Htû̌sò̌htò̌ 125
125
Cǒmara takabǐ a kòyò
Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ nutôshǒ.
1Kòyò dǒ a nǎla̤ǐ tǒ̤꤮ Cǒmara tûjû̌pwa̤ mî̌ asô̌sô̌kû̌ Sǐû khôlô.
A guyṳ̌ nô̌ tôkhò̌꤮ tô̤̌, a ô̌měô̌gle tûjû̌pwa̤.
2Pô̤̌ khôlô sîtokhlǒ ô̌tewe̤bò Wî̤̌yarǔshôlenu, Cǒmara tûjû̌pwa̤ ô̌pǒ̤ te̤we̤bò a kòyò tokhlǒ sahtò̌ khònò̤̌ hènè tûjû̌pwa̤ talakhǎ.
3Kòyòkhu phû̌mò̤̌ tokhlǒ pǒ sělě jò nô̌ kòyòcǒkòyòtè̤ ashiagǎ tô̤̌.
Asî kè̌ pǒǐ mî̌, kòyòcǒtè̤ sanǎ̤ ma̤bò lô̌khô ta̤phû̌mò̤̌shǐhtô pě.
4Ǒ꤮ Cǒmara tûjû̌pwa̤, ma̤bwǐma̤sîsî ma̤mô̤ma̤wô̌ kòyò dǒ awô̌ kû̌ asǎphlǒ cǒtè̤nu.
5Kòyò cû̌ dǒ klè̌sǔklè̌tò̤̌ akû tokhlǒ khû̌dayadě, Cǒmara tûjû̌pwa̤ wṳ̂̌hǎhtò̌ bò asî kû̌ pwa̤ma̤ ta̤phû̌mò̤̌shǐhtô pě.
Sî Isôrě̤laphû̌ nǐ̤bǎ pû ta̤ô̌mô̤ô̌phi nî̌꤮.
Currently Selected:
Htû̌sò̌htò̌ 125: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
