عبرانيين 1

الفصل الأوّل

1اللّٰه تكلّم في قديم الزمان بزّاف د المرّات وْبْطُرُق مخْتَلفة مع الجدود ديالنا باللسان د الأَنْبياء، 2وْدابا تكلّم معنا في هَد الأيّام الاخّرية بِابنو الّي جعلوْ وارت د كُل شي، الّي بِه خلق الدنيا. 3والِابن هُوَ النور د المجد د اللّٰه، والتصْويرة بْنفساْ د اللُّبّ ديالو، والّي رافد كُل شي بالكلمة د القُدرة ديالو. من بعدما طهّر الدنوب ديالنا، ڭلس على الّي‍مين د الجلالة في العلو، 4وْكان عظيم من الملائكة بْمقْدار أنّو ورَت واحد الِاسم عظيم من اِسموم.

5حيت لِمّن مِن الملائكة عُمرو قال اللّٰه: "أنتينا بني، أنا اليوما ولدْتك؟"#1‏:5 هَد الاقتباس من المزمور 2‏:7. وْعاود قال: "أنا غادي نكون لو باباه وْهُوَ غادي يكون لي بني."#1‏:5 هَد الاقتباس من سفر صَموئيل التاني 7‏:14. 6وْمرّة يَخرى، ملّي اللّٰه صيفط البكر ديالو نالدنيا، كيقول: "يسجدو لو الملائكة د اللّٰه كاملين."#1‏:6 هَد الاقتباس من سفر التثنية 32‏:43 حسب الترجمة اليونانية السبعينية. 7وْبالنسبة نالملائكة كيقول: "اللّٰه كيجعل الملائكة ديالو أرْواح والخدّامة ديالو لهْبة د العافية."#1‏:7 هَد الاقتباس من المزمور 104‏:4. 8وَلكن نالِابن كيقول: "العرش ديالك، يا اللّٰه، هُوَ تابت على الدوام دائمًا. قطيب السلْطة د المُلك ديالك قطيب العدل. 9حبّيتِ التقْوى وْكرهْتِ الشَّرّ. على ديك الشي دهنك اللّٰه إلَهك بالزيت د الفرْحة كتَر من صحابك."#1‏:9 هَد الاقتباس من المزمور 45‏:6‏-7. 10وْقال عاود: "أنتينا، يا رَبّي، في البداية أسّسْتِ الأرض، والسَّماوات هُمَ الخدْمة د اليَدّين ديالك. 11هُمَ غادي يفْناو، وَلكن أنتينا كتبقا وْكاملين غادي يبلاو فحال شي توب، 12وْغادي تطويها فحال شي حوايج، وْهِيَ غادي تـتبدّل، وَلكن أنتينا هُوَ أنتينا، والسنين ديالك ما غادي شي يتقاضاو."#1‏:12 هَد الاقتباس من المزمور 102‏:25‏-27. 13وْلمّن من الملائكة عُمرو قال اللّٰه: "ڭلس على الّي‍مين ديالي حتّى نردّ عدْيانك تحت رِجلك؟"#1‏:13 هَد الاقتباس من المزمور 110‏:1. 14واش الملائكة ماشي كاملين أرْواح خدّامة، مرْسولين باش يخدمو من جهة الّي غادي يورتو النجا؟

Currently Selected:

عبرانيين 1: ary

Highlight

Copy

Compare