အာယုဝ်ဘာ 35
35
1ဝါယ် အန် တီ အာအေလီဟူ ဝီ ကာလာင် ဟာဝ် ပွါ တဝ်း၊
2“အိုယ် အာယုဝ်ဘာ၊ မဲ ဟဲ့ တဝ်း၊ ‘အုဝ် ဟဲ့ မိုဝ်း နဝ်း ဆိူဝ် နဝ်း မှာန် ဒီ အာတ့် ဇဝ်ဖြာ။’ မဲ ထာင် ဂြုဝ်း တီ ဟဲ့ မှာန်။း
3မဲ မိူဝ် ဟဲ့ ဝီ ဒီမွှတ် ဇဝ်ဖြာ တဝ်း၊ ‘ဆေ အုဝ် တူ ဘူင် မှာပ်၊ န့ ဒီ ဘဲန် အာဂျိုဝ် မာဆေ ဒီ အုဝ်။း’
4အုဝ် ဆီ ကာလာင် လွင် အန် တီ ဒီ မဲ ဘော ဒီ ဂေ ဂိုက် မဲ အီ ကွယ် ရိုမ် ဒူပ် မဲ။
5တဲး မဲ ဆာကိုဝ်း ယွတ် ဂါင်ဟြာဝ်၊ တဲး မဲ ယွတ် န့အု အီ ဟဲ့ ကွယ် စာ ကာဆဝ်။
6ဆေ မဲ ဘူင် အီ တူ မွှိုမ်၊ န့ တူ ပါယ် မှဝ် ဒီ ဇဝ်ဖြာ။ မဲ ပီ ဘော ဟဲ့ ဘူင် လုတ့် ဘဲန် ဇေန့် ဘဲန် ဇေန့် မိူဝ်၊ န့ တူ ပါယ် မာဆေ ဒီ အန် ဇဝ်။
7ဆေ မဲ မိုဝ်း နဝ်း ဆိူဝ် နဝ်း မှာန်၊ မဲ ဒီ ဒွါ အာဂျိုဝ် မာဆေ ဒီ အန် ဇဝ်။း အန် ဇဝ် ဒီ ပွိုန် ဒိုဝ်း မာဆေ ဒီ မဲ။း
8အီ တူ မွှိုမ် ပီ ဘူင် မဲ မိူဝ်၊ န့ ဘဲန် အာဖေ အာရေ မီ ဒီ မဲ။ နာ ဆိူဝ် နာ မှာန် မိူဝ် န့ ဘဲန် အာဂျိုဝ် မီ ဒီ ဂေ ဒူအီ ကိူန်။
9ဒူအီ ဘော ဒတ် ယာမ် တာင် ကူပ် ဟဲ့ မိုဝ်း ကိူန် ကာဆဝ် အီ ခါနှာပ် ဂေ။ ဂေ ဘော ယာမ် ဒဲ့ တဲး န့ မိုဝ်း အီ တး စွယ် ဂေ ကူပ် ဂေ ဒူအီ အီ မိုဝ်း ပ့လူမ် တာင် ဟဲ့ ခါနှာပ် ဂေ။
10မာလဲ၊ န့ တူ ဒွိုမ် မိုဝ်း အီ ဒီမွှတ် တဝ်း၊ ‘ဇဝ်ဖြာ အီ ဖာန် ဘ့လေး အုဝ်၊ အန် ကွယ် ဒီ မှဝ်။း’ အန် ဇဝ် ဘော မုး ဇဝ်ဖြာ အီ တဲး အုဝ် ပွိုန် ဒီ တဝ်း မှုဝ် ခဲင် မှိုဝ်။
11အန် ဟဲ့ မာနုဝ် အေ ဒူအီ လွှိုမ် မာနုဝ် အန် ဒုဝ် ဆတ်ဒါဝါ။ အန် ဇဝ် ဟဲ့ တဲး အေ မိုဝ်း အာငျာန် လွှိုမ် မာဆိမ် အီ ဘိုန့် ခဲင် ဘ့လေန့်။
12ဒူအီ ပီ ဘော ဒတ် ဒဲ့ အီ တး စွယ် ဂေ မိူဝ်၊ ဇဝ်ဖြာ ယီ တူ ထူမ် ဂြုဝ်း ဂေ ကူပ် ပီခိုက် ဂေ နဝ်း ဂေ။
13ဟဲ့ မှာန် အာခါခ်ု၊ ဇဝ်ဖြာ တူ ထူမ် ဆေ ဒူအီ ကာလာင် ဂြုဝ်း ပီယေန့်၊ ဂြုဝ်း ဒီလူယ် ဒီလာယ်။ အန် ဇဝ် အီ အိုပ် တူတ့် ဒွန် မျုဝ် တူ ညိုင်ရာင် ယိုဝ် ဂြုဝ်း ဇိုဝ် တီ။
14ဒဲင် တီ၊ အန် ဇဝ် ဟဲ့ ဝဲ တူ တဲး အန် နုဝ် အန် နပ် ဆေ မဲ တဝ်း၊ မဲ တူ ယိုဝ် အန် ဇဝ်။ အာမူ မဲ ယီ ဟဲ့ ကွယ် ဒီ အာတ့် အန် ဇဝ်။ မဲ မိူဝ် လုဝ် ဘ်ု အန်။
15အန် ဇဝ် မိူဝ် တူ နုဝ် ဆေ မဲ တဝ်း၊ အန် တူ ဒမ် မှာပ် ကူပ် ဟဲ့ ရူ ကာဆဝ် အန်။
16ပါယ် တီ အာယုဝ်ဘာ နပ် ဒီ ကာလာင် ဂြုဝ်း ဒီလူယ် ဒီလာယ်၊ ဂြုဝ်း ပီယေန့်။ အန် ပီ ဘော တူ နပ် မာဆေ၊ အန် ယီ ကာလာင် ဂြုဝ်း ကိူန်။”
Currently Selected:
အာယုဝ်ဘာ 35: pce
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
