Htû̌sò̌htò̌ 53
53
Kòyòhǎkhû̌phû̌ ata̤phû̌mò̤̌shǐhtô
Ta̤sǎwǐ numî̌ pwa̤sǎwǐ ta̤ tokhlǒ ikǒlǒkò dǒ ta̤lṳ̌htò̌hôkû nutôpwa̤ aya. Khwǐdawi̤ ata̤sǎwǐ nutôshǒ mî̌ dǒ Hebrǔyô̤̌nu, a kaǎ lû̌kû̌ Masakǐla ta̤sǎwǐ, dě ta̤sǎwǐ nutôshǒ mî̌ a ǐ kòyò ta̤sî̌yaphlôphǎ. Dě bǎ sǎwǐ sô̌sô̌kû̌ mahalasa ta̤sǎwǐ.
1Kòyò phuhtò hî̌ lô̌khô dǒ asǎphlǒkû kû̌, “Cǒmara ô̌tô̤̌.”
Asî ata̤bè̌sû̌bè̌sǎ mî̌ aphû̌mò̤̌shǐhtô, ata̤phǐta̤ma̤ mî̌ aphû̌mò̤̌.
Dǒ asî akla nu, a ma̤ ta̤wô̌ ô̌pe tôpwa̤ tô̤̌.#Htû̌sò̌htò̌ 10:4, 14:1; Rṳ̂̌me̤ 3:10-12
2Pô̤̌khô Cǒmaradû̌ glè̌ sî̌ganǎ̤ kû̌ kòyò dǒ a ô̌htûpwa̤ tě̤tě̤mè̤̌mè̤̌, kòyò dǒ a kè̌lǎ lû̌û ô̌ ya mî̌ ô̌tô̤̌yanu, a ô̌ dǒ mǒkhû̌ kè̌lò̤ kòyò hǎkhû̌phû̌.#Lî̤wě̤mǎnǎ awǐlǒ tôbǎ 22:19
3Bǎbǎkǎlè kòyò pṳ̂̌꤮ tôpwa̤ cû̌tephe bò kû̌ Cǒmaradû̌ alǎ̤.
Asî htûhtò̌bò kòyòphû̌mò̤̌ pṳ̂̌꤮ tôpwa̤.
Kòyò dǒ a ma̤ ta̤wô̌nu a ô̌pe tôpwa̤꤮ tô̤̌, bǎ tôkǔtôpwa̤ nô̤̌nu a ô̌ tô̤̌.#Mǒhtûlû̌hǎhtûsa 6:5; Htû̌sò̌htò̌ 14:3; Rṳ̂̌me̤ 3:12
4Cǒmaradû̌ gwè̌ kû̌, “Kòyòphû̌mò̤̌ mî̌ a kè̌lǎ sî̌ya gû̌ kò tôkhò̌꤮ tô̤̌ yahî̌?
“Asî ě ǎbò he kòyò dǒ a ganǎ̤de heyô̤̌ sô̌sô̌kû̌ a ǎ mû̌.#Yeramǐya 10:25; Mǐka 3:3
“Asî kwicabahtò̌ he tôkhò̌꤮ tô̤̌.”#Yashǎya 64:7
5Ta̤sǎgònò̤̌ ǐsha ô̌ tôcǒ꤮ tô̤̌ bǎbǎkǎlè asî ǐsha mî̌ca pě.
Cǒmaradû̌ ma̤lûpò̌lûshe pwa̤sǎkhě na tokhlǒ akhwǐakrû̌ pě.
A wîkè asî akhû̌akhî, na ma̤sòwò̤̌bò asî pě.
6He kwicaba lǒ̤sǔlǒ̤sò̌ kû̌ ta̤ma̤hǎplǎge dǒ Isôrě̤laphû̌ aya, a ô̌ dǒ Sǐû khôlôkhû̌ hèlò̤ tûû̌ pě.
Htû̌꤮ Cǒmaradû̌ kaǎge plǒbò sô̌ akòyò dǒ kòyò pṳ̂̌cû̌kè lû̌û nutokhlǒ akhapěnu, Phayakò akhlialè sǎlě̤sǎlò̤ pě, Isôrělaphû̌ sû̌mô̤sò̌mô̤ pě.
Currently Selected:
Htû̌sò̌htò̌ 53: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
