تيموثاوس الأولى 4
4
الفصل الرابع
1وَلكن الروح كيقول واضح بلّي في آخر الزمان غادي يخرجو بعض الناس من الإيمان تابعين الارْواح الّي كيتلّفو، وْتابعين التعاليم د الشياطين. 2كيكدبو بالنفاق، وْعندوم ضمير معْدوم. 3هَدو كيمنعو الجواج وْكيحرّمو الماكلة الّي خلقاْ اللّٰه باش ياكلوها بالشكر المؤمنين الّي عرفو الحقّ. 4حيت كُل شي الّي خلق اللّٰه مزيان وْما يتّرفض شي إدا اتّقبل بالشكر، 5حيت كيتقدّس بْكلام اللّٰه والصلاة. 6إدا علّمْتِ الخوت هَد الشي، غادي تكون واحد الخدّام مزيان د يَسوع المسيح، مغدّي بالكلام د الإيمان والتعْليم المزيان الّي تبعْتِه. 7أمّا الخرايف الباطلة د العڭايز، رفضاْ، وْدرّب نفسك نالتقْوى، 8حيت الرياضة الجسديّة كتنفع قليل، وَلكن التقْوى كتنفع نْكُل شي حيت عنداْ الوعد د الحياة الحاضرة والماجّة. 9صادقة الكلمة هَدي وْكتسْتاهل كُل القبول، 10حيت على هَد الشي كَنْتعبو وْكنكافحو، حيت كنعملو الرجا ديالنا في اللّٰه الحيّ، الّي هُوَ المُنجّي د الناس كاملين، وْخصوصًا المؤمنين. 11وَصّي بْهَد الشي وْعلّموْ.
12ما يحڭر شي شي واحد شبابك، وَلكن كون متال نالمؤمنين في الكلام، في التصرُّف، في المحبّة، في الإيمان، وْفي الصفاوة. 13حتّى نجي، داوم على القراية#4:13 القراية: كيقصد بولُس القراية د كلام الله بْصوت عالي في اللقاءات د المؤمنين. والتشْجيع والتعْليم. 14ما تفرّط شي في المَوهبة الّي فيك، الّي اتّعطات لك بالنبوّة ملّي عملو عليك الشيوخ اليَدّين ديالوم. 15اهْتَمّ بْهَد الشي وْتبت فيه، باش يكون التقدُّم ديالك ظاهر في كُل شي. 16ردّ بالك مع نفسك وْمع التعْليم، وْداوم على ديك الشي، حيت إدا عملْتِ هَد الشي، غادي تنجّي نفسك وْهَدوك الّي كيسمعوك بْجوج بِكُم.
Currently Selected:
تيموثاوس الأولى 4: ary
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Instituto de Asistencia Teológica (IAT)
