Htû̌sò̌htò̌ 93
93
Cǒmara tûjû̌pwa̤ mî̌ khwǐ
1Cǒmara tûjû̌pwa̤ pǒ ta̤ pô̤̌ khwǐ.
A kûhtò̌sô̌htò̌ ta̤bwǐdû̌sîrîhtû dǒ alîrakha.
A è̌htò̌ǐ ta̤pô̤phǎshû̌sho.
A shǒhtò̌ma̤htò̌ tònòmě wô̌bǎ hǎkhû̌.
A guyṳ̌ sǒsǔjò tô̤̌.
2Na gògǒhtahtò̌yô̤̌lǒ nî̌ a ô̌měô̌gle dǒněhǎlau penu.
Na ô̌nǎ hto tûjû̌pwa̤ dǒněhǎlau pe.
3Ǒ꤮ Cǒmara tûjû̌pwa̤, shidû̌te̤we̤ tokhlǒ pěpǒhè, pǒhè pwe̤nǎ̤sǎgô̌, pǒhè shû̌sho jî̌jî̌.
4Cǒmara tûjû̌pwa̤ ô̌ dǒ mǒkhû̌ nutôpwa̤ mî̌ ashû̌asho jî̌jî̌.
Ashû̌asho khlope kû̌ shipěpǒdû̌ pwe̤nǎ̤shǎgô̌, shipěpǒ bǒbè̌ hèdû̌ dǒ shidû̌te̤we̤kû.
5Cǒmara tûjû̌pwa̤, na ta̤sû̌ta̤tòwò tokhlǒnu aměagle, na hǐ nî̌ aplò̌ashî̌ tûjû̌pwa̤ talakhǎ.
Currently Selected:
Htû̌sò̌htò̌ 93: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
