Htû̌sò̌htò̌ 121
121
Cǒmara tûjû̌pwa̤ mî̌ pwa̤takabǐ pa
Bǎ kòyò tokhlǒ ihtǒ lô̌khô dě Wî̤̌yarǔshôle ta̤lṳhtò̌hôkû akhanu, a sǎwǐ lô̌khô ta̤sǎwǐ hotôshǒ.
1He kè̌htò̌ dǒ khôlô tokhlǒ alô̤, he ta̤ma̤jè̌ hèlò̤ bǎtè tôkû pě?
2He ta̤ma̤jè̌ hèlò̤ dǒ Cǒmara tûjû̌pwa̤, pwa̤ dǒ a bô̌lò̤ mǒkhû̌ kû̌ hǎkhû̌ nutôpwa̤ a ô̌.
3A no tǒ̤ nô̌ na dǒ klè̌sǔklè̌tò̤̌ akû tô̤̌.
Pwa̤ dǒ a ô̌pǒ̤kè̌ǐ na nutôpwa̤ a hǎmôô̌ tô̤̌.
4Kè̌ hî̌ mî̌ca nî̌, pwa̤ dǒ a ô̌pǒ̤kè̌ǐ Isôrělaphû̌ nutôpwa̤ hǎmôô̌khwe tô̤̌, a hǎmôô̌ nô̌ tôkhò̌꤮ tô̤̌tô̤̌.
5Cǒmara tûjû̌pwa̤ anǎ̤ sanǎ̤tû̌ ô̌pǒ̤kè̌ǐ na.
Cǒmara tûjû̌pwa̤ ô̌ dǒ nakòshǐ pô̤̌ ta̤yô̤ǔ dǒ a ahǔbǐǐ na.
6Lṳmṳ̌sha mî̌ lṳmṳ̌ gû̌lû̌ nǒ na tô̤̌.
Lṳmṳ̌khǐ mî̌ la ma̤pò̤̌ma̤sha nǒ na tô̤̌tô̤̌.
7Cǒmara tûjû̌pwa̤ takaǐ na dǒ ta̤phû̌mò̤̌shǐhtô pṳ̂̌꤮ tôcǒ akû.
A ô̌pǒ̤kè̌ǐ pô̤̌ na ta̤htûpwa̤.
8Na cû̌ bǎtè꤮ bǎbǎ, na ô̌ bǎtè꤮ bǎbǎ, sahtò̌ khònò̤̌ hènè tûjû̌pwa̤ talakhǎ, a ô̌pǒ̤kè̌ǐ pû na.
Currently Selected:
Htû̌sò̌htò̌ 121: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
