Htû̌sò̌htò̌ 131
131
Ta̤shò̌lò̤ sǎphlǒ ata̤kwicaba
Bǎ kòyò tokhlǒ gehtò̌ lô̌khô dǒ Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ. Khwǐdawi̤ ata̤sǎwǐ htû̌shò̌htò̌.
1Ǒ꤮ Cǒmara tûjû̌pwa̤, he bè̌dû̌bè̌pwǎ̤ bǎ henǎ̤ tô̤̌, he jî̌dû̌jî̌pǒ bǎ tô̤̌tô̤̌.
Ta̤ma̤ dǒ adû̌ayô̤̌, ahtò̌yô̤̌ mî̌ca dǒ heya tokhlǒnu he ma̤ bǎ tô̤̌.
2He cî̌cî̌ô̌ sô̌sô̌kû̌ phijǎphû̌ dǒ amǒ̤ dǔ ônû̌ lû̌û dě a sǎphlǒmô̤ ô̌plǒ kû̌ amǒ̤nu.
He cî̌cî̌ô̌ asô̌sô̌kû̌ phijǎphû̌ dǒ amǒ̤ dǔ ônû̌ lû̌û.
3Ǒ꤮ Isôrě̤la khlilèphû̌ sî, kè̌shǔ nǎla̤ǐ mò̌ lô̌khô Cǒmara tûjû̌pwa̤ sahtò̌ khònò̤̌ hènè tûjû̌pwa̤ talakhǎ nî̌.
Currently Selected:
Htû̌sò̌htò̌ 131: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
