Htû̌sò̌htò̌ 12
12
Kwihtò̌ ta̤ma̤jè̌ dǒ Cǒmara tûjû̌pwa̤ aô̌
Khwǐdawi̤ ata̤sǎwǐ htû̌sò̌htò̌. Ta̤sǎwǐ numî̌ pwa̤sǎwǐ ta̤tokhlǒ aikǒlǒkò dǒ ta̤lṳhtò̌hôkû nutôpwa̤ aya. Bǎ dǒ lû̌kû̌ ta̤dǒta̤ǔ dǒ apli̤ô̌ abôlǐ̤sô̌ nutokhlǒ.
1Kǒ Cǒmara tûjû̌pwa̤ ma̤jè̌ pa, kòyòcǒkòyòtè̤ ô̌pe tô̤̌.
Kòyò dǒ a cǒtè̤ kû̌ Cǒmaranu ahǎmǎ kèbò hǒ.#Yashǎya 57:1; Mǐka 7:2
2Kò pṳ̂̌꤮ tôpwa̤ lòhô ǐbò ahǐphò kòshî̌.
Asî hî̌bǎhtû̌sò̌ kè̌khî lû̌û.#Yeramǐya 9:8; Rṳ̂̌me̤ 16:18
3Ǒ Cǒmara tûjû̌pwa̤, asîgô̌kû dě a hî̌bǎ htû̌sò̌, asîplî̤ dě a hî̌bǎhtò̌yî̤ nutokhlǒ ma̤ô̌kǔ sǔtukǔ kè asî.
4Asî hî̌lǒkhô kû̌, “Dǒ pa hî̌bǎ lòhôjò yô̤̌ akhû̌akhî, pa hî̌ ma̤hî̌tètè̌ dě pa nǐ̤bǎ bò.
“Pa sǎyṳ hî̌ titètè̌nu anǐ̤, kò lṳ̂bǎ htû sara dǒ pakhû̌ tôpwǎ̤꤮ tô̤̌.”
5Cǒmara tûjû̌pwa̤ hî̌ kû̌, “Dǒ kò pè̤̌ǎpè̤̌ô pwa̤shèphǔshèwè̤phû̌, he ganǎ̤de kòyò shôdô ta̤ma̤jè̌ ata̤kookasha akhû̌akhî, khònò̤̌ he gǔ ihtǒma̤ ta̤tôcǒcǒ dě asîya.
“He gǔ tugǔtakaǐ kòyò dǒ akè̌shunǎla̤ǐ he.”
6Cǒmara tûjû̌pwa̤ ata̤olò̤wǎ̤lò̤ tokhlǒnu asǔ ô̌ tôcǒ꤮ tô̤̌.
Asô̌sô̌꤮ kû̌ ruyî̌ dǒ kò ma̤phǔbû hto lû̌û kû̌ mî̌ susô̌ tôplǎ, dǒ khokû nuhǒ.#Pwa̤sî̌pwa̤jò̌phû̌ alě̤yô̤̌ 30:5
7Kǒ Cǒmara tûjû̌pwa̤, na ma̤hǎplǎgekè pa, takaǐ kè̌ǐkhwè̌ǐ pa dě kòyòphû̌mò̤ nutokhlǒ acǔdekû tûjû̌pwa̤ pě.
8Kòyòphû̌mò̤ tokhlǒnu, a cû̌ dǒ gûla̤ pṳ̂̌꤮ tûkû, kòyò htû̌sò̌ ǐ bò asî.
Currently Selected:
Htû̌sò̌htò̌ 12: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA