Htû̌sò̌htò̌ 82
82
Cǒmara mî̌ pwa̤pǒta̤ dǒ adû̌lǒkhlo kò
Pha Asa ata̤sǎwǐ htû̌sò̌htò̌
1Cǒmaradû̌ ihtǒphǐnṳ̌ gûlǎ̤ bǎ mǒkhû̌ ata̤ô̌cuô̌plǒdû̌nu.
A cî̌htò̌ kòyò mṳ̌plô̤̌ ashǔshawa̤ Cǒmara tokhlǒ.#82:1 Lî̤plò̌shǐ tokhlǒkhlǒ mî̌ awě̤ kû̌ mǒkhû̌tanaphû̌.
2A tṳ̂mṳ̂̌ta̤ma̤ asî kû̌, “Sî glè̌ onǐ̤ yî̤ pô̤̌ kòyò sǎphlǒ phû̌mò̌shǐhtô nutokhlǒ tǒ̤꤮ bǎkhòtè pěya?
“Sî glè̌ kè̌dû̌ yî̤ pô̤̌ asî tǒ̤꤮ bǎkhòtè pěya?
3“Ma̤tôma̤bǎ bǎ kòyò hǎwě̤shèwè̤ kû̌ phû̌ dǒ shôdôpha tokhlǒ.
“Takaǐ kòyò dǒ kò pè̤̌ǎpè̤̌ô lû̌û nutokhlǒ kû̌ a khòbǎ ta̤jî̌ta̤jû̌ tokhlǒ.
4“Ma̤hǎplǎge kòyò shuphǔshèwè̤ sî, kòyò shôdô pwa̤ma̤jè̌ sî dǒ kòyò sǎphlǒ phû̌mò̌shǐhtô sî acǔdekû.
5“Pwa̤ma̤jî̌ma̤jû̌ kòyò sînu, ata̤sî̌ya ô̌ kû̌ kòyò tô̤̌, a phlôphǎ gû̌ kòyò ta̤ tô̤̌tô̤̌, a cû̌ge lô̌khô dǒ ta̤khǐsiwi̤ akla.
“Ta̤ma̤tôma̤bǎ ô̌pe dǒ hǎkhû̌nu tôkû tô̤̌.
6“He hî̌ kû̌ ‘sî mî̌ Cǒmara tokhlǒ.
“‘Sî lǒ̤꤮ bò mî̌ Cǒmara dǒ adû̌ahtûgutṳ̌ aphû̌khû tokhlǒ hǒ.’#Yṳ̂ha 10:34
7“Bǎbǎkǎlè sî glè̌ si sô̌sô̌kû̌ kòyòhǎkhû̌phû̌.
“Sî lṳmṳ̌ni̤ glè̌ hǎlǒ̤kè sô̌sô̌kû̌ pwa̤htû ikǒlǒkò dǒ ashǔshawa̤ tokhlǒ.”
8Ǒ Cǒmaradû̌, ma̤mò̌, cî̌htò̌ mò̌ hǎkhû̌nu.
Lǒ̤bò kòyò khlilèphû̌ hǒtokhlǒ mî̌ na kòyò.#Htû̌sò̌htò̌ 2:8
Currently Selected:
Htû̌sò̌htò̌ 82: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
