မှုဝ် 92
92
မှုဝ် အီ အိူပ် ဇဝ်ဖြာ ဒေါ ဆီငဲ ဒီလှဝ်
1ဆေ အေ အိူပ် ဇဝ်ဖြာ၊ တဝ်း မှုဝ် အီ ဒါင် ဂုင် ဂေဇူ ဒီ အန် ဇဝ် အီ အိုပ် တူတ့် ဒွန် မျုဝ်၊ န့ ဟဲ့ မွှိုမ်။
2ဆိန့်ဝး၊ တဲး အေ ကာလာင် လွင် နဝ်း ရွက့် အန် ဇဝ်။ ခဲင် မှိုဝ်၊ တဲး အေ လှုဝ်း နဝ်း အန် အီ မှာန် အီ မွှိုမ် ဆေဆေ။
3တဲး အေ ဘး ဒိင် အီ မုး ဝန် ဂိုဝ် ညွင့် ဘော ဒိင် ဒီရဝ်။ တဲး အေ တဝ်း မှုဝ် ဒူပ် ဟမ် ဒိင် တီ။
4ခုဝ်၊ မဲ ဇဝ်ဖြာ ဘူင် တဲး နဝ်း အုဝ် ဒါခိုယ် ကာဆဝ် ကူပ် ပဲ့ ဟဲ့ ဘူင် မဲ ဇဝ် ဘဲန် မျုဝ် ဘဲန် မျုဝ်။ အုဝ် ဒီ တဝ်း မှုဝ် ကူပ် ပဲ့ ဟဲ့ ဖာန် ဘ့လေး မဲ ဇဝ်ဖြာ။
5အာကျာမ် အာငျာန် မဲ ဇဝ်ဖြာ ဟဲ့ ခိုက်ခမ် ကာဆဝ်။ ပဲ့ ဟဲ့ ဘူင် မဲ ဇဝ် ဟဲ့ မွှိုမ် အာမ် တူတ့် ဒွန် မျုဝ်။
6-7ပီ ဘူင် ဂေ ဒူအီ မိူက်၊ ပီ ဘော ဟဲ့ အွင် တဲး န့ ကော ပီ ပေတ့် အီ လတ့်၊ ဂေ ပီ ဘော ဟဲ့ စေဝ် ခြမ် မိူဝ်၊ အာဝ် လှေန့် ဂေ ဒီ စှိုမ် ဟြာယ် တူတ့်။ လွင် အန် တီ၊ ဂေ ဒူအီ ရိုဝ် ယီ တူ ယိုဝ်။ ဂေ ဒူအီ တူ မိုဝ်း အာငျာန် ယီ တူ နပ်။
8န့ ယီ မုး မဲ ဇဝ်ဖြာ အီ အိုပ် တူတ့် ဒွန် မျုဝ် ဒွန် စုဝ် ဒွန် ဘာန်။
9ယေ ဟဲ့ နပ် ဆီချာ၊ ရန်ဆူ မဲ ဇဝ်ဖြာ ဒီ လိုဝ် စှိုမ် တူတ့်။ ဂေ ဒူအီ ဟာယ် ဒူအီ မိူက် ဒွန် အီ၊ ဂေ ဒီ လုဝ် တဝ် ကာယဝ်း ဟာဝ် ဒွန် ဘ့လာက်။
10မဲ ဇဝ်ဖြာ ဟဲ့ စွယ် အုဝ် တဲး အုဝ် မိုဝ်း နဝ်း ပ့လူမ်၊ တဲး န့ ပီ မက် ပြဲ။ မဲ ဇဝ်ဖြာ ဟဲ့ ဖဝ်း နာမန် ဘွတ် ဒီ ဂိန့် အုဝ်၊ တဲး အုဝ် ဒါခိုယ် ခ ဂျာမ်ဆာ။
11အုဝ် ဒီ ဘော ယိုဝ် ဒေါ စှိုမ် ဂေ ရန်ဆူ အုဝ်။ အုဝ် ဒီ ဘော ယိုဝ် ဂြုဝ်း ပီ တဝ်း ပီ ပိုန့် ဂေ အီ တူ မွှိုမ်။
12ဂေ ဒူအီ နဝ်း ဘွတ် နဝ်း ဆိူဝ်၊ ဂေ ဒီ ဒါခိုယ် ဂျာမ်ဆာ ပီ ဟေ စိုက် အီ ဟြေး အီ ဘွတ်။ ဂေ ဒီ ဟြေး ဒီ တာင် ပီ ဟေ အာရိတ် အီ ကွယ် ဒီ နွန် လေဘာနုန်။
13ဂေ ဒီ ကွယ် ဆီချာ ပီ ဟေ ပီ ဆမ် အီ ခဲင် ဝဲင် ဟုဝ် ဇဝ်ဖြာ။ ဂေ ဒီ ကွယ် ရိုမ် ဒူပ် ဇဝ်ဖြာ။
14အာဆာက် ဂေ ပီ ဘော ကိူန်၊ န့ ဒီ ပီ ဟေ အီ မိုဝ်း ဘ့လေ ကိူန်။ ဂေ ဘော ပီ ဟေ ဘွတ် အီ ဆီ ငျီန် ဆီ နှိုမ်။
15ဂေ ဒီ ကာလာင် တဲး ဒွန် အီ နပ် လွင် နဝ်း ဆိူဝ် နဝ်း မှာန် အန် ဇဝ်။ ဂေ ဒီ တဝ်း၊ “ဇဝ်ဖြာ အာဝ် မိုဝ်း နာ တူ မွှိုမ်။ အန် ဇဝ် ဘော ပီ ဒါအာင် မာဝ် ဒူင် ပွိုန် အုဝ် ကွယ် ဆီချာ။”
Currently Selected:
မှုဝ် 92: pce
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
