Htû̌sò̌htò̌ 95
95
lî̤sǎwǐ htû̌sò̌htò̌
1Hèmò̌, sǎlě̤sǎlò̤ sǎwǐhtò̌ Cǒmara tûjû̌pwa̤ tǎ.
Pa kaǎgǔ htû̌sò̌htò̌ wô̤̌wô̤̌ lû̌ lǒ̤dû̌ dǒ asô̌sô̌kû̌ pwa̤takabǐ pa hǒtôpwa̤ tǎ.#Htû̌sò̌htò̌ 62:6, 69:26
2Hènṳ̌ wô̤̌wô̤̌ lû̌ dǒ alô̤mô̤̌ dě pa hî̌bwǐhî̌sîrîhtò̌ lû̌ tǎ.
Pa sǎlě̤sǎlò̤ sǎwǐ htû̌sò̌htò̌ lû̌ tǎ.
3Cǒmara tûjû̌pwa̤ mî̌ Cǒmara dǒ asîrîshû̌sho kòyò.
Khwǐdû̌ dǒ asîrîshû̌sho lǒ kû̌ Cǒmara dǒ ashǐshawa̤ tokhlǒ lǒ̤bò.
4Hǎkhû̌ gûlǎ̤ dǒ a yô̤̌lǒ tokhlǒ bǎbǎ, khôlôdû̌khôlôhtûlǒ tokhlǒ bǎbǎ, a ô̌ lǒ̤bò dǒ lû̌cǔdekû.
5A bô̌lò̤nṳ̌bǎ shidû̌te̤we̤ akhû̌akhî, shidû̌te̤we̤ mî̌ ata̤.
Khôlôplǔ tokhlǒ mî̌ a bô̌lò̤ kû̌ anǎ̤nǎ̤.
6Hèmò̌, hèdô̌gînî̤ û̌lò̤mò̤̌, cabahtò̌mò̌ a.
Pa dô̌gînî̤lò̤ dǒ Cǒmara tûjû̌pwa̤, dǒ a bô̌lò̤ pa hǒtôpwa̤ alô̤mô̤̌ tǎ.
7A mî̌ pa Cǒmaradû̌.
Pa mî̌ kòyò dǒ a kè̌khwè̌ ǐtû̌.
Pa mî̌ sû̌phû̌sî dǒ a akè̌ǐ.
Khò̌tini̤ a hî̌ mî̌titè nuna tô ganǎ̤de tǒ̤ pwǎ lû̌yô̤̌.#Hebrǔ 3:7-11,15, 4:7
8Cǒmara tûjû̌pwa̤ hî̌ kû̌, “Ikǒpwǐ̤ sô̌sô̌gû̌ lô̌khô tǎ̤ kû̌ sîphisîphu ikǒpwǐ̤ dǒ Merǐbǎ shipǒ̤hǎhtò̌ gûlǎ̤ kû̌ dǒ gǎshashigǎkhû̌ masa gûlǎ̤ nutǎ̤mǎ̤.#Hǎplǎge 17:1-7; Cû̌lèmi̤kla 20:2-13
9“Gûlǎ̤ bǎnumî̌ sîphisîphu tokhlǒ kè̌shǐnô̌ htobò he ma̤ bǎ ta̤ dǒ asîya tokhlǒ bǎbǎkǎlè asî kè̌lǎ ma̤kè̌kè̌ pe hehe.#Hǎplǎge 17:1-7; Cû̌lèmi̤kla 20:1-13; Dǒhtû̌ǐ 6:16, 33:8
10“Pô̤̌nudě hema̤yǒ̤ asî aně lǐ̤shi.
“He hî̌ kû̌, ‘asî mî̌ kòyò dǒ acǒ kû̌ he tô̤̌.
“‘Kòyò dǒ a ganǎ̤de heta̤mǎlò̤ tô̤̌nu,’ he hî̌nǎ pô̤̌nu.
11“Ma̤pô̤̌nudě he sǎphlǒdû̌ asî dě he hî̌lò̤ asî ayô̤̌ tômû kû̌, ‘shigǎ dǒ he olò̤ kû̌ he gǔ ǐ kû̌ asî lǎ̤ô̌kǔ tashò̌phû̌ nutôkû nu, asî nṳ̌nǒ petô̤̌ hǒ.’”#Cû̌lèmi̤kla 14:20-23; Dǒhtû̌ǐ 1:14-16, 13:7-10; Hebrǔ 4:3, 5
Currently Selected:
Htû̌sò̌htò̌ 95: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
