كورِنثوس التانية 8
8
الفصل التامن
1آ الخوت، بغيتْ نعرّفكُم بْنعْمة اللّٰه الّي اتّعطات نالكنائس د مَكدونيّة. 2فوسط المحاين الشديدة، فاطَت الفرْحة ديالوم. وْفوسط الفقر ديالوم الشديد، فاطت السخاوة ديالوم الكبيرة. 3وانا شاهد بلّي هُمَ عْطاو بْسخاوة بْخاطروم على حسب القدْرة ديالوم وْكتَر من القدْرة ديالوم ڭاع. 4رغبونا بزّاف باش نمَنحوهُم الامْتياز باش يشْتَركو في هَد المساعدة نالقدّيسين. 5وْعملو كتَر من ديك الشي الّي كُنّا كَنْتسنّاو، حيت في الُوّل عْطاو نَفسوم نالرَّبّ وْمن بعد لِنّا حسب إرادة اللّٰه. 6وْعلى ديك الشي رغبْنا تيطُس، فحال ما بدا، يكمّل هَد الخدْمة د النعْمة فيكُم. 7وَلكن، فحال ما كَتْكترو في كُل شي، في الإيمان، في الكلام، في المعْرفة، في كُل الاجْتهاد وْفي المحبّة ديالكُم لِنّا، كترو في هَد النعْمة حتّى هِيَ. 8ما كَنْآمركُم شي بْهَد الكلام، وَلكن بواسطة الاجْتهاد د يَخرين، بغيتْ نجرّب الصراحة د المحبّة ديالكُم. 9حيت كَتْعرفو نعْمة رَبّنا يَسوع المسيح بلّي، واخّا كان غني، بْسبابكُم رجَع فقير باش بواسطة الفقر ديالو أنتُمَ ترجعو أَغْنياء. 10وْفي هَد القَضيّة غادي نْنصحكُم نالمصْلحة ديالكُم، حيت العام الّي فات أنتُمَ كُنْتو الُوّليين، ماشي غير في العطاء، وَلكن حتّى في الرغْبة باش تعملوه. 11دابا كمّلو هَد العمل، على حسب القدْرة ديالكُم، باش يكون الكمال د العمل قدّ الرغْبة الّي كانت عندكُم. 12حيت إدا شي واحد كيعطي بالنيّة الخالصة، هَد الشي الّي كيعطي كيكون مقْبول على حسب الّي عندو، ماشي على حسب الّي ما عندو شي. 13كَنْقول هَد الشي ماشي باش يَخرين يكونو مرْتاحين ما دُمْتو أنتُمَ مضيّقين، وَلكن باش تكون المساواة بيناتكُم. 14في الوقت الحالي، الكترة ديالكُم غادي تسدّ الاحْتياج ديالوم، وْفي وقت يَخُر، الكترة ديالوم غادي تسدّ الاحْتياج ديالكُم. هَيدا غادي تكون المساواة، 15فحال ما هُوَ مكْتوب: "الّي جمَع بزّاف، ما شاط لو شي، والّي جمَع قليل، ما كان شي محْتاج."#8:15 هَد الاقتباس من سفر الخروج 16:18.
16الحمد للّه حيت هُوَ جعل في القلب د تيطُس نفس الاهْتمام الّي أنا عندي من جهتكُم، 17حيت هُوَ ما قبل شي طلباتنا وْكان، وَلكن بالاهْتمام ديالو مشى نْعندكُم بْخاطرو. 18وْصيفطْنا معاه الأخ الّي كَتْشكروْ الكنائس كاملة بْسباب الخدْمة ديالو في الإنجيل. 19وْماشي غير هَد الشي، وَلكن الكنائس اخْتاروه باش يرافقنا وْندّيو هَد العطيّة الّي حنايَ مكلّفين بِها باش نمجّدو الرَّبّ وْباش النيّة ديالنا تظهر. 20حيت بغينا نجْتَنبو أَي تُهْمة د الناس على كيفاش سيّرنا هَد العطيّة الكريمة. 21حيت كَنْحاولو نعملو الّي هُوَ صالح، ماشي غير قدّام الرَّبّ، وَلكن حتّى قدّام الناس. 22وْصيفطْنا معهُم خانا، الّي جرّبْنا الاهْتمام ديالو بزّاف د المرّات في بزّاف د الأُمور، وْدابا كتَر بْسباب التيقة الكبيرة الّي عندو فيكُم. 23وْمن جهة تيطُس، هُوَ الرفيق ديالي والشريك في الخدْمة بيناتكُم، وْمن جهة خوتنا، هُمَ المرْسولين د الكنائس وْبِهُم كَيْتمجّد المسيح. 24على ديك الشي ورّيو لوم قدّام الكنائس الدليل د المحبّة ديالكُم وْد الافْتخار ديالنا بِكُم.
Currently Selected:
كورِنثوس التانية 8: ary
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Instituto de Asistencia Teológica (IAT)
