Htû̌sò̌htò̌ 14
14
Kòyòhǎkhû̌phû̌ ata̤phû̌mò̤̌shî̌htô
Khwǐdawi̤ ata̤sǎwǐ htû̌sû̌htò̌. Ta̤sǎwǐ mî̌ pwa̤sǎwǐ ta̤ tokhlǒ aikǒ dǒ ta̤lṳhtò̌hôkû nutôpwa̤ aya.
1Kòyò nòdû̌ hî̌ lô̌khô dǒ asò̌phlǒkû kû̌, “Cǒmara ô̌tô̤̌.”
Asî ata̤bè̌sǎphlǒsû̌shi mî̌ aphû̌mò̤̌shǐhtô, ata̤phî̌ta̤ma̤ mî̌ aphû̌mò̤̌shǐhtô.
Dǒ asî klanu, a ma̤ ta̤wô̌ ô̌pe tôpwǎ̤꤮ tô̤̌.#Rṳ̂̌me̤ 3:10-12
2Pô̤̌khô Cǒmara tûjû̌pwa̤ gǔ sî̌ya kû̌ kòyò dǒ a ô̌htûpwa̤ tě̤mè̤̌, kòyò dǒ a kè̌lǎ lû̌ûnu a ô̌ ya ô̌tô̤̌yanu, a ô̌ dǒ mǒkhû̌ kè̌lò̤ kòyò hǎkhû̌phû̌.
3Bǎbǎkǎlè kòyò pṳ̂̌꤮ tapwa̤ cû̌tephebò kû̌ Cǒmaradû̌.
Asî htûkèbò kòyòphû̌mò̤̌.
Kòyò dǒ a ma̤ ta̤wô̌nu a ǒpe tôpwǎ̤꤮ tô̤̌, tôkûtôpwa̤ pwǎnu, aô̌ tô̤̌.#Mǒhtûlû̌hǎhtûsa 6:5; Htû̌sò̌htò̌ 53:3; Rṳ̂̌me̤ 3:12
4Cǒmara tûjû̌pwa̤ gwè̌ kû̌, “Kòyòphû̌mò̤ lǒ̤bò꤮ tokhlǒ, a kè̌lǎsî̌ya gû̌ bǎ kò tôkhò̌꤮ tô̤̌ya?”
“Asî hè ǎ bò he kòyò dǒ a ganǎ̤de heyô̤̌ nutokhlǒ sô̌sô̌kû̌ a ǎ mû̌nu.”#Yeramǐya 10:25; Mǐka 3:3
“Asî kwicabahtò̌ he tôkhò̌꤮ tô̤̌.”#Yashǎya 64:7
5Pô̤̌nudě asî bǎ kè̌shǐtṳ̌bǎ kû̌ ta̤sò̌gònò̤̌ ǐsha dû̌꤮ pě. Bǎbǎkǎlè Cǒmara ô̌kû̌ kòyòcǒkòyòtè̤.
6Kòyòphû̌mò̤̌ nutokhlǒ ma̤pî̌ma̤lṳ̂̌ kèbò kòyòshôphû̌shèwè̤phû̌ ata̤yè̤lò̤nǎ.
Cǒmara tûjû̌pwa̤ mî̌ kòyòshôphû̌shèwè̤phû̌ alǎ̤ô̌tûdûbǐ agûlǎ̤.
7He kwicaba lǒ̤sû̌lǒ̤sò̌ kû̌ ta̤ma̤hǎplǎge dǒ Isôrělaphû̌ ayanu, a gǔ ô̌ dǒ Sǐû khôlôkhû̌ hèlò̤ pě nî̌.
Htû̌꤮ Cǒmara tûjû̌pwa̤ kaǎplǒbò sô̌ akòyò dǒ kò pṳ̂̌cû̌kè lû̌û nutokhlǒ akhapěnu, Phaya̤kò akhlialè sǎlě̤sǎlò̤, Isôrělaphû̌ glè̌ sû̌mô̤sò̌mô̤ pě.
Currently Selected:
Htû̌sò̌htò̌ 14: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA