عبرانيين 2

الفصل التاني

1على ديك الشي خصْنا نردّو بالنا، مركّزين على ديك الشي الّي سمعْنا باش ما نضيّعو شي الطريق. 2حيت إدا الرسالة الّي كَيْتكلّمو بِها الملائكة بقاتْ تابتة وْكُل تعدّي وْمعْصيّة تخلّصَتْ بالعقوبة العادلة، 3كيفاش غادي نفلتو حنايَ إدا سمحْنا في هَد النجا العظيم؟ الرَّبّ خبر بْهَد النجا في الُوّل، وْهَدوك الّي سمعوه تبّتوه نّا. 4شهد اللّٰه معهُم بالعلامات والعجايب والمُعْجزات المخْتَلفة والمواهب د الروح القُدُس الّي فرّقاْ#2‏:4 يعني، الروح القُدُس فرّق المواهب. بْحسب الإرادة ديالو.

5حيت اللّٰه ما طوّع شي العالم الماجي، الّي كَنْتكلّمو عليه، تحت السلْطة د الملائكة. 6وَلكن شي واحد شهد في شي موطَع وْقال: "شكون هُوَ الإنسان باش تفكّر فيه وِابن الإنسان باش تطلّل عليه؟ 7ردّيتِه أقلّ شويّش من الملائكة، وْعْطيتِه التاج د المجد والكرامة وْجعلْتِه حاكم على الأعْمال د اليَدّين ديالك، 8وْطوّعْتِ كُل شي تحت الرِّجلين ديالو."#2‏:8 هَد الاقتباس من المزمور 8‏:4‏-6. وْحيت اللّٰه طوّع لو كُل شي، ما خلّى والو الّي ماشي تحت السلْطة ديالو. وَلكن باقي ما كَنْشوفو شي كُل شي مطوّع لِلو. 9وَلكن كَنْشوفو يَسوع، الّي اتّجعل أقلّ شويّش من الملائكة وْعلى راسو التاج د المجد والكرامة، حيت تعدّب بالموت باش يدوق الموت من جهتنا كاملين بْنعْمة اللّٰه.

10كان يليق ناللّٰه، الّي خلق كُل شي وْبِه كُل شي كاين، يكمّل هَداك الّي هُوَ القايد د النجا ديالوم بواسطة العداب، حيت بغى يڭوّد بزّاف د الولاد نالمجد ديالو. 11حيت الّي كيقدّس والمقدّسين كاملين من أصل واحد، وْعلى هَد الشي المسيح ما كيحشم شي يسمّيهُم خوت، 12وْكيقول: "غادي نخبر خوتي بِاسمك، وْفوسط الجماعة غادي نسبّحك."#2‏:12 هَد الاقتباس من المزمور 22‏:22. 13وْعاود كيقول: "أنا غادي نتيق فيه." وْكيزيد: "ها انا مع الولاد الّي اللّٰه عْطاهُم لي."#2‏:13 هَد الاقتباس من سفر النَّبي إشعيا 8‏:17‏-18. 14من حيت الولاد اشْتَركو في اللحم والدم، اشْتَرك حتّى هُوَ معهُم باش يقضي بالموت على هَداك الّي عندو السلْطة د الموت، الّي هُوَ إبْليس، 15ويحرّر هَدوك الّي كانو طول الحياة ديالوم تحت العُبوديّة، خوفانين من الموت. 16حيت في الحقيقة المسيح ما جا شي باش يعاون الملائكة، وَلكن باش يعاون الدرّيّة د إبْراهيم. 17على ديك الشي كان خصّوْ يشبه نالخوت ديالو في كُل شي باش يكون رئيس المسْؤولين على بيت العبادة، رحيم وأمين في الأُمور ديال اللّٰه باش يكفّر على دنوب الشعب. 18حيت هُوَ بْنفسو تعدّب وْتجرّب، هُوَ قادر باش يعاون الّي كَيْتجرّبو.

Currently Selected:

عبرانيين 2: ary

Highlight

Copy

Compare