Htû̌sò̌htò̌ 114
114
Ta̤ma̤hǎplǎge ata̤sǎwǐ
1Bǎ Isôrělaphû̌ amè̤̌kû̌ Phayakû akhlialè ô̌ dǒ Ijǐgǎ, khlilèphû̌ shǔshawa̤ agǎ dě a hǎhtò̌gekè akhanu,#Hǎplǎge 12:51 2Yǔdaphû̌ htûhtò̌ Cǒmara a kòyò aplò̌shǐ.
Cǒmara pǒǐbò Isôrělaphû̌.
3Shidû̌shite̤we̤ kè̌shǐ dě a hǎhtò̌cû̌ tephekè.#Hǎplǎge 14:21
Jòda shilô̤̌mǒ̤ dě a lò̤ô̌kǔkè.#Yṳ̂shǔ 3:16
4Khôlôhtûkhôlôdû̌ pě̤htò̌ sô̌sô̌kû̌ sû̌phû̌phadû̌.
Khôlôphû̌ pě̤htò̌ asô̌sô̌kû̌ sû̌phû̌ pî̌tî̌.
5Ǒ shidû̌shite̤we̤, na cû̌ hǎhtò̌khlè̌ tephekè ma̤titè?
Ǒ Jòda shilô̤̌mǒ̤, na cû̌ lò̤ô̌kǔ kè ma̤titè?
6Ǒ khôlôhtûkhôlôdû̌ sî, sî cû̌pě̤ sô̌sô̌tǒ̤kû̌ sû̌phû̌phadû̌ mî̌ ama̤titè?
Ǒ khôlôphû̌ sî, sî cû̌pě̤ sô̌sô̌tǒ̤kû̌ sû̌phû̌ pî̌tî̌ mî̌ ama̤titè?
7Ǒ hǎkhû̌, gònò̤̌gòglè mò̌ dǒ Běcǎdû̌ alô̤mô̤̌nu.
Gònò̤̌gòglè mò̌ dǒ Phayakò a Cǒmaradû̌ lô̤mô̤̌nu.
8Lǒ̤nu, Cǒmara no htûhtò̌ lû̌û kû̌ shikoǒ.
Lǒ̤dû̌nu, a no htûhtò̌ lû̌û kû̌ shipǒ̤hǎhtò̌.#Dǒhtû̌ǐ 17:1-7; Cû̌lèmi̤kla 20:2-13
Currently Selected:
Htû̌sò̌htò̌ 114: KXF
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
