‏:6 هَد الاقتباس من المزمور 110‏:4. 7والمسيح، في الأيّام د الجسد ديالو، قدّم الطلبات والرغبات بْصوت عالي وْبالدموع نْهَداك الّي قدر ينجّيه من الموت، واسْتاجب لو اللّٰه على حسب التقْوى ديالو. 8واخّا كان الِابن ديالو، تعلّم الطاعة بْديك الشي الّي تعدّب بِه. 9وْملّي رجَع كامل، رجَع مصْدر النجا الأبدي نالناس كاملين الّي كَيْطيعوه. 10واللّٰه عَيّط لو رئيس المسْؤولين حسب الرتْبة د مَلْكي صادِق.

11على هَد الموضوع عندنا بزّاف د الكلام ما نقولو، وْصعيب باش نشرحوه لكُم، حيت أنتُمَ رجعْتو تقالين في الفهم. 12وْكان خصْكُم تكونو مُعلّمين من شحال هَدي، وَلكن أنتُمَ باقّين محْتاجين نِلّي يعلّمكُم الأُمور الُولى د كلام اللّٰه، وْرجعْتو محْتاجين نالحليب وْماشي نالماكلة القويّة، 13حيت الّي كيعيش بالحليب باقي سْتيتو وْما عندو شي الخِبرة في كلام التقْوى. 14وَلكن الماكلة القويّة نِلّي ناضجين، حيت تدرّبو مزيان وْعارفين يميّزو ما بين الخَير والشَّرّ.

Currently Selected:

عبرانيين 5: ary

Highlight

Copy

Compare