มัทธิว เตเฮ๊เบ่ เหร่อ เด๊อะ เง
เตเฮ๊เบ่ เหร่อ เด๊อะ เง
ลี เตซิครือมีลา มัทธิว เออต๊าบ่า หม่า อา เฮ๊โฉ่โล เป่ อู เร๊อ เหย่ซู่ หม่า หม่าเฮ๊อ เพรเมแลเปล๊กา อู เด๊อะ จอแปแหร่ อ๊อแล หนื่ออื่อแก เนอเตเพร เฮ๊อ. แบ่เจ่ เหย่ซู่หม่า หม่าเฮ๊อ เพร เด๊อ อา เมเล๊อบาแถ่ เป่ เฮ๊อ จอแปแหร่ อ๊อแล หนื่ออื่อแก อาโหง่ เน๊อ อาแกแย เด๊อ ลีเทส่อพ๊า อาเลอกู เนอเต๊เห่ เตเพร เฮ๊อ. เตซิครือมีลา เออเนอหม่า อา หม่า เป่ แพ๊ตื๊อ แกแยยิวพู๊ เด๊อ แบ่เจ่ แฮ โอ่เป๊เจ่แล เด๊อ เหย่ซี อาเกลเนอ เต๊เห่ อาเงเนอ หม่าโต่. เตซิครือมีลา เออเนอ หม่า เห่ขุ ต๊าบ่า อาเง.
ลี เตซิครือมีลา มัทธิว เออต๊าบ่า เนอ อู เป๊อแถ่ รา เหร่อ เร๊อ แบ่เจ่ เหย่ซู่ อา เตโอ่เป๊เจ่แล อาหรี่อาแก. โทเร๊อ อา เฮ๊โล เป่อู, เร๊อ แบ่เจ่ เจเทอ อาหรี่อาแก เร๊อ โลเน๊โลมู๊แหม่ กู่กล๊อ อิลออี๊โหล่ ลู อาหรี่อาแก, โทเร๊อ อา เฮ๊โล เป่ เน๊อ แบ่เจ่ เหย่ซู่ เป๊อแถ่ อา เตเอ่เตแร เร๊อ อา เล โด่แน แด๊โฉ่ เป่อู, อิซว๊าอี๊แส่ เป่อู, เร๊อ อา แหย่โอ่เหม่ เป่อู เตชุ๊ยเตเช เต๊เห่ เด๊อ กาลิลีเก่กู เนอเต๊เห่ อาหรี่อาแก. อา เฮ๊โฉ่โล โท ฮู๊เนอเร๊อ อา ราม๊าราแด ลาติ แบ่เจ่ เหย่ซู่ โอ่ เด๊อ กาลิลีเก่ เร๊อ อา เถ่จว๊า เด๊อ วีเยรูซาเล็ม อาหรี่อาแก. โทเร๊อ เตเมทวาแถ่ อาเหน่ เน๊อ แบ่เจ่ เหย่ซู่ เด๊อ คยาเล๊อ เตเกล๊ดา อากู, เร๊อ อู มือเซอแถ่ อา เด๊อ อี๊ถื่อดีเต่ลู อาหรี่อาแก เร๊อ อา เซอ ก๊อถ่อกาคยา อาหรี่อาแก เต๊เห่.
ลี เออต๊าบ่าเนอ อา เด๊อะโลแถ่ เหย่ซู่ ฮู๊ ซ๊าร๊าดุ เด๊อ อา โอ่ เร๊อ อา เตอเรอฉว่าชอ เร๊อ อา เฮ๊เถ่โล เป่อู เร๊อ จอแปแหร่ อา เตซว๊าเตแส่ เต๊เห่ เตเพร, โทเร๊อ อา อิซว๊าอี๊แส่ เป่ อู เร๊อ จอแปแหร่ อาเทออาเก่ อาหรี่อาแก เตเพร ฮู๊เนอ. แบ่เจ่ อา เตอิซว๊าอี๊แส่ เต๊เห่เนอ อา โอ่ เอ๊แหน่เจ๊อ เร๊อ อู แด่โอ่ปล๊อ เตอ ลู อา เตอิซว๊าอี๊แส่ เออเต๊เห่ เร๊อ อู เบ แด่โอ่ปล๊อ โค๊ลู แงเจ่อ. (๑) เตแด๊โฉ่โด่แน เด๊อะโฉ่ลู เตแด่ ซิปล่อสู่เทอ อาหรี่อาแก, เป โตเป่ พย๊าหนิ เตเอ่เตแร เด๊อ อาตาเบ่ เป เต๊เห่, พย๊าหนิ เต ตาโตตาเบ่ แร๊ เต๊เห่, เร๊อ แกแย เด๊อ อา ทวาเฮ๊อ ม๊อขุ อาเทอพู๊เก่พู๊ เต๊เห่ อา เก่ เมแคร๋ อาเหน่ ฮู๊เต ปา อาหรี่อาแก (อามาดุ ๕-๗) (๒) อิซว๊าอี๊แส่ ยูแกล๊ยูโกล เป่ อา โคฮู๊เจ่ เช๊อซิเนอ อา เตเอ่เตแร เต๊เห่ อาหรี่อาแก (อามาดุ ๒๐) (๓) โด่แน ค๊าโข่ เป่ อู เร๊อ ม๊อขุ เทอเลเก่กู อาหรี่อาแก (อามาดุ ๑๓) (๔) อิซว๊าอี๊แส่ เป่อู เน๊อ อู เก่ โอ่เซอเพร ฮู๊ อา โคฮู๊เจ่ เตเพร อาโหง่แลช๊า เต๊เห่ อาหรี่อาแก (อามาดุ ๑๘) (๕) อิซว๊าอี๊แส่ เป่อู เน๊อ เออตือทือ เก่ตื๊อดื่อแก ปา อาหรี่อาแก เร๊อ จอแปแหร่ อาเทออาเก่ เก่ แฮ โอ่แถ่ ปา อาหรี่อาแก (อามาดุ ๒๔-๒๕)
เตเฮ๊เบ่ เต๊อเจ่อ เร๊อ เต๊อเจ่อ
แบ่เจ่ เหย่ซู่ โหมะเพ เพอโพ โหมะเผระ อากลุย แกแล ตือทือ โท ตือทือ เต๊เห่ เร๊อ อา เตโอ่เป๊เจ่แล อาหรี่อาแก ๑:๑-๒:๒๓
เพรเจเทอ คูยอห์น อา เตเอ่เตแร เต๊เห่ ๓:๑-๑๒
เหย่ซู่เจเทอ อาหรี่อาแก เร๊อ เตอิลออี๊โหล่ อาหรี่อาแก ๓:๑๓-๔:๑๑
เหย่ซู่ แรเต เด๊อ แกแย เบ๊หมู่ อาเกล เด๊อ กาลิลีเก่กู ๔:๑๒-๑๘:๓๕
เป๊อแถ่ เด๊อ กาลิลีเก่ โต่เด๊อ วี เยรูซาเล็ม ๑๙:๑-๒๐:๓๔
เด๊อ คยาเล๊อ เตเกล๊ เบ๊อะวีเยรูซาเล็ม อากู เร๊อ อาแก่ชอแก่ช๊าเต๊เห่ ๒๑:๑-๒๗:๖๖
แบ่เจ่ อาเตเซอ ก๊อถ่อกาคยา เร๊อ อา เตเด๊อะโลคยา อาเหน่ อาหรี่อาแก ๒๘:๑-๒๐
Currently Selected:
มัทธิว เตเฮ๊เบ่ เหร่อ เด๊อะ เง: EKTNTGEN
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA